“ប្រទាលរីករាយ” ហុងស៊ុយទាក់ទាញប្រាក់កាក់ និងសុភមង្គល

យោង​ទៅ​តាម​ក្បួន​ហុងស៊ុយ ការដាំ​ដើមឈើឬរុក្ខជាតិលម្អតូចៗក្បែរផ្ទះឬក្នុងបន្ទប់ សុទ្ធ​តែ​អាច​នាំ​លាភ ឬ​គ្រោះភ័យដល់​សមាជិក​ទាំងអស់ ជាពិសេសការរកចំណូលចូលគ្រួសារឬ​ការរកស៊ី​។

តាមជំនឿជនជាតិចិន និងប្រទេសជាច្រើនទៀតនៅតំបន់អាស៊ី គេពេញនិយមដាំរុក្ខជាតិតូចៗក្នុងគេហដ្ឋានដើម្បីផ្ដល់នូវហុងស៊ុយល្អ។ រីឯ “ប្រទាលរីករាយ” (Jade plant) ជារុក្ខជាតិម្យ៉ាងសម្រាប់តាំងនៅលើតុក្នុងបន្ទប់ទទួលភ្ញៀវ បន្ទប់គេង ​និងការិយាល័យធ្វើការ ដែលគេតែងតែទម្លាប់ដាំ ដើម្បីឆក់ទាញលាភសក្ការ។ ប្រទាលនេះ ជា​ហុងស៊ុយនាំលុយកាក់មាសប្រាក់ឱ្យហូរចូល​ក្នុង​ផ្ទះ​បាន​ដោយ​ងាយ ព្រមទាំងជួយនាំសុភមង្គលដល់គ្រួសារទាំងមូល។

ប្រសិនតាំងក្នុងការិយាល័យ គេជឿថា អាចជួយផ្ដល់នូវភាពស្រស់ស្រាយ ការប្រាស្រ័យទាក់ទងល្អក្នុងចំណោមបុគ្គលិក ជាពិសេសជួយឱ្យអាជីពនិងជំនួញរីកលូតលាស់ មានផ្លែផ្កា។

ក្នុង​ក្បួន​ហុងស៊ុយ គេឱ្យដាំឬតាំង នៅ​ខាងស្តាំនៃតុទទួលភ្ញៀវឬតុធ្វើការ ​និង​ដាក់នៅច្រកខាងស្ដាំចូល​ផ្ទះ​ឬហាង។ ហាមទុកវាឱ្យស្វិតស្រពោន ព្រោះជាប្រផ្នូលនៃភាពអន់ថយ បង្កភាពក្ដៅក្រហាយ៕

ប្រែសម្រួល៖ សន្យា

ចុចអាន៖ ប្រទាលកន្ទុយក្រពើមិនត្រឹមជំនួយសុខភាពនិងសម្រស់ តែក៏ជារុក្ខជាតិហុងស៊ុយអាចស្រូបទាញថាមពលអវិជ្ជមានយ៉ាងស័ក្តិសិទ្ធិ

ចុចអាន៖ តាំងលម្អផ្កាឬផ្លែឈើស្រស់ ប្រផ្នូលទាក់ទាញលាភសក្ការនិងភាពរុងរឿង