សាវិន ហ្វីលីព បញ្ជាក់ពីតំណែងដែលខ្លួនទទួលបានក្នុងរឿងប្រវត្តិសាស្រ្ត«កូនប្រុសក្រោមពន្លឺព្រះចន្ទពេញបូណ៌មី»

តារាសម្តែងលោក សាវិន ហ្វីលីព កាលពីថ្មីៗកន្លងទៅបានបង្ហាញអារម្មណ៍រំភើបខ្លាំងបន្ទាប់ពីទទួលបានឱកាសសម្តែងក្នុងខ្សែភាពយន្តប្រវត្តិសាស្រ្តរឿង” កូនប្រុសក្រោមពន្លឺព្រះចន្ទពេញបូណ៌មី” ដែលជាខ្សែភាពយន្តនិយាយពីជីវិតពិតរបស់ថ្នាក់ ដឹកនាំកំពូលនៃប្រទេកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលដែលក្តាប់បានឱកាសចូលរួមសម្តែងក្នុងរឿង ” កូនប្រុសក្រោមពន្លឺព្រះចន្ទពេញបូណ៌មី ” នេះដែរលោក សាវិន ហ្វីលីព មិនត្រឹមសម្តែងការរំភើបខ្លាំងទេគឺលោកបានបង្ហើបថាបច្ចុប្បន្នកំពុងមមាញឹកក្នុងការថតសម្តែងខណ:លោកក៏ទទួលបានតំណែងធំមួយនៅក្នុងរឿងប្រវត្តិសាស្រ្តនេះផងដែរ។

តារាសម្តែងប្រុសដែលមានភាពរួសរាយលោក សាវិន ហ្វីលីព បានប្រាប់កម្ពុជាថ្មីឲ្យដឹងតាមរយ:សាអេឡិចត្រូនិច(ឆាតហ្វេសប៊ុក)ដោយខ្លីថាសព្វថ្ងៃលោកកំពុ ងសម្ដែងជាតួអង្គឈ្មោះ អ៊ួង ឯក ប្រធានយោធាតំបន់២១ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» របស់សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា។

ដោយឡែកចំពោះមុខជំនួញខាងក្រៅត្រូវបានលោក សាវិន ហ្វីលីព បញ្ជាក់បន្ថែមថាការងារអចលនទ្រព្យរបស់លោកគឺប្រព្រឹត្តទៅធម្មតាដែលពេលនេះលោកក៏ជាទូតសុឆន្ទៈប្រចាំគំរោងចំការលំហែមរត កបរសេដ្ឋដែលមានផ្ទៃដី៣៥០ហិកតាក្នុងខេត្តកំពង់ស្ពឺ។ក្រៅពីការងារទាំងពីរខាងលេីលោកក៏មានផលិតកម្មផ្ទាល់ខ្លួនមួយឈ្មោះSTUDIO23 Ente rtainment ផងដែរដែលភាគច្រេីនទទួលផលិតស្ពតពាណិជ្ជកម្មនិងផលិតវីដេអូផ្សព្វផ្សាយផលិតផលគ្រប់ប្រភេទទាំងអស់។

សូមបញ្ជាក់ដែរថាខ្សែភាពយន្តប្រវត្តិសាស្រ្តរបស់ខ្មែររឿង«កូនប្រុសក្រោមពន្លឺព្រះចន្ទពេញបូរមី» បានចាប់ផ្តើមធ្វើពិធីក្រុងពាលីថតជាផ្លូវការនៅព្រឹកថ្ងៃទី១៣ខែធ្នូឆ្នាំ២០២១ក្រោមអធិបតិភាពដ៏ខ្ពង់ ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃប្រទេសកម្ពុជា។

ពិធីក្រុងពាលីរឿង«កូនប្រុសក្រោមពន្លឺព្រះចន្ទពេញបូណ៌រមី»នេះ គឺបានប្រព្រឹត្តធ្វើឡើងនៅទីបញ្ជាការដ្ឋានកងអង្គរក្ស​ស​​សម្តេចតេជោនាយករដ្ឋមន្រ្តីក្នុងទីក្រុងតាខ្មៅ ខេត្តកណ្តាល ។ ដោយក្នុងនោះក៏មានវត្តមានបុត្រា-បុត្រីទាំង៤ របស់ ​សម្តេច​តេជោ ហ៊ុន សែន អញ្ជើញចូលរួមផងដែរ។ម្យ៉ាងទៀតក៏តារាប្រុ ស-ស្រីចាស់ក្មេងល្បីៗជាច្រើនក៏បានបង្ហាញវត្តនៅ ក្នុងពិធីនេះដែរ៕

អត្ថបទ៖ ចាន់រ៉ា