យន្តហោះមួយគ្រឿងដឹកអ្នកដំណើរពេញ ត្រូវរន្ទះបាញ់

យន្តហោះរបស់ក្រុមហ៊ុនអាកាសចរណ៍ American Eagle ដែលពេញទៅដោយអ្នកដំណើរ ​ត្រូវរន្ទះបាញ់ បន្ទាប់ពីការចុះចតអំឡុងពេលមានព្យុះក្នុងរដ្ឋ Arkansas សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងហោះហើរ Embraer E175 បានជួបហេតុការណ៍នេះ កាលពីចុងសប្តាហ៍ ខណៈវារង់ចាំឲ្យព្យុះកន្លងផុតសិន មុននឹងបន្តដំណើរទៅកាន់ច្រកចេញ។

ហេតុការណ៍ដែលត្រូវបានថតជាប់ដោយលោក Jason William Hamm មួយនេះ បានបង្ហាញពីផ្កាភ្លើងបែកខ្ចាយ ក្រោយយន្តហោះត្រូវរន្ទះបាញ់។

យ៉ាងណាក្តី យន្តហោះនៅតែអាច​ធ្វើ​ដំណើរ​ទៅ​កាន់​ច្រកចេញបាន ហើយ​អ្នក​ដំណើរ​បាន​ចុះដោយសុវត្ថិភាព រួចអ្នក​បច្ចេកទេស ក៏ទៅ​វាយ​តម្លៃ​ការ​ខូច​ខាត។

ជើងហោះហើរ Embraer E175 មិនមែនជាយន្តហោះទីមួយ ដែលត្រូវបានរន្ទះបាញ់នោះទេ។ 

យន្តហោះមួយគ្រឿងទៀតគឺ Boeing 737 MAX ដឹកអ្នកដំណើរ១៤០នាក់ ក៏ត្រូវរន្ទះបាញ់ផងដែរ ខណៈពេលរៀបនឹងចុះចតនៅអាកាសយានដ្ឋានអន្តរជាតិ Tocumen ក្នុងទីក្រុង ប៉ាណាម៉ា។

ចំណែកកាលពីខែមីនា មនុស្សចំនួន៧នាក់ ត្រូវបានបញ្ជូនទៅមន្ទីរពេទ្យ បន្ទាប់ពីជើងហោះហើររបស់ក្រុមហ៊ុនអាកាសចរណ៍ Lufthansa ចេញពីទីក្រុង Austin ទៅ Frankfurt បានចុះចតជាបន្ទាន់ក្នុងទីក្រុង Washington DC បន្ទាប់ពីត្រូវបានរន្ទះបាញ់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រន្ទះ បាញ់យន្តហោះវៀតណាម ក្រោយចាកចេញពីកោះ Phu Quoc