បច្ចេកវិទ្យា
អ្នកប្រើប្រាស់ Android សូមប្រយ័ត្ន! មេរោគមួយ អាចលួចប្រាក់ពីគណនីធនាគាររបស់អ្នកគ្មានសល់ កំពុងសំងំលាក់ខ្លួនក្នុងកម្មវិធីទាំងនេះ
ប៉ូលិសបែលហ្ស៊ិក បានព្រមានអំពីការវិលត្រឡប់នៃមេរោគ Joker ដែលវាយប្រហារឧបករណ៍ប្រើប្រាស់ប្រព័ន្ធប្រតិបត្តិការ Android ហើយលាក់ខ្លួននៅក្នុងកម្មវិធីផ្សេងៗក្នុង Google Play Store។ មេរោគនេះ មានលទ្ធភាពយកប្រាក់ អ្នកប្រើប្រាស់ដើ្បម្បីបង់ថ្លៃសេវាកម្មនានា ដោយមិនចាំបាច់មានការអនុញ្ញាតពីពួកគេ និងលួចយកប្រាក់ពីគណនីធនាគាររបស់ពួកគេដោយគ្មានការជូនដំណឹង។
អាជ្ញាធរបែលហ្ស៊ិកបាននិយាយនៅក្នុងសេចក្តីថ្លែងការណ៍មួយ ដែលចេញផ្សាយកាលពីសប្តាហ៍មុន នៅលើគេហទំព័ររបស់ពួកគេថា “មេរោគនេះ ត្រូវបានរកឃើញនៅក្នុងកម្មវិធី Play Store ចំនួន ៨ ដែល Google បានបង្ក្រាប”។
នៅឆ្នាំ ២០១៧ មេរោគ “Joker” បានបង្កភាពល្បីល្បាញ ចំពោះការចម្លងមេរោគនិងប្លន់ជនរងគ្រោះ ដោយលាក់ខ្លួននៅក្នុងកម្មវិធីផ្សេងៗ។ ចាប់តាំងពីពេលនោះមក ប្រព័ន្ធការពាររបស់ Google Play Store បានលុបចោលកម្មវិធីប្រហែល ១,៧០០ ដែលមានមេរោគ Joker មុនពេលត្រូវបានអ្នកប្រើប្រាស់ Download។
នៅខែកញ្ញាឆ្នាំ ២០២០ មេរោគ Joker ត្រូវបានរកឃើញនៅក្នុងកម្មវិធី Android ចំនួន ២៤ ដែលទទួលបានការ Download ជាង ៥០០,០០០លើក មុនពេលត្រូវបាន Remove។ នៅពេលនោះ វាត្រូវគេប៉ាន់ប្រមាណ បានប៉ះពាល់ដល់ប្រទេសជាង ៣០ រួមមានទាំងសហរដ្ឋអាមេរិក ប្រេស៊ីលនិងអេស្ប៉ាញផងដែរ។
អ្វីដែលធ្វើឲ្យមេរោគនេះកាន់តែគ្រោះថ្នាក់នោះ គឺសមត្ថភាពរបស់វាក្នុងការ Subscribe អ្នកប្រើប្រាស់ប្រព័ន្ធប្រតិបត្តិការ Android ទៅនឹងសេវាកម្មបង់ថ្លៃដែលជាធម្មតាគឺ Premium ឬសេវាកម្មថ្លៃបំផុតដោយគ្មានការអនុញ្ញាតជាមុន។
កម្មវិធីបង្កគ្រោះថ្នាក់ដែល Google Play Store បានលុបចោលបន្ទាប់ពីរកឃើញថាមានផ្ទុកមេរោគ Joker មានដូចជា៖
- Auxiliary Message
- Element Scanner
- Fast Magic SMS
- Free CamScanner
- Go Messages
- Super Message
- Super SMS
- Travel Wallpapers
ទន្ទឹមនេះ ក្រុមហ៊ុនសន្តិសុខតាមអ៊ីនធើណិត Zscaler ក៏បានបង្ហាញឈ្មោះកម្មវិធីចំនួន ១៦ ផ្សេងទៀត ដែលក៏មានលេខកូដមេរោគនេះផងដែរ ក្នុងនោះមានដូចជា៖
- Private SMS
- Hummingbird PDF Converter – Photo to PDF
- Style Photo Collage
- Talent Photo Editor – Blur focus
- Paper Doc Scanner
- All Good PDF Scanner
- Care Message
- Part Message
- Blue Scanner
- Direct Messenger
- One Sentence Translator – Multifunctional Translator
- Mint Leaf Message-Your Private Message
- Unique Keyboard – Fancy Fonts & Free Emoticons
- Tangram App Lock
- Desire Translate
- Meticulous Scanner
ប្រែសម្រួល៖ Vann Vann
ប្រភព៖ Entrepreneur
ចុចអាន៖ ប្រយ័ត្នជាមួយកម្មវិធីមេរោគថ្មីរបស់ Android ដែលអាចលួចយកទិន្នន័យធនាគារ និងលេខសម្ងាត់ផ្សេងៗ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង