សុខភាព
សញ្ញាព្រមានទាំង៥ នៃជំងឺមហារីកសួតគួរស្វែងយល់
ជំងឺមហារីកសួតភាគច្រើន មិនបង្ហាញរោគសញ្ញាឡើយ រហូតដល់ជំងឺវិវត្តដល់ដំណាក់កាលធ្ងន់ធ្ងរ។ យ៉ាងណាមិញ ក្នុងករណីដែលជំងឺមហារីកសួតបង្ហាញរោគសញ្ញានៅដំណាក់កាលដំបូង វាអាចមានភាពខុសគ្នាពីមនុស្សម្នាក់ទៅមនុស្សម្នាក់ទៀត ប៉ុន្តែរោគសញ្ញាទូទៅដែលយើងគប្បីប្រុងប្រយ័ត្នឲ្យបានដិតដល់ មានដូចខាងក្រោម។
១. ក្អកជាប់ជាប្រចាំ ឬក្អកមានការប្រែប្រួល
ក្នុងករណីដែលអាការក្អកមិនបាត់ទៅវិញដោយខ្លួនឯង និងនៅតែបន្ត វាអាចជារោគសញ្ញានៃជំងឺមហារីកសួត។ យោងតាមការសិក្សាមួយនៅចក្រភពអង់គ្លេសបានបង្ហាញថា ការក្អកជារោគសញ្ញាមួយក្នុងចំណោមរោគសញ្ញាទូទៅនៃជំងឺមហារីកសួត ហើយប្រហែលជា០,២% ដែលក្អកច្រើនជាង៣សប្ដាហ៍ ត្រូវបានធ្វើរោគវិនិច្ឆ័យឃើញថាមានជំងឺមហារីកសួត។ ម្យ៉ាងវិញទៀត ចូរសង្កេតមើលការប្រែប្រួលនៃការក្អករ៉ាំរ៉ៃ ជាពិសេសសម្រាប់អ្នកដែលជក់បារី។ ប្រសិនបើយើងក្អកមានស្លេស្មច្រើន ចូរពិគ្រោះយោបល់ជាមួយនឹងគ្រូពេទ្យជាបន្ទាន់។
២. ពិបាកដកដង្ហើម ឬដកដង្ហើមលឺសំឡេង
ជាមួយគ្នានេះដែរ ប្រសិនបើយើងងាយអស់កម្លាំង និងដកដង្ហើមខ្លីៗ វាអាចជាសញ្ញានៃជំងឺមហារីកសួត។ រាល់ការប្រែប្រួលនៅក្នុងការដកដង្ហើម អាចបង្ហាញថាផ្លូវដង្ហើមរបស់យើងត្រូវបានរារាំងដោយជំងឺមហារីកសួត។ ក្នុងករណីដែលយើងមានអារម្មណ៍ថាហត់ខ្លាំងនៅពេលធ្វើការងារស្រាលៗ សូមតាមដានសុខភាពឲ្យបានដិតដល់។
៣. ឈឺចាប់រាងកាយ
រោគសញ្ញាទូទៅមួយទៀតនៃជំងឺមហារីកសួត គឺការឈឺចាប់រាងកាយ។ វាអាចបង្កឲ្យមានការឈឺចាប់នៅក្នុងទ្រូង ស្មា ឬខ្នង។ ប្រសិនបើការឈឺចាប់នេះបណ្ដាលមកពីជំងឺមហារីកសួត វាអាចដោយសារតែកូនកណ្ដុរ ឬមហារីករីករាលដាល ឬរាលដាលដល់ជញ្ជាំងទ្រូង។
៤. សំឡេងស្អក
បន្ថែមពីនេះ ជំងឺមហារីកក៏អាចបង្កឲ្យមានការប្រែប្រួលសំឡេង។ ពិតណាស់ ជួនកាលជំងឺផ្ដាសាយធម្មតាក៏អាចនាំឲ្យសំឡេងយើងស្អកដូចគ្នា ប៉ុន្តែបើបញ្ហានេះបន្តរយៈពេលយូរ វាអាចបង្ហាញពីបញ្ហាសុខភាពធ្ងន់ធ្ងរ។
៥. ស្រកទម្ងន់
ទន្ទឹមនឹងនេះដែរ ប្រសិនបើយើងសង្កេតឃើញការប្រែប្រួលទម្ងន់ដោយគ្មានមូលហេតុ វាអាចជាសញ្ញានៃជំងឺមហារីក ពីព្រោះតែកោសិកាមហារីកប្រើប្រាស់ថាមពលរបស់យើង ហើយពេលខ្លះ វាអាចប៉ះពាល់ដល់ការស្រកទម្ងន់៕
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន