មកដឹងពីរឿងវេជ្ជសាស្ត្រគួរឱ្យចាប់អារម្មណ៍ទាំង ៥ ក្នុងកំណត់ត្រាពិភពលោក Guinness

កំណត់ត្រាពិភពលោក Guinness គឺជាការកត់ត្រាអ្វីមួយដែលមានលក្ខណៈលើសគេបង្អស់លើពិភពលោក ។ ថ្ងៃនេះយើងមកដឹងពីរឿងវេជ្ជសាស្ត្រគួរឱ្យចាប់អារម្មណ៍ទាំង ៦ ក្នុងកំណត់ត្រាពិភពលោក Guinness ម្ដង ៖

១. ជំងឺរាតត្បាតដ៏អាក្រក់បំផុត

ជំងឺរាតត្បាតដ៏អាក្រក់បំផុតគឺការស្លាប់ពណ៌ខ្មៅ (Black Death) ដែលជាប្រភេទជំងឺប៉េស្តសួត វារីករាលដាលពាសពេញអឺរ៉ុប អាស៊ី និងអាហ្វ្រិកខាងជើងចន្លោះឆ្នាំ ១៣៤៦ និង ១៣៥៣ ។

២. វីរុសធំបំផុត 

វីរុស Megavirus chilensis ឬ MGVC មានសំបកប្រូតេអ៊ីនធំជាងវីរុសដទៃទាំងអស់គឺ ៤៤០ ណាណូម៉ែត្រ ។

៣. ការពិនិត្យសុខភាពភ្នែកធំបំផុត

ការពិនិត្យសុខភាពភ្នែកដ៏ធំបំផុតមានមនុស្ស ១១,៧១៥ នាក់ចូលរួម ហើយត្រូវបានរៀបចំឡើងកាលពីថ្ងៃទី ១២ ខែធ្នូ ឆ្នាំ ២០១៣ ដោយមូលនិធិស្រាវជ្រាវនិងអភិវឌ្ឍន៍ Shah Satnam Ji នៅឥណ្ឌា ។ 

៤. ករណីអេដស៍ដំបូងជាមួយនឹងការធ្វើរោគវិនិច្ឆ័យមេរោគអេដស៍

ករណីជំងឺអេដស៍ដំបូងបំផុតគឺជាយុវជនជនជាតិអាមេរិកម្នាក់ដែលបានស្លាប់នៅឆ្នាំ ១៩៦៩ ។ 

៥. មេរោគដ៏សាហាវបំផុត

បាក់តេរី Yersinia pestis បានសម្លាប់មនុស្ស ២៥ លាននាក់នៅអឺរ៉ុបក្នុងសតវត្សទី ១៤ ។ វាត្រូវបានគេដាក់ឈ្មោះតាមអ្នកវិទ្យាសាស្ត្របារាំងAlexandre Yersin ដែលជាអ្នកកំណត់អត្តសញ្ញាណវានៅឆ្នាំ ១៨៩៤ វាគឺជាជំងឺប៉េស្តដែលឆ្លងពីចៃ និងកណ្តុរ ៕

ប្រែសម្រួល ៖ វារី

ចុចអាន ៖ ឯតគ្គកម្មមួយ ត្រូវ Guinness World Records បិទ លែងឲ្យមានអ្នកបំបែក ព្រោះគ្រោះថ្នាក់ខ្លាំងពេក