KPT+

MST Writer រដូវកាលទី ២ ក្រោមប្រធានបទ«អ្នកនិពន្ធជុំវិញបឹងទន្លេសាប» ជាឱកាសសម្រាប់យុវវ័យ ចង់បញ្ចេញស្នាដៃ

បានផុស

៤ years មុន

នៅ

ថ្ងៃអាទិត្យ ១៣ មីនា ២០២២

ដោយ

ខណៈ MST Writer រដូវកាលទី១ បានបញ្ចប់ទៅដោយរលូន ក្នុងនោះគេឃើញមានអ្នកនិពន្ធវ័យក្មេងស្រករជាច្រើនបានបញ្ចេញស្នាដៃ នៅលើវេបសាយឌីជីថលរបស់អ្នកនិពន្ធ ម៉ីសន សុធារី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ រាល់ស្នាដៃរបស់អ្នកនិពន្ធក្មេងៗ បានទាក់ទាញអ្នកអាន រហូតធ្វើឲ្យមានសន្ទុះនៃការអាន និងគាំទ្រកាន់តែច្រើនឡើងៗ ពីមួយថ្ងៃទៅមួយថ្ងៃ។

យ៉ាងណាមិញ ដើម្បីជួយលើកតម្កើងរាល់ស្នាដៃប្អូនៗវ័យក្មេងជាច្រើន អ្នកនិពន្ធ ម៉ីសន សុធារី បានបើកឱកាសថ្មី សម្រាប់យុវវ័យបងប្អូនសិស្ស និស្សិត កវីនិពន្ធ អ្នកស្រឡាញ់ការអាននិងសរសេរទាំងអស់ ដែលមានដើមកំណើតមកពីខេត្តក្រុងជុំវិញបឹងទន្លេសាប ឬមានចំណាប់អារម្មណ៍សាកល្បងបទនិពន្ធដោយឡែក ឬរួមគ្នាជាមួយអ្នកនិពន្ធមកពីតំបន់ខាងលើ អាចចូលរួមជាមួយកម្មវិធី MST Writer រដូវកាលទី២ ក្រោមប្រធានបទ«អ្នកនិពន្ធជុំវិញបឹងទន្លេសាប»បាន។

គួរបញ្ជាក់ថា កម្មវិធី MST Writer រដូវកាលទី ២ នឹងចាប់ផ្ដើមនៅខែ ឧសភា ឆ្នាំ ២០២២ ខាងមុខនេះ។ ជាពិសេសសម្រាប់យុវវ័យ ដែលមានបំណងដាក់ផ្សាយស្នាដៃតែងនិពន្ធ ដើម្បីទទួលយកបទពិសោធន៍ និងការកែតម្រូវ ក៏ដូចជាទទួលយកទស្សនៈមតិមិត្តអ្នកអាន នៅលើផេកនិងលើវេបសាយឌីជីថលផងដែរ។