មនុស្សស្រីវាសនាល្អ នឹងមានប្រជ្រុយ ៣កន្លែងនេះ

គ្រប់ប្រជ្រុយដែលលេចឡើងនៅលើរាងកាយមនុស្សស្រីសុទ្ធតែមានប្រផ្នូលអាចទស្សន៍ទាយពីជោគវាសនាអនាគតរបស់ម្ចាស់បាន។

១. ប្រជ្រុយនៅលើថ្ងាស

ជាទូទៅ នាងជាស្ត្រីដែលសម្បូរមនោសញ្ចេតនា និងមានទំនោរសម្រេចចិត្តយឺតយ៉ាវ។ ធម្មតានាតែងតែស្ទាក់ស្ទើរ ហើយចូលចិត្តគិតសារចុះសារឡើង នៅពេលធ្វើអ្វីមួយ ព្រោះខ្លាចខុសខ្លាំងបំផុត។ ទោះយ៉ាងណា នាងគឺជាទីពឹងផ្អែកនៃគ្រួសារ និងមនុស្សជាទីស្រឡាញ់។

ជីវិតរបស់នាងប្រហែលជាត្រូវឆ្លងកាត់ការលំបាកជាច្រើន ប៉ុន្តែនៅពេលខាងមុខនឹងមានការផ្លាស់ប្តូរល្អៗជាច្រើន។ មិន​ត្រឹម​តែ​មាន​សំណាង​ច្រើន​ប៉ុណ្ណោះ​ទេ ភាព​ជោគជ័យ​ក៏​កើត​ដល់នាងខ្លាំងដែរ ពេលនាងចាប់ផ្ដើមអាជីព។

២. ប្រជ្រុយនៅលើសៀតផ្កា

ប្រជ្រុយដុះលើសៀតផ្កា បញ្ជាក់​ថា​ម្ចាស់​មាន​ចរិត​រឹងមាំ។ នាងតែងតែទទួលបានការគាំទ្រពីមនុស្សជុំវិញខ្លួន ធ្វើឱ្យឆាកជីវិតរបស់នាងសមប្រកបណាស់។ ដោយសារមានទេពកោសល្យល្អស្រាប់ពីកំណើត អាជីពរបស់នាងនឹងរីកចម្រើន ហើយមានការ​គោរព​ស្រឡាញ់ពីសង្គម​។

នាងជាមនុស្ស​ព្យាយាម​ឥត​ឈប់​ឈរ ​ដើម្បី​ឱ្យស្ថានភាពជីវិតប្រសើរ​ពី​មួយ​ថ្ងៃ​ទៅ​មួយ​ថ្ងៃ។ នាងកើតមកជាមួយនឹងមហិច្ឆតាធំ ទើបនាងមិនងាយ​បោះបង់​ពេល​ប្រឈម​មុខ​នឹង​ការ​លំបាក ឬ​ពេលបរាជ័យ។ ដោយសារតែបែបនេះ នាងនឹងផ្លាស់ប្តូរជីវិតយ៉ាងត្រចះត្រចង់។

៣. ប្រជ្រុយនៅលើស្លាបច្រមុះ

ភាគច្រើននៃនារីប្រភេទនេះ សុទ្ធតែមានទេពកោសល្យល្អពីកំណើតស្រាប់ ប៉ុន្តែនាងនៅតែខំប្រឹង ឥតសូវសម្រាក ហើយដោយសារការខំប្រឹងនេះលុយកាក់របស់នាងកើនឡើងជារៀងរាល់ថ្ងៃ។ ពួកនាងចូលចិត្តចម្អិនអាហារ ពូកែសន្សំសំចៃ និងចេះទុកដាក់លុយកាក់បានយ៉ាងល្អ។

នៅ​ថ្ងៃ​ខាង​មុខ​ នាង​នឹង​ទទួល​បាន​ការ​គាំទ្រ​ពី​ពួក​អភិជន ដែលនេះនឹងបង្កភាព​ងាយ​ស្រួល ក៏ដូចជាជួយ​ត្រួសត្រាយផ្លូវ ឱ្យនាង​ក្លាយ​ជា​អ្នក​មាន​បានឆាប់រហ័ស៕

អត្ថបទ៖ សន្យា

ចុចអាន៖ ប្រជ្រុយនៅលើម្រាមដៃនីមួយៗ អាចប្រាប់ពីជោគវាសនារបស់ម្ចាស់យ៉ាងដូច្នេះ

ចុចអាន៖ ប្រជ្រុយកម្រ ៤កន្លែង បុរាណចារមកជាមនុស្សមានលាភធំ