មិនធ្លាប់មានសោះ! ប្រជាជនលីទុយអានី នាំគ្នារៃលុយ ទិញយន្តហោះគ្មានមនុស្សបើក ស៊េរីទំនើប ឲ្យ អ៊ុយក្រែន

ប្រជាជនលីទុយអានី នាំគ្នារៃអង្គាសប្រាក់បានចំនួន ៣លានអឺរ៉ូ (៣.២លានដុល្លារអាមេរិក) ក្នុងរយៈពេលត្រឹមតែ៣ថ្ងៃប៉ុណ្ណោះ ដើម្បីទិញយន្តហោះគ្មានមនុស្សបើកយោធាដ៏ទំនើប ឲ្យប្រទេសអ៊ុយក្រែន។

ទូរទស្សន៍អនឡាញលីទុយអានី Laisves TV ដែលបើកយុទ្ធនាការរៃអង្គាសនេះ បានផ្សាយថា មនុស្សរាប់រយនាក់ បានបរិច្ចាគប្រាក់បន្តិចម្នាក់ៗ។

លោក Beshta Petro ឯកអគ្គរដ្ឋទូតអ៊ុយក្រែនប្រចាំប្រទេសលីទុយអានី បានប្រាប់ទូរទស្សន៍ Laisves TV ថា “នេះ​ជា​ករណី​ដំបូង​ក្នុង​ប្រវត្តិសាស្ត្រ​ ដែល​ប្រជាជន​សាមញ្ញ នាំគ្នា​រៃអង្គាស​ប្រាក់​ដើម្បី​ទិញ​របស់​មួយ​ដូច​ជា យន្តហោះគ្មានមនុស្សបើក Bayraktar។ វាជារឿងដែលមិនធ្លាប់មានពីមុនមកសោះ វាមិនគួរឲ្យជឿទេ”។

គួរបញ្ជាក់ថា អ៊ុយក្រែនបានទិញយន្តហោះគ្មានមនុស្សបើកប្រដាប់អាវុធប្រភេទ Bayraktar TB2 ជាង២០គ្រឿងក្នុងរយៈពេលប៉ុន្មានឆ្នាំថ្មីៗនេះ ហើយបានបញ្ជាទិញ ១៦ គ្រឿងទៀតកាលពីថ្ងៃទី ២៧ ខែមករា។ យន្តហោះនោះនោះត្រូវបានចែកចាយនៅដើមខែមីនា៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ UN៖ ជនស៊ីវិល ៣៩៩៨ នាក់ស្លាប់ក្នុងសង្គ្រាម រុស្ស៊ី-អ៊ុយក្រែន