កីឡា

ចូលរួមត្រេកអរ ពេជ្រ សម្បត្តិ និង ពេជ្រ សឹង្ហៈ ទទួលបានក្របខណ្ឌទាហាន

បានផុស

៦ ថ្ងៃ មុន

នៅ

ថ្ងៃចន្ទ ១៦ មិថុនា ២០២៥

ដោយ

ក្រោយប្រឡូកប្រដាល់គុនខ្មែរប្រហែល ៥ឆ្នាំ និងបានចេញផ្សព្វផ្សាយគុនខ្មែរឲ្យល្បីរន្ទឺទាំងក្នុងស្រុក និងក្រៅស្រុក រួមទាំងឈ្នះមេដាយកម្រិតថ្នាក់ជាតិផងនោះ ឥលូវ ពេជ្រ សម្បត្តិ រួមទាំង ពេជ្រ សឹង្ហៈ ទទួលបានក្របខណ្ឌជាទាហានហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកលោក ពេជ្រ សុផាន់

នេះបើតាមការបង្ហោះផ្សព្វផ្សាយនៅហ្វេសបុកលោក ពេជ្រ សុផាន់ នៅមុននេះអបជាមួយរូបភាពក្នុងឯកសណ្ឋានទាហានរួមមាន ពេជ្រ សម្បត្តិ ពេជ្រ សឹង្ហៈ គឺបញ្ជាក់ថាកូនសិស្សរបស់លោកពីររូបនេះទទួលបានឈ្មោះក្របខណ្ឌទាហានហើយ។

លោក ពេជ្រ សុផាន់

លោក ពេជ្រ សុផាន់ ធ្លាប់បានឲ្យដឹងថា កូនសិស្សរបស់លោកទាំងពីរខាងលើនេះដណ្ដើមមេដាយមាសថ្នាក់ជាតិ និងកីឡាជាតិនាពេលកន្លងទៅជូនក្រសួងការពារជាតិរួមផ្សំជាមួយសមត្ថភាពល្អ កេរ្តិ៍ឈ្មោះល្បីផងទើបទទួលបានការផ្ដល់ឱកាសក្លាយជាទាហាននៅពេលនេះ។

ឈ្មោះអ្នកទាំងពីរត្រូវបានថ្នាក់លើយកឈ្មោះទៅយូរដែរហើយ ប៉ុន្តែលោកមិនទាន់បញ្ចេញដំណឹងនេះជាផ្លូវការ។ ចំណែក សឹង្ហៈ ក៏ធ្លាប់បានប្រាប់ដែរអំពីការទទួលបានក្របខណ្ឌនេះ ប៉ុន្តែរូបគេរង់ចាំមើលការប្រកាសជាផ្លូវការពីថ្នាក់លើសិន។

សម្បត្តិ ពេលឈ្នះជើងខ្លាំងអេស្ប៉ាញ

បញ្ជាក់ដែរថា នៅព្រឹកមិញនេះហ្វេសបុកផេកលោក ពេជ្រ សុផាន់ បានបង្ហោះរូបភាពក្នុងឯកសណ្ឋានជាទាហានជាមួយកូនសិស្សឆ្នើមរបស់លោកទាំងពីរគឺ ពេជ្រ សម្បត្តិ និង ពេជ្រ សឹង្ហៈ។ កីឡាករទាំងពីររូបនេះសុទ្ធតែជាជើងខ្លាំងក្នុងវិស័យប្រដាល់គុនខ្មែរ និងបានចេញផ្សព្វផ្សាយតំណាឲ្យវិស័យកីឡាមួយនេះយ៉ាងផុលផុស៕