ព័ត៌មានអន្ដរជាតិ

វ៉ាក់សាំង ៤ ប្រភេទ មនុស្សពេញវ័យគួរតែចាក់ ចៀសវាងហានិភ័យដែលប្រឈមនឹងការស្លាប់ធ្ងន់ធ្ងរ

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ទោះបីជាមនុស្សពេញវ័យ មានភាពស៊ាំខ្លាំងជាងកុមារ ប៉ុន្តែចំពោះជំងឺមួយចំនួន បើយើងធ្លាប់ចាក់វ៉ាក់សាំង កាលពេលនៅក្មេងក៏ដោយ ក៏កម្រិតនៃភាពស៊ាំបានថយចុះបន្តិចម្តងៗ រហូតលែងមានគ្រប់គ្រាន់សម្រាប់ការពារជំងឺ។ ជាលទ្ធផលវ៉ាក់សាំងថ្មីត្រូវបានគេរកឃើញ និងមិនមែនជាអ្វីដែលត្រូវបានប្រើសម្រាប់កុមារតូចៗទេ។

លោក Kridakorn Kesornkham M.D អ្នកជំនាញផ្នែកវេជ្ជសាស្ត្រ មកពីមជ្ឈមណ្ឌល Q House Lumpini នឹងប្រាប់ពីវ៉ាក់សាំងអ្វីខ្លះ ដែលចាំបាច់សម្រាប់មនុស្សពេញវ័យ។

១ វ៉ាក់សាំងកញ្ជ្រឹល (Measles-Mumps-Rubella Vaccine : MMR)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាធម្មតាអ្នកដែលបានចាក់វ៉ាក់សាំងកញ្ជ្រឹលចំនួនពីរដង មិនចាំបាច់ចាក់ថ្នាំម្ដងទៀតទេ ពីព្រោះកម្រិតនៃភាពស៊ាំគឺខ្ពស់ល្មម ដើម្បីការពារជំងឺអស់មួយជីវិត។ ទោះជាយ៉ាងណាក៏ដោយ មនុស្សពេញវ័យដែលមិនធ្លាប់ទទួលរងពីជំងឺនេះពីមុន រួមទាំងអ្នកដែលមិនធ្លាប់ចាក់វ៉ាក់សាំង ឬមិនបានទទួលវ៉ាក់សាំងពីរដង គួរតែចាក់វ៉ាក់សាំងយ៉ាងហោចណាស់មួយដង ជាពិសេសស្ត្រីដែលមានអាយុបន្តពូជ គួរតែទទួលវ៉ាក់សាំងនេះយ៉ាងហោចណាស់ម្ដង និងចៀសវាងមានផ្ទៃពោះរយៈពេល ៣ ខែ បន្ទាប់ពីចាក់វ៉ាក់សាំង។

២ វ៉ាក់សាំងជំងឺអុតស្វាយនិងរើម (Varicella Vaccine)

គួរតែត្រូវបានចាក់ទៅលើអ្នកដែលមិនធ្លាប់ចាក់វ៉ាក់សាំង ឬមិនដែលមានជំងឺអុតស្វាយ ឬជំងឺរើមពីមុនមក។ ស្ត្រីដែលដល់អាយុបន្តពូជ គួរតែចៀសវាងការមានផ្ទៃពោះរយៈពេល ១ ខែ បន្ទាប់ពីចាក់វ៉ាក់សាំងរួច។ អ្នកដែលប្រឈមនឹងជំងឺនេះ គួរតែត្រូវបានទទួលថ្នាំបង្ការ ក្នុងរយៈពេល ៧២ ម៉ោង បន្ទាប់ពីមានការប៉ះពាល់ ដូច្នេះវាអាចការពារបាន។ បើទោះជាលើសពី ៥ ថ្ងៃ វាមិនអាចការពារជំងឺបាន ប៉ុន្តែវាអាចកាត់បន្ថយភាពធ្ងន់ធ្ងរ នៃជំងឺទាំងនេះបាន។

៣ វ៉ាក់សាំងគ្រុនផ្ដាសាយ (Influenza Vaccine)

ជាធម្មតាជំងឺគ្រុនផ្ដាសាយ ជាសះស្បើយនៅក្នុង ៥ ទៅ៧ ថ្ងៃ ប៉ុន្តែការឆ្លងមេរោគអាចធ្ងន់ធ្ងរ និងយូរអង្វែងចំពោះមនុស្សដែលមានភាពស៊ាំទាប។ កុមារតូចៗ មនុស្សចាស់ ស្ត្រីមានផ្ទៃពោះ អ្នកដែលមានជំងឺផ្លូវដង្ហើមរ៉ាំរ៉ៃ ជំងឺបេះដូងរ៉ាំរ៉ៃជាដើម អាចមានរោគសញ្ញាធ្ងន់ធ្ងរ។ ផលវិបាកនាំឲ្យមានអត្រាមរណភាពខ្ពស់។ ដូច្នេះហើយ វ៉ាក់សាំងនេះ ត្រូវបានគេណែនាំឲ្យចាក់រៀងរាល់ឆ្នាំ ពីព្រោះផ្ដាសាយតែងផ្លាស់ប្ដូរសំពាធរៀងរាល់ឆ្នាំ ជាធម្មតានៅក្នុងរយៈពេលពីររដូវវស្សានិងអំឡុងរដូវរងារ។

៤ វ៉ាក់សាំងជំងឺរលាកសួត (Pneumococcal Vaccine)

ជំងឺរលាកសួត ជាបាក់តេរីនិងជាមូលហេតុចម្បងនៃជំងឺឆ្លង ចំពោះមនុស្សដែលមានភាពស៊ាំទាប។ ជាពិសេសការឆ្លងមេរោគផ្សេងៗ។

ជំងឺរលាកសួតដែលរាតត្បាតត្រូវបានគេហៅថា IPD បណ្ដាលឲ្យមានការឆ្លងមេរោគនៅក្នុងចរន្តឈាម។ ចំពោះមនុស្សពេញវ័យ ការចាក់វ៉ាក់សាំងនេះគឺមានតែមួយដងទេ ប៉ុន្តែថ្នាំរំញោចអាចត្រូវបានចាក់ម្ដងទៀត បន្ទាប់ពីចាក់លើកដំបូងក្នុងរយៈពេល ៣ទៅ៥ ឆ្នាំ។

ទោះយ៉ាងណា មុនទៅចាក់វ៉ាក់សាំងដូចដែលបានរៀបរាប់ សូមពិគ្រោះជាមួយអ្នកជំនាញវេជ្ជសាស្ត្រឲ្យបានត្រឹមត្រូវ។ ព្រោះបើយឺតយ៉ាវអាចប្រឈមនឹងស្លាប់ធ្ងន់ធ្ងរ ខណៈនេះ ការការពារ គឺប្រសើរជាងព្យាបាល៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

ចុចអាន៖អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ

Related Topics:យុវវ័យ