កីឡា

ជើងខ្លាំងខាងចំបាប់ ហេង វុទ្ធី កំពុងសាងសង់ក្លឹបស្ដង់ដាមួយនៅខេត្តពោធិសាតិ៍ជួយបណ្ដុះក្មេងៗ

បានផុស

៣ ខែ មុន

នៅ

ថ្ងៃសុក្រ ៣០ មករា ២០២៦

ដោយ

ជើងខ្លាំងផ្នែកចំបាប់ និងជាម្ចាស់មេដាយមាសស៊ីហ្គេមនៅកម្ពុជា កីឡាករ ហេង វុទ្ធី កំពុងដំណើរការសាងសង់ក្លឹបចំបាប់ថ្មីមួយនៅឯខេត្តពោធិសាតិ៍ ដើម្បីចូលរួមបណ្ដុះបណ្ដាលកីឡាករ កីឡាការិនីថ្នាលនៅទីនោះឲ្យមានធនធានកាន់តែច្រើន។

ទិដ្ឋភាពសាងសង

កីឡាករ ហេង វុទ្ធី បានឲ្យដឹងថា ក្លឹបចំបាប់ដែលខ្លួនកំពុងសាងសងនេះមានឈ្មោះថា ក្លឹបព្រះធាតុ ស្ថិតនៅក្នុងភូមិឥន្ទធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់។ ក្លឹបនេះដំណើរការសាងសងបានប្រហែល ៧០% ហើយ និងគ្រោងបញ្ចប់នៅពាក់កណ្ដាលខែកុម្ភៈ ឆ្នាំ២០២៦ ឆាប់ៗខាងមុខនេះ។

ទិដ្ឋភាពសាងសង

ម្ចាស់មេដាយមាសស៊ីហ្គេមរូបនេះបន្ថែមទៀតថា ថវិកាសាងសង់នេះគឺបានការជួយឧបត្ថម្ភទាំងស្រុងតែម្ដងពីលោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា ខណៈទីតាំងដីនេះគឺជារបស់ខ្លួនផ្ទាល់។ កីឡាករជើងខ្លាំងរូបនេះបន្ថែមទៀតថា ប្រសិនបើមិនមានការជួយជ្រោមជ្រែងពីលោក ខេស៊ី ទេក៏ប្រហែលមិនមានក្លឹបនេះដែរ ព្រោះការចំណាយលើការសាងសង់ត្រូវប្រើថវិកាច្រើនស្របពេលខ្លួនគ្មានលទ្ធភាពនោះឡើយ។

ទិដ្ឋភាពសាងសង

កីឡាករចាស់វស្សាខាងលើបន្ថែមទៀតថា ក្លឹបមួយនេះនឹងជួយបណ្ដុះបណ្ដាលយុវជនថ្នាលឲ្យមានកាន់តែច្រើនបន្ថែមទៀត ព្រោះក្នុងស្រុកភូមិនេះសំបូរទៅដោយអ្នកមានទេពកោសល្យ និងមានការជំរុញលើកទឹកចិត្តពីឪពុក-ម្ដាយទៀតផង។

បញ្ជាក់ដែរថា ក្លឹបចំបាប់ព្រះធាតុគឺស្ថិតនៅក្នុងភូមិឥន្ទធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់។ ក្លឹបនេះមានកម្ពស់ ៦ម៉ែត្រ ទទឹង ១៧ម៉ែត្រ បណ្ដោយ ៣៤ម៉ែត្រ និងចាប់សាងសងតាំងពីថ្ងៃ១២ ខែមករា ឆ្នាំ២០២៦ មកម្ល៉េះ។ ហេង វុទ្ធី ជាកីឡាករចាស់វស្សាក្នុងវិស័យចំបាប់នៅកម្ពុជា។ លោកធ្លាប់ឈ្នះមេដាយជាច្រើនគ្រឿងលើឆាកអន្តរជាតិដូចជានៅសហរដ្ឋអាមេរិកជាដើម៕