KPT+

ទោះបីមានគូប្រកួតប្រជែងច្រើនក៏ដោយ គន្លឹះទាំងនេះអាចជួយហាងកាហ្វេនៅតែលក់ដាច់ខ្លាំង

បានផុស

៥ years មុន

នៅ

ថ្ងៃពុធ ២១ មេសា ២០២១

ដោយ

សព្វថ្ងៃនេះ អាជីវកម្មហាងកាហ្វេកំពុងរីកដុះដាលពាសពេញប្រទេសកម្ពុជា។ ប្រសិនបើអ្នកកំពុងបើកហាងកាហ្វេ ហើយមានហាងផ្សេងបើកច្រើនជាគូប្រកួតប្រជែង តើត្រូវធ្វើដូចម្ដេចដើម្បីបន្តលក់ដាច់?

ក្រៅពី គុណភាព អនាម័យ និងតម្លៃឲ្យសមរម្យដែលហាងដទៃមានដែរនោះ ម្ចាស់ហាងកាហ្វេគួរមាន ៣ យ៉ាងនេះផ្សេងពីគេ ដើម្បីរក្សាអតិថិជនឲ្យចូលហាងអ្នកមិនដាច់៖

១. ស្រឡាញ់អតិថិជន៖ ផ្ដល់ក្តីស្រឡាញ់ និងយកចិត្តទុកដាក់ចំពោះអតិថិជន ដោយធ្វើឲ្យអតិថិជនមានអារម្មណ៍រីករាយចំពោះសេវាកម្មរបស់អ្នក។ គោលការណ៍ទាំងនេះបង្កើតឲ្យអតិថិជនមានទំនុកចិត្ត។ បើអ្នកលក់គ្មានក្តីស្រឡាញ់ចំពោះអតិជនទេ វាធ្វើឲ្យអតិថិជនគ្មានទំនុកចិត្តលើទំនិញនិងសេវាក្មរបស់អ្នកនោះឡើយ។

២. យល់ពីតម្រូវការអតិថិជន៖ រៀនសូត្រពីអតិថិជន ដោយត្រូវស្វែងយល់ពីបញ្ហា និងតម្រូវការរបស់អតិថិជនដើម្បីធ្វើការដោះស្រាយ។ បើមិនស្វែងយល់ពីបញ្ហារបស់អតិថិជនទេ ការលក់ក៏មិនដាច់នោះដែរ។ រាល់អ្នកជំនួញដែលពូកែៗ សុទ្ធតែជាអ្នកស្គាល់ពីតម្រូវការរបស់អតិថិជន ហើយបំពេញតម្រូវការនោះជូនភ្ញៀវបានយ៉ាងពេញចិត្ត។

៣. មិនគិតពីផលចំណេញជ្រុលពេក៖ ទោះបីអ្នករកស៊ីត្រូវការប្រាក់ចំណេញ តែមិនគួរគិតប្រាក់ចំណេញេជ្រុលពេកនោះទេ គួរគិតពីគុណភាពផលិតដល់អតិថិជនជារឿងទីមួយវិញ។ ជួនកាលបើគិតប្រាក់ចំណេញពេក អារម្មណ៍អ្នកនឹងគិតតែពីប្រាក់ ហើយមិនខំបង្កើតរសជាតិដែលមានគុណភាពដល់អតិថិជន។ ប្រាក់ចំណេញគង់តែកើតតាមក្រោយទេ ឲ្យតែអ្នកព្យាយាមបង្កើតរសជាតិបានល្អ មានចិត្តស្រឡាញ់អតិថិជន និងចេះយល់ពីអារម្មណ៍របស់អតិថិជន អាជីវកម្មនឹងមានដំណើរការយ៉ាងល្អបំផុត៕

ប្រែសម្រួល៖ សន្យា

ចុចអាន៖បើឆ្លាត ហាងកាហ្វេតូចៗ គឺជាគំនិតផ្តើមអាជីវកម្មល្អជាងទិញអជ្ញាប័ណ្ណ

ចុចអាន៖ចង់បើកហាងកាហ្វេ Amazon ត្រូវចំណាយអស់ប៉ុន្មាន? ទម្លាយរឿងពិត ១០យ៉ាងពី Café Amazon ដែលអ្នកអាចមិនដឹង