ព័ត៌មានជាតិ

ពលរដ្ឋងាយរងគ្រោះដោយកូវីដ-១៩ នៅស្រុកសាលាក្រៅទទួលអំណោយមនុស្សធម៌

បានផុស

៣ years មុន

នៅ

ថ្ងៃចន្ទ ១១ មករា ២០២១

ដោយ

Sokhom Khon

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្ត ប៉ៃលិន នាថ្ងៃទី១០ ខែមករា ឆ្នាំ២០២១ បានជួបសំណេះសំណាល និងនាំយកអំណោយមនុស្សធម៌របស់សាខាកាកបាទក្រហមកម្ពុជាខេត្ត ចែកជូនប្រជាពលរដ្ឋក្រីក្ រចំនួន២០០គ្រួសារ មកពី៤ឃុំ នៃមូលដ្ឋានស្រុកសាលាក្រៅ ដែលជួបការលំបាក ក្នុងអំឡុងវិបត្តិជំងឺកូវីដ-១៩។

ក្នុងឱកាសនោះដែរ លោកស្រី បានពាំនាំនូវការផ្ដាំផ្ញើសួរសុខទុក្ខ ពីចម្ងាយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល តែងតែយកចិត្តទុកដាក់ អំពីសុខទុក្ខរបស់ប្រជាពលរដ្ឋ នៅទូទាំងប្រទេស ដោយមិនទុកឱ្យប្រជាពលរដ្ឋណាម្នាក់ អត់ស្បៀងស្លាប់នោះទេ ។

លោកស្រី អភិបាលខេត្តបានលើកឡើងដែរថា ចំណែកប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រីកម្ពុជា គឺតែងតែយកចិត្តទុកដាក់គិតគូរ ចំពោះប្រជាពលរដ្ឋទាំងការលះបង់ នាំយកនូវសន្តិភាព មកជូនប្រជាពលរដ្ឋ បានរស់នៅក្នុងភាពសុខសាន្ត និងតែងតែគិតគូរសុខទុក្ខការខ្វះខាត ចំពោះប្រជាពលរដ្ឋទូទៅជាពិសេសប្រជាពលរដ្ឋដែលមានការខ្វះខាត ក្នុងសម័យកាលកូវីដ-១៩ ដែលកំពុងឆ្លងរាតត្បាតទូទាំងសកលលោក។

លោកស្រី បាន ស្រីមុំ បានឲ្យដឹងថា បច្ចុប្បន្នដោយសារជំងឺកូវីដ-១៩ បានធ្វើឲ្យមានការប៉ះពាល់ដល់ជីវភាពនិងស្ថានភាពរស់នៅរបស់ប្រជាពលរដ្ឋទូទៅ ទើបសម្តេចតេជោ ហ៊ុន សែន មានគោលនយោបាយឲ្យស្ថាប័នពាក់ព័ន្ធជាពិសេសអាជ្ញាធរមូលដ្ឋាន ត្រូវស្រង់ស្ថិតិប្រជាពលរដ្ឋឲ្យបានច្បាស់លាស់ ជាពិសេសអ្នកដែលទីទាល់ក្រពិតប្រាកដ ដើម្បីបានជួយសម្រាលជីវភាពការរស់នៅខ្វះខាតរបស់ពួកគាត់។

សូមបញ្ជាក់ថា ប្រជាពលរដ្ឋដែលមានជីវភាពខ្វះខាតក្នុងអំឡុងវិបិត្តកូវីដ-១៩ ទទួលអំណោយពីសាខាកាកបាទក្រហមកម្ពុជាខេត្តប៉ៃលិន ដោយក្នុងមួយគ្រួសារៗទទួលបាន អង្ករ៤០គីឡូក្រាម មី១កេស ត្រីខ១យួរ ទឹកស៊ីអ៊ីវ១យួរ ទឹកក្រូច១យួរ ផ្អក១កែវ និងឃីត១ (កន្ទេល១ មុង១ ភួយ១ ) និងថវិកាចំនួន៥ម៉ឺនរៀល។

ដោយឡែកគ្រួសារពិការចំនួន១៧នាក់ បានទទួលថវិកាឧបត្ថម្ភបន្ថែមក្នុង១គ្រួសារៗ ៥ម៉ឺនរៀល ពីលោក អ៊ី ឈាន ប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តប៉ៃលិន ផងដែរ៕

អត្ថបទ ៖ សេង សុវណ្ណារិទ្ធ