KPT+

វិធីបណ្តុះមើមខ្ជាយក្នុងផើង ងាយស្រួលដាំដុះបំផុត

បានផុស

៤ years មុន

នៅ

ថ្ងៃសុក្រ ៧ តុលា ២០២២

ដោយ

ចំពោះមើមខ្ជាយត្រូវបានចាត់ទុកថាជាឱសថរុក្ខជាតិដ៏មានប្រយោជន៍បំផុត ខណៈផ្នែកដែលពេញនិយមមានដូចជាមើមនិងស្លឹក ត្រូវបានយកទៅធ្វើម្ហូបបានច្រើនមុខ។ សម្រាប់មេផ្ទះដែលនិយមឬចូលចិត្តញ៉ាំមុខម្ហូបដែលត្រូវការមើមខ្ជាយប្រាកដជាចង់បណ្ដុះ ឬដាំទុកក្នុងផ្ទះ ដើម្បីងាយស្រួលរកពេលចង់ដណ្ដាំស្លម្ដងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ ជាវិធីងាយៗខ្លាំង គ្រាន់តែមិត្តអ្នកអានដាក់ចូលទៅក្នុងដីដែលបានរៀបចំរួចជាការស្រេច។

-នៅពេលទិញមើមខ្ជាយពីផ្សារ ដើម្បីឲ្យឆាប់ដុះបានផលលឿន សូមកាត់ក្បាលចេញតិចតួច។ បន្ទាប់មកយកមើមដែលកាត់រួចទៅត្រាំក្នុងទឹករយៈពេល ២-៣ យប់ ហើយពិនិត្យមើលថាមានឬសដុះចេញឬអត់។

-បើវាចេញឬស សូមរៀបចំធុងដាំ ឬផើង (ដែលអ្នកអាចរកបាន) និងបន្ថែមដីសម្រាប់ដាំ។ ដោយផ្តល់ឲ្យវានូវដីដែលមានជីជាតិតិចតួច។ ប្រសិនបើធុងទាំងនោះមានរន្ធខ្យល់ ចូររកអ្វីមួយសម្រាប់បិទបាំងរន្ធខ្យល់ ដោយបន្សល់ទុករន្ធបង្ហូរតូចមួយបានហើយ។

-បន្ទាប់មកយកមើមខ្ជាយមកបណ្ដុះ ដោយមិនចាំបាច់ដោតវាជ្រៅពេកទេ មុននឹងដាក់ស្រទាប់ដី ឬចំបើងផ្សេងទៀតពីលើ។ ស្រោចទឹកឲ្យញឹកញាប់និងហ្មត់ចត់ ហើយដាក់ធុងនៅកន្លែងដែលមានពន្លឺថ្ងៃគ្រប់គ្រាន់។ ទុកចោលប្រហែល៧-១៥ថ្ងៃ នោះឬសកាន់តែចាក់ជ្រៅ ហើយនឹងចាប់ផ្ដើមដុះពន្លកឡើង។ បន្ទាប់ពីប្រហែលមួយខែ វានឹងចាប់ផ្ដើមលូតលាស់ជារុក្ខជាតិហើយ៕

ប្រែសម្រួល៖ សាង ស្រីល័ក្ខ

ចុចអាន៖បន្លែជាឱសថ ៥ មុខ ងាយស្រួលរក និងអាចព្យាបាលជំងឺជាច្រើនប្រភេទ

ចុចអាន៖មើមខ្ជាយ ជាឱសថជួយពង្រឹងប្រព័ន្ធភាពស៊ាំ និងជួយកាត់បន្ថយភាពធ្ងន់ធ្ងរនៃវីរុសកូវីដ ១៩

Related Topics:មើមខ្ជាយ