បណ្ដាញអ៊ីនធឺណិត​ជប៉ុនបោះឆ្នោត​ឲ្យ ​YoonA ជាស្រីស្អាតលេខ១ក្នុងដួងចិត្ត

នាពេលថ្មីៗនេះ គេហទំព័រជប៉ុន Rankingoo បានបង្ហាញពីតារាស្រីកូរ៉េដ៏ស្រស់ស្អាតទាំង ១០ ដែលត្រូវបានជ្រើសរើសដោយប្រជាជនជប៉ុន ខណៈដែលលេខ១បានទៅ YoonA សមាជិកក្រុម Girls’ Generation ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ អ្នក​និយម​លេង​អ៊ីនធឺណិត​បាន​បញ្ចេញ​ប្រតិកម្ម​យ៉ាង​សាទរ​ថា “ខ្ញុំ​យល់​ស្រប​នឹង​លទ្ធផល​របស់ Yoona​ប្រជាជន​ជប៉ុន​ហាក់​ដូច​ជា​ចូលចិត្ត​មនុស្ស​ដែល​មាន​ភ្នែក​ស្អាតបំផុត”។

មិនត្រឹមតែ Yoona​ ប៉ុណ្ណោះទេ ដែលជាប់ជាស្រីស្អាតក្នុងដួងចិត្តប្រជាជនជប៉ុន​។ សូម្បីតែ Tzuyu សមាជិកក្រុម TWICE ជាប់ចំណាត់ថ្នាក់លេខ២ តាមពីក្រោយដោយតារាសម្ដែង Kim TaeHee ចំណាត់ថ្នាក់លេខ៣ Jisoo សមាជិកក្រុម BLACKPINK ជាប់ចំណាត់ថ្នាក់លេខ៤ និងតារាសម្ដែង Park Min Young ជាប់លេខ ៥​ ពីលេខ ៧ ដល់លេខ១ រួមទាំង Jang Wonyoung សមាជិកក្រុម IVE តារាសម្ដែង Park Shin Hye តារាសម្ដែង Han Hyo-joo និង Karina មកពីក្រុម aespa ជាដើម។

ទោះយ៉ាងណាក៏ដោយ នេះក៏មិនមែនជាលើកទីមួយដែលតារាស្រីកូរ៉េខាងត្បូងប៉ុន្មានរូបនេះ ជាប់ជាស្រីស្អាតបំផុតក្នុងដួងទស្សនិកជន ជាពិសេសគឺប៉ែកខាងប្រទេសជប៉ុនតែម្ដង។ ជារឿយៗឲ្យតែដាច់ឆ្នាំ គេហទំព័រ Rankingoo តែងតែធ្វើចំណាតថ្នាក់លំដាប់ស្រីស្អាតដែលពួកគេស្រលាញ់និងគិតថា រូបរាងតារាស្រីៗនោះសក្តិសមជាមនុស្សស្អាតពិតមែន៕

អត្ថបទ៖ សាង ស្រីល័ក្ខ

ចុចអាន៖ពាន​រង្វាន់ Blue Dragon គ្រោងធ្វើ​នៅថៃលើកដំបូង បែរប្រកាសលុបចោលភ្លាមៗ