សេដ្ឋកិច្ច
មន្រ្តីជាន់ខ្ពស់សាធារណរដ្ឋស៊ីប បង្ហាញការចាប់អារម្មណ៍វិនិយោគលើទឹកដីខេត្តស្វាយរៀង
លោក អាន់ឌ្រីយ៉ាស វីរ៉ាស (H.E Andreas VYRAS) អភិបាលក្រុងឡាណាកា នៃសាធារណរដ្ឋស៊ីប (ប្រទេសសាយប្រឹស) បានបង្ហាញការចាប់អារម្មណ៍វិនិយោគលើទឹកដីខេត្តស្វាយរៀង ដោយបានអះអាងថា នឹងកៀរគរវិនិយោគិន ឱ្យចួលមកវិនិយោគនៅក្នុងខេត្តនេះ នាពេលខាងមុខ។
លោកលើកឡើងបែបនេះ នៅក្នុងជំនួបពិភាក្សាការងារជាមួយលោក ម៉ែន វិបុល អភិបាលខេត្តស្វាយរៀង នៅព្រឹកថ្ងៃទី ១៤ ខែ ឆ្នាំ ២០២២។
នៅក្នុងជំនួបនេះ អភិបាលក្រុងឡាណាកា នៃសាធារណរដ្ឋស៊ីប បានអរគុណលោក ម៉ែន វិបុល អភិបាលខេត្ត ចំពោះការស្វាគមន៍យ៉ាងកក់ក្តៅក្នុងជំនួបនេះ ដែលលោក និងក្រុមការងារទទួលបាននូវធាតុចូលជាច្រើនពាក់ព័ន្ធនឹងការអភិវឌ្ឍ ស្ថានភាពវិនិយោគ និងសក្ដានុពលសំខាន់ៗនានារបស់ខេត្ត។ លោកបានសន្យាថា នឹងនាំយកព័ត៌មានទាំងនេះជូនដល់អ្នកវិនិយោគ ដើម្បីសិក្សាពីឱកាសក្នុងការវិនិយោគនៅខេត្តស្វាយរៀង នាពេលខាងមុខ។
អភិបាលខេត្តស្វាយរៀង លោក ម៉ែន វិបុល បានស្វាគមន៍ចំពោះប្រសាសន៍លោក អាន់ឌ្រីយ៉ាស វីរ៉ាស ដែលមានគម្រោងកៀរគរ អ្នកវិនិយោគសាធារណរដ្ឋស៊ីប ឱ្យមកសិក្សា និងវិនិយោគនៅខេត្តស្វាយរៀងនេះ។
លោក ម៉ែន វិបុល បានបញ្ជាក់ថា ទីតាំងភូមិសាស្ត្រ តំបន់សក្ដានុពលសំខាន់ៗ និងសមិទ្ធផលដែលរដ្ឋបាលខេត្តសម្រេចបាន រួមមាន វិស័យសេដ្ឋកិច្ច ឧស្សាហកម្ម ពាណិជ្ជកម្ម និងកសិកម្មជាដើម ជាពិសេសខេត្តបានក្លាយជាប្រភពការងារជូនដល់បងប្អូនប្រជាពលរដ្ឋទាំងក្នុងខេត្ត និងក្រៅខេត្ត ប្រមាណ១០ម៉ឺននាក់ លើវិស័យឧស្សាហកម្ម រោងចក្រ និងសេវាកម្មនានាជាច្រើនទៀត ។
ជាមួយគ្នានេះ លោក ម៉ែន វិបុល ក៏បានចែករំលែកអំពីវិធីសាស្ត្រក្នុងការទប់ស្កាត់ការរីករាលដាលនៃជំងឺកូវីដ១៩ របស់រាជរដ្ឋាភិបាលកម្ពុជា ក្នុងនោះរដ្ឋបាលខេត្តស្វាយរៀង នាពេលកន្លងមក បានអនុវត្តយ៉ាងម៉ឺងម៉ាត់ តាមសេចក្តីណែនាំរបស់ក្រសួងសុខាភិបាល ជាពិសេសការសម្រេចបាននូវភាពស៊ាំសហគមន៍គ្រប់ដណ្ដប់ពេញលេញនៅទូទាំងខេត្ត តាមរយៈការចាក់ស្រោចវ៉ាក់សាំងយ៉ាងហោច ៣ដូស ជូនប្រជាពលរដ្ឋ និងកំពុងបន្តចាក់ដូសជំរុញ ដូសទី៤ និងដូសទី៥បន្ថែមទៀត ស្របតាមការដឹកនាំ និងណែនាំដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រី ។
លោក ម៉ែន វិបុល ក៏បានថ្លែងនូវការអរគុណចំពោះលោកអភិបាលក្រុងឡាណាកា ដែលបានឆ្លៀតពេលពេលមកទស្សនកិច្ចក្នុងខេត្តស្វាយរៀង ដើមម្បីសិក្សាស្វែងយល់ពីសក្តានុពលពាណិជ្ជកម្ម និងការវិនិយោគ។ ក្នុងនាមរដ្ឋបាលខេត្ត សង្ឃឹមជឿជាក់ថា ក្រុងឡាណាការនៃសាធារណៈរដ្ឋស៊ីប នឹងក្លាយជាដៃគូដ៏ល្អមកបណ្តាក់ទុនវិយោគ នៅលើទឹកដីខេត្តស្វាយរៀងនាពេលខាងមុខ៕ ដោយ:ភក្ដី
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ