សន្តិសុខសង្គម
សមត្ថកិច្ចសង្ស័យមានអ្នកលួចដុតស្មៅងាប់ភ្លើងរាលឆេះយ៉ាងសន្ធោសន្ធៅនៅជើងភ្នំដងរ៉ែក
បន្ទាយមានជ័យ ៖ ជើងភ្នំដងរ៉ែកមានភ្លើងឆេះយ៉ាងសន្ធោសន្ធៅសមត្ថកិច្ចសង្ស័យថា មានអ្នកលួចដុតស្មៅងាប់ភ្លើងរាលយ៉ាងលឿន តែសមត្ថកិច្ចពួតដៃគ្នារលត់ទាន់ពុំរាលឆេះដល់ វត្ត ផ្ទះអ្នកស្រុក និងមនុស្សស្លាប់ទេ រឿងរ៉ាវនេះកើតឡើងនៅនៅវេលាម៉ោង៧យប់ថ្ងៃទី៩ខែកុម្ភៈ ឆ្នាំ២០២២ ជិតវត្តគីរីសុក្ខារាម ថ្មរមៀលស្ថិតនៅភូមិថ្មរមៀលខាងត្បូង ឃុំថ្មរមៀល ស្រុកថ្មពួក ខេត្តបន្ទាយមានជ័យ។
ភ្លើងដែលឆេះនៅជើងភ្នំដងរ៉ែកនោះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់តាំងលោកឧត្តមសេនីយ៍ត្រី រ៉ែម វីរៈស្នងការរង ទទួលផែនការងារសេនាធិការ និងលោកវរសេនីយ៍ឯក សម្បត្តិ កុសល ស្នងការរង ទទួលការងារនគរបាលការពារនិងអន្តរាគមន៍ ដឹកនាំកម្លាំងអធិការដ្ឋាននគរបាល ស្រុកស្វាយចេក នគរបាលស្រុកថ្មពួក នគរបាលស្រុកអូរជ្រៅ និងកម្លាំងនគរបាលវរសេនាតូចការពារព្រំដែនគោកលេខ៨០៧ សរុបកម្លាំងចំនួន៧២នាក់ រួមទាំងរថយន្តពន្លត់អគ្គីភ័យ ចំនួន៣គ្រឿង របស់នគរបាលស្រុកស្វាយចេក ថ្មពួកនិងអូរជ្រៅ ពួតដៃគ្នាជួយពន្លត់។
បើតាមការឲ្យដឹងពីព្រះចៅ អធិការវត្តគីរីសុក្ខារាមថ្មរមៀល បានឲ្យដឹងថា នៅវេលាម៉ោងប្រហែលជា៧យប់ ថ្ងៃទី៩ កុម្ភៈ នោះភ្លើងបានចាប់ផ្តើមឆេះនៅចំរាលខ្នងភ្នំដងរ៉ែក នៅចំណុចជិត មង្គោលសីម៉ាលេខ២៧ មកពីទិសខាងលិចរាលដាលចុះមកក្រោម មកទិសខាងកើតប្រវែងប្រហែលជា១,០០០ម៉ែត្រ ជិតវត្តគីរីសុក្ខារាម ថ្មរមៀល ។
ព្រះចៅ អធិការវត្តគីរីសុក្ខារាមថ្មរមៀលបានបញ្ជាក់ឲ្យដឹងបន្តទៀតថា ចំពោះការខូចខាត គឺកូនឈើដែលទើបដាំថ្មី មានកូនញូង ផ្ចឹក នាងនួន ប្រហែលជា២,០០០ដើម។ ក្នុងនោះលោកឧត្តមសេនីយ៍ត្រី រ៉ែម វីរៈ បានបញ្ជាក់ថាឲ្យដឹងដែរថា ក្នុងជួយពន្លត់ភ្លើងគ្នានោះមាន កម្លាំងនគរបាល សរុបចំនួន៧២នាក់ និង ព្រះសង្ឃគង់វត្តគីរីសុក្ខារាម ដំណាក់កាលទី១ គឺ រថយន្តពន្លត់អគ្គីភ័យបាញ់ទឹកមិនដល់បានត្រឹម ឡើងទៅវាយពន្លត់ភ្លើងដែលឆេះរាលចុះមកក្រោមតាមទីតាំងដែលអាចចូលទៅវាយពន្លត់បានរហូតដល់ វេលាម៉ោង៥ភ្លឺឈានចូលថ្ងៃទី១០ខែកុម្ភៈ ឆ្នាំ២០២២។ ភ្លើងបានរាលឆេះចុះមកក្រោមពីកើតត្រឡប់លិចវិញជិតក្បែរវត្តនោះ ទើបកម្លាំងសមត្ថកិច្ចយករថយន្តពន្លត់អគ្គីភ័យបាញ់ទឹកពន្លត់យ៉ាងពេញទំហឹងទើបគ្រប់គ្រងស្ថានការណ៍បានទាំងស្រុង ដោយមិនបង្កឲ្យភ្លើងរាលឆាបឆេះដល់វត្តគីរីសុក្ខារាមថ្មរមៀលនិងផ្ទះប្រជាពលរដ្ឋនោះឡើយ។
ក្នុងនោះលោកឧត្តមសេនីយ៍ទោ សិទ្ធិ ឡោះ បានថ្លែងអំណរគុណដល់កងកម្លាំងនគរបាលទាំង៤អង្គភាព រួមទាំងព្រះសង្ឃ ដែលបានខិតខំក្នុងការអន្តរាគមន៍វាយពន្លត់ភ្លើងដែលរាលឆេះនេះ រហូតគ្រប់គ្រងស្ថានការណ៍បានទាំងស្រុង មិនបង្កឲ្យរាលដាលឆេះដល់វត្ត។
ទាក់ទិនបង្កឲ្យកើតមានអគ្គីភ័យនេះ សមត្ថកិច្ចដាក់ការសង្ស័យថា មានអ្នកលួចដុតមានចេតនាបង្កឲ្យមានការខូចខាតបរិស្ថាន ពិសេសកូនឈើនៅលើភ្នំ ហើយករណីនេះលោកឧត្តមសេនីយ៍ទោសិទ្ធិ ឡោះ ក៏បានដាក់បទបញ្ជាឲ្យកម្លាំងនគរបាលការិយាល័យជំនាញព្រហ្មទណ្ឌខេត្តនិងកម្លាំងនគរបាលជំនាញព្រហ្មនៃអធិការដ្ឋាននគរបាលស្រុកថ្មពួកចុះធ្វើការស្រាវជ្រាវរកមុខសញ្ញាជនបង្កល្មើសនេះផងដែរ ដើម្បីចាប់ខ្លួនយកទៅផ្តន្ទាទោសតាមនីតិវិធីផងដែរ៕
ដោយ ៖ វ៉ាន់ ណាង
អាជ្ញាធរនឹងបិទការធ្វើចរាចរណ៍កំណាត់មហាវិថីព្រះនរោត្តម និងបរិវេណជុំវិញវិមាន៧មករា នៅព្រឹកថ្ងៃទី២៦ ខែកក្កដា
ក្រុម ភ្នំពេញហ្គាឡាក់ស៊ី ព្រះសីហនុ រកបាន៣ពិន្ទុ ខណៈ កណ្តាល ស្មើ កំពង់ស្ពឺ ពានសម្តេចតេជោថ្នាក់ខេត្ត
តម្រូវការកសិផលកសិករក្នុងខេត្តបាត់ដំបងកើនឡើង ក្រោយបិទច្រកព្រំដែន
អាជ្ញាធរខណ្ឌទួលគោក ចុះពិនិត្យទីតាំងស្តុក និងក្លាសេផ្លែឈើ ១ កន្លែង ក្រោយមានការស្នើសុំពីប្រជាពលរដ្ឋ
អាជ្ញាធរមីន សហការជាមួយសាកលវិទ្យាល័យអង់គ្លេស អភិវឌ្ឍដ្រូនគ្មានមនុស្សបើកគាំទ្រការបោសសម្អាតមីននៅកម្ពុជា
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១២ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ២៣ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន