កីឡា

សហព័ន្ធខ្មែរកីឡាហាប់គីដូ ឆ្នាំ ២០២៥ មានផែនការ២ធំៗជំរុញអភិវឌ្ឍន៍សមត្ថភាព

បានផុស

១ year មុន

នៅ

ថ្ងៃពុធ ១៩ មីនា ២០២៥

ដោយ

អនុប្រធានសហព័ន្ធខ្មែរកីឡាហាប់គីដូ ថានៅក្នុងឆ្នាំ២០២៥ នេះសហព័ន្ធមានគម្រោងផែនការធំៗចំនួនពីរ ទី១ បញ្ជូនកីឡាករ កីឡាការិនីចេញទៅប្រកួតឯឥណ្ឌូណេស៊ី ទី២ រៀបចំការប្រកួតជើងឯកថ្នាក់ជាតិ លើកទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច ហុងជៀក

លោក គួច ហុងជៀក អនុប្រធានខ្មែរកីឡាហាប់គីដូបានឲ្យដឹងថា ទិសដៅឆ្នាំ២០២៥ សហព័ន្ធនឹងបន្តជំរុញអភិវឌ្ឍន៍សមត្ថភាពមន្ត្រីបច្ចេកទេស និងកីឡាករ កីឡាការិនី ឲ្យមានសមត្ថភាពកាន់តែល្អប្រសើរថែមទៀត។ ជាមួយគ្នានេះដែរសហព័ន្ធនឹងបញ្ជូនក្រុមហាប់គីដូទៅប្រកួតជើងឯកនៅប្រទេសឥណ្ឌូណេស៊ីនាពេលឆាប់ៗខាងមុខនេះ។

ទិដ្ឋភាពសន្និបាតបូកសរុបការងារ

ជំហាននៃការអភិវឌ្ឍន៍ដោយធ្វើយ៉ាងណាដើម្បីអាចបញ្ជូនក្រុមកីឡាហាប់គីដូចេញទៅប្រកួតកម្រិតអន្តរជាតិបានច្រើននេះសហព័ន្ធមិនផ្ដោតលើលទ្ធផលជាចម្បងនោះទេ ព្រោះនេះជាជំហានដំបូងៗស្របពេលដែលលទ្ធភាពក្នុងការចេញទៅនេះមានផលលំបាកដូចជាបញ្ហាថវិការ៉ាប់រងថ្លៃសេវាផ្សេងៗ។ យ៉ាងណាសហព័ន្ធនឹងព្យាយាមកៀងគររកជំនួយដើម្បីដោះស្រាយបញ្ហាទាំងនេះ។

ទិដ្ឋភាពសន្និបាតបូកសរុបការងារ

ផែនការធំមួយទៀតនោះគឺការរៀបចំការប្រកួតជើងឯកថ្នាក់ជាតិ លើកទី៣ ដែលគ្រោងធ្វើនៅចុងឆ្នាំនេះ ឬដើមឆ្នាំក្រោយដើម្បីផ្ដល់ឱកាសដល់សិស្សគុនមានឱកាសបានប្រកួតប្រជែង បញ្ចេញសមត្ថភាព និងដកស្រង់បទពិសោធនានាឈានដល់ការប្រកួតកម្រិតខ្ពស់នៅអន្តរជាតិផងដែរ។

បញ្ជាក់ដែរថា សហព័ន្ធខ្មែរកីឡាហាប់គីដូ មានប្រវត្តិចូលមកកម្ពុជាជាយូរឆ្នាំមកហើយ។ ប្រភេទកីឡាដែលសំបូរក្បាច់ស្នៀតបូកបញ្ចូលគ្នា មិនប្រើប្រាស់កម្លាំងច្រើន និងភាគច្រើនប្រើស្នៀតទន់មួយនេះគឺមិនទាន់ទទួលបានថវិកាឧបត្ថម្ភគាំទ្រពីក្រសួងអប់រំ យុវជន និងកីឡានៅឡើយទេ។ ពោលសហព័ន្ធឈរដោយខ្លួនឯង និងប្រមូលថវិកាពីសមាជិកប្រតិបត្តិប៉ុណ្ណោះសម្រាប់ធ្វើសកម្មភាពផ្សេងៗ។ ថ្មីៗនេះសហព័ន្ធបានធ្វើមហាសន្និបាតបូកសរុបការងារឆ្នាំ២០២៤ និងលើកទិសដៅឆ្នាំ ២០២៥ នៅទីស្នាក់ការ NOCC៕

Related Topics:កីឡាហាប់គីដូ