កីឡា

សមិទ្ធផលទាំងនេះ អ្នកគាំទ្រគួរទៅមើលក្រុមនារីល្ងាចនេះឲ្យបានច្រើនកុះករ

បានផុស

១ year មុន

នៅ

ថ្ងៃពុធ ២៥ មិថុនា ២០២៥

ដោយ

ក្រុមបាល់ទាត់ជម្រើសជាតិនារី កម្ពុជា នឹងប្រកួតមិត្តភាពអន្តរជាតិ ជាមួយក្រុមជម្រើសជាតិនារី ហ្គាំ វេលាម៉ោង ៧ យប់ ថ្ងៃពុធ ទី ២៥ ខែមិថុនា ឆ្នាំ ២០២៥ នៅពហុកីឡដ្ឋានជាតិអូឡាំពិក។ អ្នកគាំទ្រគួរទៅមើលផ្ទាល់ដើម្បីលើកទឹកចិត្តដល់ក្រុមនារីឲ្យបានច្រើនកុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាំងការប្រកួតរបស់ក្រុមនារីនៅលីគនារីកម្ពុជា និងក្រុមជម្រើសជាតិនារីមិនសូវទទួលបានការគាំទ្រខ្លាំងទេ បើប្រៀបធៀបជាមួយក្រុមបុរស។ ទោះបីជាយ៉ាងណា បើក្រឡេកមើលសមិទ្ធផលកន្លងមកបង្ហាញថា ក្រុមនារីកម្ពុជាធ្វើបានល្អលើឆាកអន្តរជាតិ ដែលស្ទើរតែល្អជាងបុរស បើទោះជាពួកគាត់ទើបត្រូវបានបង្កើតឡើងជាក្រុមថ្មី។

ក្រុមបាល់ទាត់ជម្រើសជាតិនារី កម្ពុជា ទើបតែមាននាប៉ុន្មានឆ្នាំចុងក្រោយប៉ុណ្ណោះ ហើយការប្រកួតលីគនារីទៀត ក៏ទើបមានដែរនៅក្នុងប្រទេសកម្ពុជា ប៉ុន្តែសមិទ្ធផលគួរឲ្យកត់ចំគាល់។ ក្រុមបាល់ទាត់នារី កម្ពុជា ទើបបានចូលរួមប្រកួតកីឡា ស៊ីហ្គេម កាលពីឆ្នាំ ២០២៣ ដែលកម្ពុជាធ្វើជាម្ចាស់ផ្ទះ ប៉ុន្តែបានបង្កើតកំណត់ត្រាជាលើកដំបូង ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។

កាលពីឆ្នាំ ២០២៤ កន្លងទៅ ក្រុមនារីកម្ពុជា ទទួលបានចំណាត់ថ្នាក់លេខ ២ ក្នុងការប្រកួតពាននារីអាស៊ាន ASEAN Women’s Cup នៅប្រទេសឡាវ។ ការទទួលបានចំណាត់ថ្នាក់លេខ២នេះ ក្រុមនារីកម្ពុជាទទួលបានកៅអីឡើងទៅប្រកួតពានរង្វាន់នារីអាស៊ានកម្រិតទី១គឺ ASEAN Women’s Championship ឆ្នាំ២០២៥។

ដូច្នេះ ក្រុមបាល់ទាត់នារីកម្ពុជា មានភារកិច្ចលើឆាកអន្តរជាតិ ៣ កម្មវិធីផ្សេងគ្នានៅពាក់កណ្តាលឆ្នាំ ២០២៥ ។ ទី១ ការប្រកួតជម្រុះជើងឯកនារីអាស៊ី AFC Women’s Asian Cup ដែលកម្ពុជាធ្វើម្ចាស់ផ្ទះក្នុងពូលនាចុងខែមិថុនានេះ។ ទី២ ការប្រកួតពានរង្វាន់នារីអាស៊ាន ASEAN Women’s Championship នៅប្រទេសវៀតណាម ចាប់ពីថ្ងៃ ៦ ដល់ទី ៩ ខែសីហា និងទី ៣ ការប្រកួតកីឡាស៊ីហ្គេម លើកទី ៣៣ នាខែធ្នូ នៅប្រទេសថៃ។

សម្រាប់ការប្រកួតមិត្តភាពអន្តរជាតិជាមួយ ហ្គាំ ថ្ងៃទី ២៥ ខែមិថុនា នេះគឺជាការកម្តៅសាច់ដុំសម្រាប់ក្រុមនារីកម្ពុជា ត្រៀមខ្លួនប្រកួតជម្រុះ AFC Women’s Asian Cup នៅថ្ងៃទី ២៩ ខែមិថុនា នៅស្តាតអូឡាំពិក។