ព័ត៌មានជាតិ
ការិយាល័យផលិតកម្មសត្វ និងបសុព្យាបាល ចាប់ផ្តើមចុះចាក់ថ្នាំគោក្របីការពារជំងឺសារទឹក
កំពង់ធំ ៖ ការិយាល័យផលិតកម្មសត្វ និងបសុព្យាបាលខេត្តកំពង់ធំ ចាប់ផ្តើមចាក់វ៉ាក់សាំងការពារជំងឺសារទឹកដល់សត្វគោក្របី ជិត២០០ក្បាល ដើម្បីបង្ការ និងការពារជំងឺឆ្លង។
នៅថ្ងៃទី២៧ ខែកក្កដា ឆ្នាំ២០២៣ ក្រុមការងាររបស់ការិយាល័យផលិតកម្ម និងបសុព្យាបាលខេត្តកំពង់ធំ សហការជាមួយ មន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុកប្រសាទបល្ល័ង្ក ទទួលបន្ទុកវិស័យសុខភាពសត្វ និងអាជ្ញាធរមូលដ្ឋាន ភ្នាក់ងារសុខភាពសត្វភូមិ បានរៀបចំយុទ្ធនាការចាក់វ៉ាក់សាំងការពារជំងឺសារទឹកដលើសត្វគោក្របី ជូនកសិករ នៅភូមិបុស្សវែង ឃុំសាលាវិស័យ ស្រុកប្រាសាទបល្ល័ង្ក ដើម្បីបង្ការទប់ស្កាត់ជំងឺឆ្លងសត្វគោក្របី នៅដើមរដូវវស្សានេះ។
ជាមួយគ្នានេះដែរ លោក ចាន់ បញ្ញាវ័ន្ត ប្រធានការិយាល័យផលិតកម្ម និងបសុព្យាបាលខេត្ត លើកឡើងថា ការចាក់វ៉ាក់នៅដើមរដូវវស្សានេះ គឺជាវ៉ាក់ការពារជំងឺសារទឹក និងអ៊ុតក្តាម ដែលមានចំនួនជិត២០០ក្បាលដែលចាំបាច់បំផុតមុនពេលឆ្លងរីករាលដាលនៅមូលដ្ឋាន។
លោកបញ្ជាក់បន្ថែមថា ក្រៅពីជំងឺសារទឹកសត្វពាហនៈ អាចមាន ជំងឺ ជាច្រើន ទៀត ដូចជា អ៊ុតក្តាម បូសខ្យល់ និង ដុំពកជាដើម។ ដូច្នេះ សូមបងប្អូនប្រជាកសិករត្រូវមានការប្រុងប្រយ័ត្នខ្ពស់ ចំពោះ សត្វ ចិញ្ចឹម របស់ខ្លួនខណៈ តំបន់មួយចំនួនដែលរងផលប៉ះពាល់ ដោយ ទឹកជំនន់ ហើយ ប្រសិនបើ មាន បញ្ហា ជំងឺ អ្វីមួយកើតលើសត្វ គោក្របីត្រូវ រាយការណ៍ទៅកាន់ មន្ត្រីជំនាញដើម្បីពិនិត្យ និងព្យាបាលបានទាន់ពេលវេលា ដើម្បីការពារបាត់បង់ជាយថាហេតុ៕
អត្ថបទ ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង