ស្ត្រីមានផ្ទៃពោះ គួរតែបើកភ្លើងតិចៗមុនចូលគេង ដើម្បីចៀសឆ្ងាយពីហានិភ័យផ្សេងៗ

យោងទៅតាមគេហទំព័រ Northwestern Medicine Health Care Systems បានចេញផ្សាយការស្រាវជ្រាវចុងក្រោយរបស់ខ្លួនស្តីពីសុខភាពស្ត្រីមានផ្ទៃពោះអំឡុងពេលមានផ្ទៃពោះ ហើយការសិក្សានេះ បង្ហាញថាការបើកភ្លើងតិចៗ មុនពេលចូលគេងអាចជួយស្ត្រីមានផ្ទៃពោះដោយសុវត្ថិភាព ។

ជាពិសេសនេះអាចជួយស្ត្រីមានផ្ទៃពោះឱ្យជៀសផុតពីហានិភ័យនៃជំងឺទឹកនោមផ្អែមពេលមានគភ៌តាមការស្រាវជ្រាវ ស្ត្រីមានផ្ទៃពោះគួរតែចំណាយពេលនៅក្នុងបន្ទប់ដែលមានពន្លឺតិច មិនសូវប្រើទូរស័ព្ទ ឬឧបករណ៍អេឡិចត្រូនិច (ឬប្រើជាមួយអេក្រង់ដែលមិនភ្លឺពេក) ពីរបីម៉ោងមុនពេលចូលគេង។

ការសិក្សាថ្មីនេះកើតឡើងនៃចំនួនករណីជំងឺទឹកនោមផ្អែមពេលមានគភ៌ ក្នុងអត្រាគួរឱ្យព្រួយបារម្ភទូទាំងពិភពលោក។ នៅឆ្នាំ ២០២០ នៅសហរដ្ឋអាមេរិក អត្រាជំងឺទឹកនោមផ្អែមពេលមានគភ៌បានកើនឡើងដល់ ៧.៨ ភាគរយ។ អ្នកវិទ្យាសាស្ត្រក៏រាយការណ៍ផងដែរថា ការអភិវឌ្ឍន៍រោគសាស្ត្រនេះធ្វើឱ្យម្តាយមានហានិភ័យខ្ពស់ក្នុងការមានគភ៌ជាបន្តបន្ទាប់ ។

ក្នុងនោះលោកវេជ្ជបណ្ឌិត Minjee Kim ក៏បានបញ្ជាក់ថា”ជំងឺទឹកនោមផ្អែមមូលដ្ឋានអាចបង្កើនផល វិបាកផ្នែកសម្ភព និងហានិភ័យនៃជំងឺទឹក នោមផ្អែម ជំងឺបេះដូង និងជំងឺវង្វេងនៅពេលក្រោយក្នុងជីវិតកុមារក៏ងាយប្រឈមនឹងជំងឺធាត់ និង សម្ពាធឈាមខ្ពស់នៅពេលពួកគេធំឡើង”។

យ៉ាងណាមិញ មានការស្រាវជ្រាវបើកភ្លើងខ្លាំងពេកនៅពេលយប់បណ្តាលឱ្យមានសកម្មភាពហួសប្រមាណ ដែលប៉ះពាល់ដល់ការរំលាយអាហារជាតិស្កររបស់មនុស្សម្នាក់ៗ។ ដូច្នេះហើយ អ្នកគួរតែកំណត់ពន្លឺមុនពេលចូលគេងឲ្យបានច្រើនតាមតែអាចធ្វើទៅបាន ឬវិធីល្អបំផុតគឺគេងឲ្យទាន់ពេល កុំប្រើឧបករណ៍អេឡិចត្រូនិចច្រើនពេកមុនពេលចូលគេង ដើម្បីការពារសុខភាពខ្លួនឯង និងទារកក្នុងផ្ទៃ៕

ប្រែសម្រួល៖នាងតូច

ចុចអាន៖៦ ជំហាន ជួយឲ្យពោះវៀនមានសុខភាពល្អ