កីឡា
លោក អ៊ុក ចន្ថា៖កីឡាមហាជនជើងឯករាជធានីភ្នំពេញលើកទឹកចិត្តឲ្យលេងកីឡាដែលខ្លួនស្រឡាញ់
លោក អ៊ុក ចន្ថា អនុប្រធានមន្ទីរអប់រំ យុវជន និងកីឡារាជធានីភ្នំពេញ ថាកម្មវិធីកីឡាមហាជននេះបានធ្វើឲ្យកំណើនអ្នកលេងកីឡាមានកាន់តែច្រើនតាមប្រភេទកីឡាដែលខ្លួនស្រឡាញ់ និងបង្កើនមិត្តភាព សាមគ្គីគ្នាជាក្រុមរហូតឈ្នះពានរង្វាន់ជាដើម។
ទិដ្ឋភាពបិទកីឡាបាល់ទាត់
លោក អ៊ុក ចន្ថា បានលើកឡើងក្រោយបញ្ចប់ប្រភេទកីឡាបាល់ទាត់ នៃកម្មវិធីកីឡាមហាជនជើងឯករាជធានីភ្នំពេញ សូមសរសើរដោយស្មោះចំពោះប្រតិភូដឹកនាំក្រុមកីឡាទាំងអស់ដែលបានខិតខំបង្កើតក្រុមដើម្បីចូលរួមប្រកួតជើងឯកនេះ។ សកម្មភាពទាំងនេះជាកាយវិការ និងការចូលរួមដោយស្មោះក្នុងការកសាង និងអភិវឌ្ឍវិស័យកីឡានៅរាជធានីភ្នំពេញ និងជំរុញដល់យុវជនមហាជនឲ្យចូលរួមហាត់ និងលេងកីឡា ទៅតាមប្រភេទដែលចូលចិត្ត និងចូលរួមកាត់បន្ថយនូវអំពើឧបាយមុខមាននៅក្នុងសង្គមជាតិ។
ទិដ្ឋភាពបិទកីឡាបាល់ទាត់
អនុប្រធានមន្ទីរអប់រំបន្ថែមទៀតថា ការហាត់ និងលេងកីឡា ជាកត្តាចាំបាច់ដែលនាំមកនូវ ការស្គាល់ យល់គ្នា និងស្រលាញ់ចូលចិត្តគ្នាទៅវិញទៅមក ធ្វើឲ្យសង្គមជាតិយើង មានការឯកភាព និងសាមគ្គីភាព ដ៏រឹងមាំ ក្នុងការកសាង និងការពារជាតិ។
លោក អ៊ុក ចន្ថា អាវខ្មៅ
បញ្ជាក់ដែរថា ការប្រកួតកីឡាមហាជនជើងឯករាជធានីភ្នំពេញ ឆ្នាំ២០២៥ នេះដំណើរការរយៈពេល ៧ថ្ងៃចាប់ពីថ្ងៃទី២៣-២៩ ខែមិថុនា ដែលមានប្រតិភូ គ្រូបង្វឹក កីឡាករ កីឡាការិនីសរុប ៦២២នាក់។ កីឡាដែលបានប្រកួតប្រជែងរួមមានកីឡាបាល់ទាត់ បាល់ទះ បាល់បោះ អត្តពលកម្ម។ ចំពោះជើងឯកបាល់ទាត់បុរសគឺបានលើក្រុម KMN FC ក្រោយយកឈ្នះដោយការទាត់បាល់កាត់សេចក្ដី ១១ម៉ែត្រលើក្រុមវិទ្យាល័យជាស៊ីមជ្រោយចង្វារ កាលពីថ្ងៃទី២៩ ខែមិថុនា ឆ្នាំ២០២៥ នៅទីលានប្រកួតវិទ្យាល័យជាស៊ីមបឹងកេងកង៕
ទិដ្ឋភាពបិទកីឡាបាល់ទាត់
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា