ព័ត៌មានជាតិ

កីឡាករ រិន សារ័ត្ន៖ ដណ្ដើមខ្សែក្រវាត់ប៉ះម្ចាស់ផ្ទះទាល់តែវាយឲ្យដាច់ៗទើបគេឲ្យឈ្នះ

បានផុស

៥ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

កីឡាករ រិន សារ័ត្ន បានស្វែងយល់ច្រើនលើដៃគូដែលជាជនជាតិវៀតណាម Phuong Hoai មុនប៉ះគ្នាដណ្ដើមខ្សែក្រវាត់ GMA ថ្ងៃទី២៧ ខែធ្នូ ឆ្នាំ២០២៥ ខណៈខ្លួនដឹងច្បាស់ថាបើវាយម្ចាស់ផ្ទះមិនដាច់ទេគឺមិនអាចឈ្នះបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ រិន សារ័ត្ន និងដៃគូ

កីឡាករដើមកំណើតពីខេត្តព្រៃវែង រិន សារ័ត្ន បានឲ្យដឹងថា ការប្រកួតដណ្ដើមខ្សែក្រវាត់ GMA ដែលត្រូវប៉ះកីឡាករម្ចាស់ផ្ទះ Phuong Hoai ប្រសិនបើវាយមិនដាច់ពិន្ទុនោះទេគឺមិនអាចឈ្នះបានឡើយ។ ដូច្នេះចាញ់-ឈ្នះ យ៉ាងណារយៈពេល ៥ទឹកនេះខ្លួននឹងព្យាយាមវាយឲ្យដាច់តែម្ដង។

កីឡាករ រិន សារ័ត្ន

Phuong Hoai ដែលជាដៃគូរូបនេះគឺជាម្ចាស់សង្វៀនផ្ទាល់របស់ GMA នេះផង និងជាកីឡាករជើងខ្លាំងមួយរូបដែលទទួលបានជ័យជម្នះច្រើនកន្លងមក។ ស្នៀតឃ្លេ ក្បាច់វាយគឺមិនលើសខ្វះគ្នានោះទេ។ អ្វីដែលខ្លួនត្រូវពង្រឹងចាំបាច់នោះគឺហាត់បន្ថែមកម្លាំង និងការចាប់ ការចេញ-ចូល ការវាយ។

កីឡាករ រិន សារ័ត្ន

បញ្ជាក់ដែរថា កីឡាករ រិន សារ័ត្ន និងត្រូវប៉ះម្ចាស់ផ្ទះវៀតណាម Phuong Hoai ដណ្ដើមខ្សែក្រវាត់ GMA លើប្រភេទទម្ងន់ ៦៣គីឡូក្រាម។ នៅព្រឹកថ្ងៃទី២៥ ខែធ្នូ ឆ្នាំ២០២៥ នេះក្រុមកម្ពុជាមានកីឡាករ ៣រូប គ្រូបង្វឹក អ្នកឲ្យទឹកបានចេញដំណើរតាមរយៈឡានទៅប្រទេសវៀតណាមហើយដើម្បីត្រៀមការប្រកួតថ្ងៃទី២៧ ខែធ្នូ ខាងមុខនេះ៕