​តម្លៃ​ហាង​ឆេង​មាស ​បន្តកើន​ឡើង​ដល់ ​៥ ​ពាន់ដុល្លារ​ មួយតម្លឹង​

តម្លៃ​ហាងឆេង​មាស​អន្តរជាតិ​បាន​ហក់​ឡើង​វិញ​ដល់​ ៥ ​ពាន់ដុល្លារ ​​ក្នុង​មួយ​តម្លឹង ​នៅ​ព្រឹក​ថ្ងៃ​ព្រហស្បតិ៍​ទី ២៣ ​កក្កដា ​២០២៦ ​បន្ទាប់​ពីធ្លាក់​ចុះដល់ជាង ​៤៨០០ ដុល្លារ ​ចាប់តាំងពី​ពាក់​កណ្ដាល​ខែកក្កដា។​

​ការ​កើន​ឡើង​នៅ​ចំពេល​ដែលតម្លៃប្រាក់ដុល្លារ ​និង​តម្លៃប្រេងបន្តកើនឡើង ​ដោយសារភាពតាន​តឹង​រវាង​អាមេរិក​ និង​អ៊ីរ៉ង់​ ដែលរក្សាក្ដីបារម្ភ​ពីការកើនឡើង​អតិផរណា​។

​លោក​ឧកញ៉ា ​ចិន សំណាង ​ថៅកែហាងពេជ្រ​ CSNJ ​មានប្រសាសន៍ថា ​តម្លៃមាសបានហក់ឡើងវិញ ​បន្ទាប់​ពីអ៊ីរ៉ង់​ទទួលសំណើរ​បទឈប់បាញ់រយៈពេល ១០ ​ថ្ងៃជាមួយអាមេរិក ​ដើម្បីបញ្ឈប់ការប្រយុទ្ធ ​និង​បន្តការចរចា​ស្ដារសន្តិភាព​ឡើង​វិញ​។ ​ឧកញ៉ា ​ចិន សំណាង អះអាងថា និន្នាការមាស​នឹង​ចាប់​ផ្ដើម​កើន​ឡើង​ចាប់​ពីពេលនេះ។

​លោក ឡុង ​សំណាង ​​នាយក​អភិវឌ្ឍ​អាជីវកម្ម​នៃ​ក្រុមហ៊ុន ​PP Link securities​ និន្នាការមាសចាប់ផ្ដើម​កើន​ឡើងវិញ​ចាប់​ពីពេលនេះ ​រហូត​ដល់​ខែតុលា​។

​គិតត្រឹមម៉ោង ៩ ព្រឹក ថ្ងៃព្រហស្បតិ៍នេះ តម្លៃហាងឆេងមាសនៅតាមបណ្ដាហាងនានា ក្នុងរាជធានី​ភ្នំពេញ​ លក់​ចេញ​ ៤៩៧ ដុល្លារ ក្នុងមួយជី៕

អត្ថបទ៖ ឡេង ដេត