KPT+

លោក ថាក់ស៊ីន ក្លាយជាសេដ្ឋីថៃកើនទ្រព្យដល់ទៅ ១០០ លានដុល្លារ លើសឆ្នាំមុន

បានផុស

៣ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

លោកថាក់ស៊ីន ស៊ីណាវ៉ាត្រា ត្រូវបានទស្សនាវដ្ដីដ៏ល្បីល្បាញ Forbes ចាត់ថ្នាក់ជាមហាសេដ្ឋីលំដាប់ខ្ពស់ ដោយរកឃើញថា ទ្រព្យសម្បត្តិរបស់លោកកើនឡើងជាង ១០០ លានដុល្លារលើសឆ្នាំមុនទៅទៀត។

ទស្សនាវដ្ដី Forbes ក៏បានចេញផ្សាយចំណាត់ថ្នាក់មហាសេដ្ឋីជុំវិញពិភពលោកសម្រាប់ឆ្នាំ ២០២៣ ដោយមហាសេដ្ឋីម្នាក់ក្នុងចំណោមមហាសេដ្ឋីដែលមនុស្សជាច្រើនកំពុងមើលនោះគឺជាលោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ ខណៈឆ្នាំនេះពិតជាភ្ញាក់ផ្អើលខ្លាំង ព្រោះថាលោកមានទ្រព្យសម្បត្តិកើនឡើងជាងឆ្នាំមុនពិតជាមិនធម្មតានោះទេ។

ទស្សនាវដ្ដីដដែលបានបញ្ជាក់ទៀតថា អតីតនាយករដ្ឋមន្ត្រីថៃមានទ្រព្យសម្បត្តិសរុប ២,១០០លានដុល្លារ ហើយជាប់ចំណាត់ថ្នាក់ជាមហាសេដ្ឋីលំដាប់ទី ១,៤៣៤ នៅលើពិភពលោក ក្នុងចំណោមមហាសេដ្ឋីសរុបជុំវិញពិភពលោក ២,៥៤០នាក់។ បន្ថែពីនេះ មានព័ត៌មានខ្លះៗបានបញ្ជាក់ថា បច្ចុប្បន្នលោកថាក់ស៊ីន ស៊ីណាវ៉ាត្រាស្នាក់នៅក្នុងទីក្រុងឌូបៃ។ ចំពោះអាជីវកម្ម និងហិរញ្ញវត្ថុ លោកបានបណ្តាក់ទុនក្នុងការចាប់ផ្តើមអាជីវកម្មបច្ចេកវិទ្យាសុខភាពរបស់អង់គ្លេសចំនួនពីរគឺ DNANudge និង Owlstone Medical ។

លើសពីនេះ ទស្សនាវដ្ដី Forbes ក៏បានបង្ហាញទ្រព្យសម្បត្តិរបស់លោក ថាក់ស៊ីន ស៊ីណាវ៉ាត្រា ដែលមានអាយុកាលតាំងពីឆ្នាំ ២០១៣ ដល់បច្ចុប្បន្ន គេរកឃើញថា ក្នុងពេលកន្លងមក អចលនទ្រព្យបានកើនឡើងជាបន្តបន្ទាប់ឥតលោះពេលសោះ។

-ក្នុងឆ្នាំ ២០១៣ មានទ្រព្យសម្បត្តិ ១.៧ពាន់លានដុល្លារ។

-ក្នុងឆ្នាំ ២០១៤ មានទ្រព្យសម្បត្តិ ១.៦ពាន់លានដុល្លារ។

-ក្នុងឆ្នាំ ២០១៥ មានទ្រព្យសម្បត្តិ ១.៧ពាន់លានដុល្លារ។

-នៅឆ្នាំ២០១៦ មានទ្រព្យសម្បត្តិ ១.៦ ពាន់លានដុល្លារ។

-នៅឆ្នាំ ២០១៧ មានទ្រព្យសម្បត្តិ ១.៧ ពាន់លានដុល្លារ។

-នៅឆ្នាំ ២០១៨ មានទ្រព្យសម្បត្តិ ១.៨ ពាន់លានដុល្លារ។

-នៅឆ្នាំ ២០១៩ មានទ្រព្យសម្បត្តិ ១.៨ ពាន់លានដុល្លារ។

-គិតត្រឹមឆ្នាំ ២០២០ មានទ្រព្យសម្បត្តិ ១.៨ពាន់លានដុល្លារ។

-គិតត្រឹមឆ្នាំ ២០២១ មានទ្រព្យសម្បត្តិ ២ ពាន់លានដុល្លារ។

-គិតត្រឹមឆ្នាំ២០២២ មានទ្រព្យសម្បត្តិ ២ ពាន់លានដុល្លារ។

-គិតត្រឹមឆ្នាំ ២០២៣ មានទ្រព្យសម្បត្តិ ២.១ពាន់លានដុល្លារ៕