តាលីបង់ បញ្ជាក់ស្ថានភាពការងាររបស់ស្ត្រីនៅ អាហ្វហ្គានីស្ថាន ក្រោយបញ្ជាស្នាក់នៅផ្ទះមិនឲ្យចេញទៅណា

ដោយឆ្លើយតបទៅនឹងសំណួរអំពីការងាររបស់ស្ត្រី លោក Maulawi Hamdullah Numani ចៅហ្វាយក្រុងកាប៊ុលបានប្រាប់អ្នកយកព័ត៌មាននៅក្នុងសន្និសីទសារព័ត៌មានមួយកាលពីថ្ងៃអាទិត្យថា មានស្ត្រីកំពុងធ្វើការឲ្យរដ្ឋាភិបាលទីក្រុងកាប៊ុលរដ្ឋធានីអាហ្វហ្គានីស្ថាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចៅហ្វាយក្រុងរូបនេះបាននិយាយថា មានមន្រ្តីសរុបចំនួន ២ ពាន់នាក់នៅក្នុងជួររដ្ឋាភិបាលក្រុង ហើយស្ទើរតែមួយភាគបីនៃពួកគេគឺជាស្ត្រី ។

ខណៈកន្លងមក ចក្រភពឥស្លាមអាហ្វហ្គានីស្ថានបានបញ្ជាឲ្យស្ត្រីស្នាក់នៅផ្ទះ លោក Numani បាននិយាយថា វានឹងត្រូវការពេលវេលាសម្រាប់បុគ្គលិកស្រីទាំងអស់ ដើម្បីត្រលប់ទៅធ្វើការវិញ ប៉ុន្តែពួកគេខ្លះកំពុងធ្វើការឲ្យរដ្ឋាភិបាលក្រុង ។

ស្របពេលជាមួយគ្នានេះ វាក៏កើតឡើង បន្ទាប់ពីមានអះអាងថា ក្រុមតាលីបង់កាលពីថ្ងៃព្រហស្បតិ៍បានរារាំងបុគ្គលិកស្រីមិនឲ្យចូលក្រសួងកិច្ចការនារីនៅទីក្រុងកាប៊ុល ដោយអនុញ្ញាតឲ្យតែបុរសចូលក្នុងអគារនេះបានតាមចិត្ត ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ រដ្ឋឥស្លាម បំផ្ទុះគ្រាប់បែកនៅ អាហ្វហ្គានីស្ថាន សម្លាប់ និងរបួស ក្រុមតាលីបង់ ច្រើននាក់