ព័ត៌មានជាតិ

ឯកឧត្តម ខៀវ កាញារីទ្ធ នាំយកអំណោយឧបត្ថម្ភជូនរដ្ឋបាលខេត្តព្រះសីហនុ

បានផុស

៥ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

ឯកឧត្ដមបណ្ឌិត សុខ ប្រសិទ្ធិ អនុប្រធានក្រុមការងារចុះជួយខេត្តព្រះសីហនុ និងជារដ្ឋលេខាធិការ ក្រសួងព័ត៌មាន តំណាងឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងប្រតិភូ នារសៀលថ្ងៃទី ២៣ខែមិថុនា ឆ្នាំ២០២១នេះ បាននាំយកអំណោយជាគ្រឿងឧបភោគបរិភោគ និងថវិកាឧបត្ថម្ភជូនរដ្ឋបាលខេត្តព្រះសីហនុ ដើម្បីចូលរួមក្នុងសកម្មភាពមនុស្សធម៌ក្នុងការប្រើប្រាស់ក្នុងវិធានការណ៍ប្រយុទ្ធប្រឆាំង ទប់ស្កាត់ គ្រប់គ្រងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភ: ក្នុងខេត្តព្រះសីហនុ ដើម្បីចែកជូនប្រជាពលរដ្ឋដែលខ្វះខាតស្បៀងក្នុងបរិបទនៃជំងឺកូវីដ-១៩ ក្នុងខេត្តព្រះសីហនុ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយឯកឧត្តមរដ្ឋមន្ត្រីក្រសួងព័ត៌មានឧបត្ថម្ភជូនរដ្ឋបាលខេត្តព្រះសីហនុរួមមាន៖-អង្ករ ៥តោន-មីជាតិ ១០០កេស -ទឹកសុទ្ធ ៤៥០កេស-ទឹកស៊ីអ៉ីវ ១០០យួរ -ទឹកត្រី ១០០យួរ -ត្រីខ ២៥កេសធំ -ម៉ាស ៣០០ ប្រអប់ -អាកុល(ប្រាំពីដុង)ស្មើរនិង១៥០លីត្រ និងថវិកាចំនួន ២០លានរៀល ផងដែរ។

លោក គួច ចំរើន អភិបាលខេត្តព្រះសីហនុ មានប្រសាសន៍ថា ក្នុងនាមរដ្ឋបាលខេត្ត និងប្រជាពលរដ្ឋ ខេត្តព្រះសីហនុ សូមថ្លែងអំណរគុណឯកឧត្តមរដ្ឋមន្ត្រីក្រសួងព័ត៌មាន ដែលបានឧបត្ថម្ភគ្រឿងឧបភោគបរិភោគ និងថវិកាដល់រដ្ឋបាលខេត្តព្រះសីហនុ ដែលបានចែករំលែកធនធាន និងលើកទឹកចិត្តដល់ក្រុមការងារ ពិសេសក្រុមគ្រូពេទ្យរបស់យើងដែលកំពុងបំពេញការងារ ដើម្បីប្រើប្រាស់ បង្ការទប់ស្កាត់ជំងឺរាតត្បាតកូវីដ-១៩ក្នុងសហគមន៍ក្នុងខេត្តព្រះសីហនុ ។

លោកអភិបាលខេត្តបានបញ្ជាក់ថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា បានផ្តល់វ៉ាក់សាំងចាក់ជូនប្រជាពលរដ្ឋក្នុងខេត្ត៤មានដូចជា ខេត្តព្រះសីហនុ កោះកុង កំពង់ស្ពឺ និងខេត្តតាកែវ ដើម្បីចាក់ចូលសាច់ប្រជាពលរដ្ឋ បង្កើនភាពសាំ ដើម្បីកាត់បន្ថយការចម្លងជំងឺកូវីដ-១៩ ក្នុងសហគមន៍ ។ ជំងឺកូវីដ-១៩ នៅក្រុងព្រះសីហនុមានការធូរស្បើយ ក៏ប៉ុន្តែវាបានឆ្លងចូលដល់ស្រុក និងសូមជូនពរឱ្យឯកឧត្តមរដ្ឋមន្ត្រីប្រតិភូ និងមន្ត្រីរាជការក្រសួងព័ត៌មានមានសុខភាពល្អ និងបំពេញភារកិច្ចទទួលបានជោគជ័យ និងអនុវត្តន៍យ៉ាងខ្ជាប់ខ្ជួននូវវិធានការសុខាភិបាល និងអនុសាសន៍ ៣.ការពារ និង៣.កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕

អត្ថបទ ៖ កោះពស់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា