ពលរដ្ឋកម្ពុជាជិត ៤លាននាក់ស្មើនឹងជិត ៤០% ទទួលបានការចាក់វ៉ាក់សាំងកូវីដ១៩

ភ្នំពេញ៖ក្រសួងសុខាភិបាលបានប្រកាសថាមកដល់ពេលនេះមានប្រជាពលរដ្ឋកម្ពុជាប្រមាណជិត៤លាននាក់ហើយស្មើនឹងជិត៤០ភាគរយទទួលបានការចាក់វ៉ាក់សាំងជំងឺកូវីដ១៩នៃធៀបជាមួយចំនួនប្រជាជនគោលដៅ ១០លាននាក់។

បើតាមក្រសួងសុខាភិបាលចាប់ពីថ្ងៃទី១០ខែកម្ភៈរហូតមកដល់ថ្ងៃទី២៧ ខែមិថុនា ឆ្នាំ២០២១នេះមានប្រជាពលរដ្ឋកម្ពុជាស្ម័គ្រចិត្តចុះឈ្មោះចាក់វ៉ាក់សាំងជំងឺកូវីដ១៩ចំនួន៤០១៣១៤៥នាក់ស្រី១៩៥៦៧៩៦នាក់ក្នុងនោះគ្រូពេទ្យអនុញ្ញាតឱ្យចាក់បានចំនួន៣៩៥៥០៣៣នាក់ស្រី១៩២៧៣៦៤នាក់ស្មើនឹង៣៩.៥៥ភាគរយ គ្រូពេទ្យមិនអនុញ្ញាតឱ្យចាក់ចំនួន៥៨១១២នាក់ស្រី២៩៤៣២នាក់និងអ្នកចាក់ដូសទី២ចំនួន២៨៨១៤១៤នាក់ស្រី១៣៤៣៩៧១នាក់។

គម្រោងចាក់ចាក់សាំងដល់ក្រុមគោលដៅ១០លាននាក់នេះនឹងចាក់ឱ្យរួចរាល់នៅចុងឆ្នាំ២០២១ខាងមុខនេះដោយសារវ៉ាក់សាំងដែលកម្ពុជាបញ្ជាទិញពីចិនបានមកជាបន្តបន្ទាប់។ ជាក់ស្តែងនៅព្រឹកនេះ វ៉ាក់សាំងការពារជំងឺកូវីដ១៩ របស់ក្រុមហ៊ុនស៊ីណូវ៉ាក់ ដែលរដ្ឋាភិបាលបានបញ្ជាទិញចំនួន ១លានដូសទៀតពីរដ្ឋាភិបាលចិន នឹងដឹកមកដល់ប្រទេសកម្ពុជា ដែលធ្វើឱ្យកម្ពុជាទទួលបានវ៉ាក់សាំងសរុបជាង១១លានដូសហើយសម្រាប់ចាក់ជួនដល់ពលរដ្ឋមានអាយុចាប់ពី១៨ឆ្នាំឡើងទៅ។

ចំណែកវ៉ាក់សាំង៩លានដូសទៀតនឹងមកដល់ជាបន្តបន្ទាប់គឺនៅខែកក្កដានឹងមកដល់៥លានដូសនិងខែសីហាមកដល់៤លានដូសទៀត ។ មកដល់ពេលនេះកម្ពុជាទទួលបានវ៉ាក់សាំងចំនួ១១០២៤០០០ដូស ក្នុងនោះវ៉ាក់សាំងកូវីលសែលរបស់អាស្ត្រាហ្សេណេកា ចំនួន៣២៤០០០ដូស វ៉ាក់សាំង ស៊ីណូហ្វាមចំនួន៣លាន២សែនដូសក្នុងនោះ២លាន២សែនដូសជាជំនួយរបស់ចិននិង១លានដូសទិញពីចិន ។វ៉ាក់សាំងប្រភេទស៊ីណូវ៉ាក់ចំនួន៧លាន៥សែនដូសដែលកម្ពុជាបញ្ជាទិញពីចិនរួមទាំង១លានដូសដែលមកដល់ព្រឹកនេះផង។

ក្នុងចំណោម២០លានដូសនោះរាជរដ្ឋាភិបាលបានញ្ជាទិញវ៉ាក់សាំងចំនួន១៧លាន៤សែន៧ម៉ឺន៦ពាន់ដូសពីរដ្ឋាភិបាលចិនដោយចំណាយថវិកាប្រមាណ ១៧០ លានដុល្លារងាមេរិក ។ បច្ចុប្បន្ននេះក្រុមការងារចាក់វ៉ាក់សាំងកំពុងចាក់វ៉ាក់សាំងបង្ការជំងឺកូវីដ១៩នៅតាមរាជធានីខេត្តចំនួន៩ក្នុងនោះរួមមានរាជធានីភ្នំពេញ កណ្តាល កំពង់ស្ពឺ ស្វាយរៀងកោះកុង ព្រះស៊ីហនុ តាកែវ កំពង់ឆ្នាំង និងកំពង់ចាម៕

សំអឿន