ព័ត៌មានជាតិ

សម្តេចតេជោ ហ៊ុន សែន ជំរុញឱ្យពន្លឿនសិក្សាផ្លូវរថភ្លើងល្បឿនលឿនភ្នំពេញ-ព្រះសីហនុ និងភ្នំពេញ-ប៉ោយប៉ែត

បានផុស

៣ years មុន

នៅ

ថ្ងៃសុក្រ ១៣ មករា ២០២៣

ដោយ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងកិច្ចប្រជុំគណៈរដ្ឋមន្ត្រីនាថ្ងៃទី១៣ ខែមករា ឆ្នាំ២០២៣នេះ បានជំរុញឱ្យក្រសួងសេដ្ឋកិច្ច និងហិរញ្ញវត្ថុ និងក្រសួងសាធារណការ និងដឹកជញ្ជូន ឱ្យពន្លឿនការសិក្សាគម្រោងសាងសង់ផ្លូវរថភ្លើងល្បឿនលឿន ពីរាជធានីភ្នំពេញទៅខេត្តព្រះសីហនុ និងផ្លូវរថភ្លើងល្បឿនលឿនពីរាជធានីភ្នំពេញទៅក្រុងប៉ោយប៉ែត ដោយអភិវឌ្ឍលើផ្លូវរថភ្លើង ដែលមានស្រាប់ ដើម្បីបម្រើឱ្យវិស័យដឹកជញ្ជូនកាន់តែសម្បូរបែប ជំរុញកំណើនសេដ្ឋកិច្ច-សង្គមកម្ពុជាឱ្យកាន់តែរីកចម្រើន បង្កើនប្រាក់ចំណូល និងលើកកម្ពស់ជីវភាពប្រជាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នងពិធីសម្ភោធផ្លូវលេខ១៤៦B តភ្ជាប់ទៅផ្លូវលេខ១៤៨ នៅក្នុងខេត្ដព្រះសីហនុ កាលពីថ្ងៃទី២២ ខែធ្នូ ឆ្នាំ២០២២ សម្ដេចតេជោ ហ៊ុន សែន បានមានប្រសាសន៍ថា យើងបានកំពុងសិក្សាធ្វើផ្លូវដែកល្បឿនលឿន ភ្ជាប់ពីទីក្រុងភ្នំពេញមកខេត្ដព្រះសីហនុ និងពីខេត្ដព្រះសីហនុទៅព្រំដែនថៃ។ ដោយគម្រោងនេះនឹងត្រូវសាងសង់លើផ្លូវដែកដែលមានស្រាប់។ ដូច្នេះការសាងសង់នឹងចំណាយពេលមិនច្រើននោះឡើយ ព្រោះបច្ចុប្បន្នយើងមានផ្លូវហើយស្រេច គឺផ្លូវដែកចាស់ តែយ៉ាងណាផ្លូវដែកចាស់នេះមិនអាចបម្រើឱ្យការអភិវឌ្ឍវិស័យសេដ្ឋកិច្ចបានទេ។