KPT+

៥ យ៉ាងនេះ ធ្វើឲ្យអ្នកស្គាល់ខ្លួនឯងកាន់តែច្បាស់

បានផុស

៤ years មុន

នៅ

ថ្ងៃអង្គារ ១០ ឧសភា ២០២២

ដោយ

តើអ្នកធ្លាប់មានអារម្មណ៍ថា ធ្លាប់ផ្តាច់ខ្លួនចេញពីខ្លួនឯងទេ? មានមនុស្សជាច្រើន នៅពេលជួបប្រទះបញ្ហាប្រឈមក្នុងជីវិត ពួកគេស្វែងរកព័ត៌មានពីខាងក្រៅជានិច្ច។ ប៉ុន្តែនេះជាការប្រឆាំងនឹងអារម្មណ៍ពិតរបស់ខ្លួនឯង និងថែមទាំងមានការគិតខ្សោយថែមទៀតផង។

ខាងក្រោមនេះ ជាវិធី ៥យ៉ាង ដើម្បីឲ្យយើងបានយល់ដឹង និងស្គាល់ខ្លួនឯងកាន់តែច្បាស់ថែមទៀត៖

១ ជឿជាក់លើខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្មានអ្វីសំខាន់ជាងអ្នកជឿជាក់លើខ្លួនឯងនោះទេ។ ការមានទំនុកចិត្ត ទើបអាចគ្រប់គ្រងអារម្មណ៍ខ្លួនឯងបាន។ អ្នកអាចកំណត់គោលដៅ និងភាពចិត្តល្អចំពោះខ្លួនឯង ដោយដឹងពីអ្វីដែលអ្នកពូកែជាងគេ ហើយចំណាយពេលជាមួយខ្លួនឯងឲ្យបានច្រើន។ គ្មាននរណាម្នាក់ អាចស្គាល់អ្នកបាន ក្រៅពីខ្លួនឯងនោះទេ។ ចូរចងចាំទុក! កុំជឿអ្នកជុំវិញថា អ្នកបែបនេះបែបនោះ ភាសារបស់គេ គ្រាន់តែនិយាយឲ្យអ្នកបានដឹងប៉ុណ្ណោះ។

២ សមាធិ

ត្រូវដឹងពីគំនិតខ្លួនឯង នេះពិតជាមានសារៈសំខាន់ខ្លាំងណាស់ ក្នុងការទទួលបានសុភមង្គល។ អ្នកត្រូវស្តាប់អារម្មណ៍ខ្លួនឯងមុន ដើម្បីដឹងពីអ្វីដែលនៅខាងក្នុងខ្លួន។ ការផ្លាស់ប្ដូរ និងការកែតម្រូវ អាចធ្វើឲ្យការយល់ដឹងអំពីខ្លួនឯងកាន់តែប្រសើរឡើង។ ដូច្នេះទើបយើងនឹងដឹងកាន់តែច្បាស់ អំពីចំណុចខ្លាំង និងចំណុចខ្សោយយើងបាន។

៣ មានការយល់ដឹងកាន់តែច្រើន

តាមរយៈការយល់ដឹង និងទទួលស្គាល់ខ្លួនឯង វាអាចនាំឲ្យអ្នកកាន់តែជិតស្និទ្ធនឹងខ្លួនឯងលើសមុន។ យើងអាចគាំទ្រខ្លួនឯងដោយគ្មានឥទ្ធិពលខាងក្រៅ នេះនឹងធ្វើឲ្យអ្នកយល់ពីខ្លួនឯងកាន់តែប្រសើរ។ ដូច្នេះវានឹងភ្ជាប់ជាមួយខ្លួនឯងពិតប្រាកដ ជាងអ្នកណាៗទាំងអស់។

៤ ស្មោះត្រង់នឹងខ្លួនឯង

ការនិយាយអំពីអារម្មណ៍របស់អ្នក គឺមានសារៈសំខាន់ដូចគ្នា។ វានឹងធ្វើឲ្យយើង កាន់តែស្គាល់ខ្លួនឯងច្បាស់ជាងមុន។ ការស្មោះត្រង់នឹងអារម្មណ៍ខ្លួនឯង ចំពោះអ្វីដែលអ្នកចង់បាន នោះនឹងកាន់តែស្គាល់ខ្លួនឯងជាងមុន។

៥ កោតសរសើខ្លួនឯង

តាមរយៈការរឲ្យតម្លៃ និងយល់ពីខ្លួនឯង អ្នកអាចដឹងពីអ្វីដែលមាននៅក្នុងចិត្តបាន។ នេះអាចនាំយើងទៅកាន់ទិសដៅត្រឹមត្រូវ។ អ្នកមិនអាចលាក់អារម្មណ៍ខាងក្នុងខ្លួនបានទេ។ អ្នកក៏អាចឆ្លុះបញ្ចាំងពីអ្វី ដែលអ្នកពិតជាចង់បាន បើអ្នកដឹងថាគោលដៅខ្លួនឯង កំពុងទៅណា ទៅជាមួយអ្នកណា ធ្វើអ្វីខ្លះ?

យ៉ាងណាមិញ ចំណុចទាំង ៥ នេះ នឹងធ្វើឲ្យអ្នកស្គាល់ខ្លួនឯងកាន់តែច្បាស់។ តាមរយៈការជឿជាក់លើខ្លួនឯង វានឹងកាន់តែងាយស្រួល ក្នុងការដឹងពីអារម្មណ៍ពិតខ្លួនឯង កាន់តែជិតស្និទ្ធជាងមុន។

ជឿមិនជឿ! នេះជាការពិត ព្រោះពេលយើងដួល យើងនេះហើយជាអ្នកលើកខ្លួនឯងពីកន្លែងធ្ងន់កណ្តុកនោះមកបាន។ បើយើងមិនស្គាល់ខ្លួនឯងច្បាស់ផង តើទៅធ្វើការងារឯណាបាន សូម្បីកាក់ល្អិតក៏ដោះមិនចេញនៅស្រពិចស្រពិល មិនដឹងថាខ្លួនឯងចង់បានអី នោះជាពេលមួយត្រូវស្វែងរកខ្លួនឯងឲ្យឃើញហើយ៕

ប្រែសម្រួល៖ សាង ស្រីល័ក្ខ

ចុចអាន៖មនុស្ស ៣ ប្រភេទ គួរនិយាយប្រយោគសុំទោសទាំងនេះ ចៀសវាងអ្វីៗយឺតពេល

ចុចអាន៖វិធីសាស្ត្រសាមញ្ញ តែមានប្រសិទ្ធភាព ដើម្បីជួយអ្នកជំងឺបាក់ទឹកចិត្ត