ព័ត៌មានជាតិ
អភិបាលខេត្តកំពង់ធំជំរុញមន្រ្តីជំនាញបង្កើនសកម្មភាពចុះធ្វើអត្តសញ្ញាណប័ណ្ណនៅតាម ឃុំ សង្កាត់
លោក ងួន រតនៈ ប្រធានគណៈបញ្ជាការខេត្តកំពង់ធំ ជំរុញដល់មន្រ្តីជំនាញផ្នែកថត និងផ្តល់អត្តសញ្ញាណប័ណ្ណ បង្កើនសកម្មភាពចុះដល់មូលដ្ឋានឃុំ សង្កាត់ ដើម្បីធ្វើអត្តសញ្ញាណប័ណ្ណ ជូនពលរដ្ឋ។
រដ្ឋបាលខេត្តកំពង់ធំនៅថ្ងៃទី ៦ ខែកុម្ភៈ ឆ្នាំ២០២៣ បានរៀបចំកិច្ចប្រជុំគណៈបញ្ជាការឯកភាពខេត្ត។ ក្នុងឱកាសនោះលោក ងួន រតនៈ ប្រធានគណៈបញ្ជាការខេត្តកំពង់ធំ ជំរុញដល់មន្រ្តីជំនាញផ្នែកថត និងផ្តល់អត្តសញ្ញាណប័ណ្ណ បង្កើនសកម្មភាពចុះដល់មូលដ្ឋានឃុំ សង្កាត់ ដើម្បីធ្វើអត្តសញ្ញាណប័ណ្ណជូនពលរដ្ឋ។
ការផ្តល់អត្តសញ្ញាណប័ណ្ណសញ្ជាតិ្តខ្មែរពិតជាមានសារសំខាន់ ដែលមិនត្រឹមផ្តល់នូវសិទ្ធិក្នុងនាមជាជនជាតិខ្មែរប៉ុណ្ណោះនោះទេ, ប៉ុន្តែជាឯសារដែលបម្រើឲ្យជីវភាព និងការរស់នៅប្រចាំថ្ងៃ ក្នុងការស្វែងរកការងារផ្សេងៗផងដែរ។
អត្តសញ្ញាណប័ណ្ណ ជាឯកសារសំខាន់បំផុត ដែលបម្រើឲ្យការបោះឆ្នោតក្នុងសង្គមដែលប្រកាន់យករបរលទ្ធិប្រជាធិបតេយ្យ ដែលធ្វើការបោះឆ្នោតជ្រើសមេដឹកនាំរបស់ ខ្លួន ផ្អែកលើមតិភាគច្រើន។
ដើម្បីការផ្តល់ជូនអត្តសញ្ញាណប័ណ្ណ បានលឿនជូនប្រជាពលរដ្ឋ អាជ្ញាធរឃុំ សង្កាត់ និងមន្រ្តីជំនាញទាំងអស់ ត្រូវធ្វើកិច្ចសហការគ្នាយ៉ាងស្អិតរមួត ទាំងការជូន ដំណឹងទៅកាន់ប្រជាពលរដ្ឋ អំពីទីតាំងនៃផ្តល់អត្តសញ្ញាណប័ណ្ណ លើប្រជាពលរដ្ឋមានអាយុ១៥ឡើងទៅ និងប្រជាពលរដ្ឋដែលកាន់អត្តសញ្ញាប័ណ្ណផុតកំណត់ ក្នុងឆ្នាំ២០២២ និងឆ្នាំ ២០២៣ ត្រូវទៅបន្តសុពលភាព ធ្វើអត្តសញ្ញាប័ណ្ណទុតិយតាផងដែរ។
ទន្ទឹមជាមួយគ្នានេះ គណៈបញ្ជាការឯកភាព ក្រុង ស្រុក ទាំងអស់ ត្រូវយកចិត្តទុកដាក់ ទប់ស្កាត់បង្ក្រាបបទល្មើសល្បែងស៊ីសងគ្រប់ប្រភេទនៅក្នុងមូលដ្ឋាន ពង្រឹងកិច្ចការពារ សុខសុវត្ថិភាព ជូនប្រជាពលរដ្ឋ។ ចំពោះបទល្មើសផ្សេងទៀត ដូចបទល្មើសនេសាទនៅតាមគោលដៅ មន្ត្រីជំនាញទាំងអស់ត្រូវតែចុះបង្ក្រាប និងមានវិធានការជាបន្ទាន់ ដើម្បីការទប់ស្កាត់ ហើយផ្សព្វផ្សាយឲ្យបានទូលំទូលាយ លើប្រើប្រាស់ឧបករណ៍ស្របច្បាប់ និងគោរពទៅតាមលក្ខខ័ណ្ឌច្បាប់របស់រាជរដ្ឋាភិបាល។
ស្របពេលជាមួយគ្នានេះផងដែរ បទល្មើសព្រៃឈើ ក្នុងភូមិសាស្រ្ត គឺជាករណីដែលត្រូវពិនិត្យ និងយកចិត្តទុកដាក់ ព្រោះមន្រ្តីជំនាញដែលមានតួនាទីលើកិច្ចការងារនេះ ហាក់ដូចជាមិនដឹងច្បាស់លាស់, ប៉ុន្តែតែងតែមានអង្គភាពសារព័ត៌មានជូនដំណឹង និងផ្សព្វផ្សាយជាច្រើនទៅវិញ។
ទន្ទឹមជាមួយគ្នានេះ អង្គភាពអ្នកនាំពាក្យរបស់រដ្ឋបាលខេត្ត ត្រូវម្ចាស់ការបំភ្លឺតាមស្ថាប័ន និងមានភាពទទួលខុសត្រូវ មិនមែនបំភ្លឺ បកស្រាយដោះសារ ភូតកុហកនោះទេ, តែត្រូវឲ្យមហាជនបានដឹង និងទទួលយកក្នុងភាពត្រឹមត្រូវច្បាស់លាស់៕
អត្ថបទ៖ ឈាង មករា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល