យន្តហោះយោធាអាមេរិក ធ្លាក់នៅជប៉ុន

យន្តហោះ​យោធា​អាមេរិក​មួយ​គ្រឿង ​ដែល​មាន​ទាហាន​៨​នាក់​ជិះ​ក្នុងនោះ បាន​ធ្លាក់​ជិត​ឆ្នេរ​សមុទ្រ​ជប៉ុន នៅថ្ងៃពុធទី២៩ខែវិច្ឆិកា ប៉ុន្តែមិនទាន់ដឹងពីចំនួនមនុស្សស្លាប់ឬរបួសទេ។

មន្ត្រីជប៉ុននិយាយថា យន្តហោះ CV-22 Osprey បានហោះចេញពីមូលដ្ឋានអាកាស Yokota ក្នុងទីក្រុងតូក្យូ ហើយធ្លាក់ជិតកោះ Yakushima។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍ជប៉ុន NHK ផ្សាយថា យន្តហោះ Osprey កំពុងព្យាយាមចុះចតនៅអាកាសយានដ្ឋាន Yakushima ហើយមានព័ត៌មានមិនច្បាស់ការណ៍មួយថា យន្តហោះនេះត្រូវឆាបឆេះ។

Osprey គឺជាយន្តហោះដែលក៏អាចដំណើរការជាឧទ្ធម្ភាគចក្រ និងយន្តហោះប្រភេទ Turboprop បានដែរ។

កាលពីខែសីហា យន្តហោះ Osprey មួយគ្រឿងទៀត បានធ្លាក់នៅភាគខាងជើងប្រទេសអូស្ត្រាលី ក្នុងអំឡុងពេលធ្វើសមយុទ្ធយោធា ដោយបានសម្លាប់ទាហានម៉ារីនអាមេរិក៣នាក់ក្នុងចំណោម២៣នាក់ដែលជិះក្នុងនោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ យន្តហោះយោធាអាមេរិក ធ្លាក់នៅតំបន់មេឌីទែរ៉ាណេ