កីឡា

លោក គង់ វិសាល សម្ដែងការរីករាយចំពោះការជួយសម្រួលពីស្ថានទូតកូរ៉េដើម្បីរៀបចំព្រឹត្តិការណ៍សិល្បៈ និងប្រដាល់

បានផុស

៤ ខែ មុន

នៅ

ថ្ងៃអង្គារ ១៧ មីនា ២០២៦

ដោយ

លោក គង់ វិសាល ប្រធានគ្រប់គ្រងព្រឹត្តិការណ៍សិល្បៈ និងកីឡា របស់ស្ថានីយទូរទស្សន៍បាយ័ន បានសម្ដែងនូវភាពរីករាយ និងអរគុណជាខ្លាំងចំពោះឯកអគ្គរដ្ឋទូតសាធារណៈរដ្ឋកូរ៉េ ប្រចាំនៅប្រទេសកម្ពុជាដែលបានជួយសម្រួល និងគាំទ្រកម្មវិធីធំមួយនៅថ្ងៃទី២២ ខែមីនា ឆ្នាំ២០២៦ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ វិសាល (ខាងស្ដាំដៃ)

នេះបើតាមការបង្ហោះរបស់លោក គង់ វិសាល បានលើកឡើងថា លោកពិតជាថ្លែងអំណរគុណជាខ្លាំងចំពោះឯកអគ្គរដ្ឋទូតសាធារណៈរដ្ឋកូរ៉េ ដែលបានជួយសម្រួលទិដ្ឋាការ (Visa) ដល់ក្រុមការងារ កីឡាករ សរុបជាង ៣០នាក់ដើម្បីបានចូលរួមរៀបចំព្រឹត្តិការណ៍សិល្បៈ និងការប្រកួតប្រដាល់គុនខ្មែរដ៏ធំមិនធ្លាប់មានពីមុនមកនៅទីនោះ។

តំណាងស្ថានីយទូរទស្សន៍បាយ័ន និងសហព័ន្ធប្រដាល់គុនខ្មែរខាងលើ បន្ថែមទៀតថា បើទោះជាការស្នើសុំមានពេលវេលាខ្លី និងមានមនុស្សទៅចូលរួមច្រើនយ៉ាងណាក្ដី ប៉ុន្តែខាងស្ថានទូតបានជួយសម្របសម្រួលរហូតអាចទទួលបានទិដ្ឋាការផងដែរ។

កម្មវិធីរៀបចំ

បញ្ជាក់ដែរថា នៅថ្ងៃទី២២ ខែមីនា ឆ្នាំ២០២៦ ខាងមុខនេះស្ថានីយទូរទស្សន៍បាយ័ន និងសហព័ន្ធប្រដាល់គុនខ្មែរនឹងរៀបចំព្រឹត្តិការណ៍ដ៏ធំមិនធ្លាប់មានមួយនៅតំបន់ហ្វាសុង SINTEX សាធារណៈរដ្ឋកូរ៉េ វេលាម៉ោង ១១ព្រឹកនៅកម្ពុជា។ ខាងផ្នែកប្រដាល់គុនខ្មែរគេឃើញមានជើងខ្លាំងប្រចាំប្រទេសកម្ពុជា ដូចជា ពេជ្រ សម្បត្តិ បឺត សង្ឃឹម ពេជ្រ សឹង្ហៈ មឿន សុខហ៊ុច ជាដើម៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ