អាជីព
អ្នកអាចបាត់បង់ការងារភ្លាមៗក្នុងរដូវកាលកូវីដ ដោយសារហេតុផលទាំងនេះ
វីរុសកូវីដ មិនត្រឹមតែជាវិបត្តិសុខភាពសាធារណៈទេ ប៉ុន្តែក៏ជាបញ្ហាសេដ្ឋកិច្ចដ៏ធំមួយ។ ជាមួយនឹងការអំពាវនាវឲ្យមានការឃ្លាតឆ្ងាយពីសង្គម ការងារនៅក្នុងផ្នែកសេវាកម្មដែលពឹងផ្អែកលើអន្តរកម្មអ្នកផ្ដល់សេវា ឬចំណូលផ្ទាល់ពីអតិថិជនដូចជា ភោជនីយដ្ឋាន សណ្ឋាគារ សេវាកម្មថែទាំកុមារ សេវាកម្មលក់រាយនិងដឹកជញ្ជូន បានជួបចំណុចអាក្រក់បង្អស់ដោយការកាត់ចោលបុគ្គលិករាប់លាននាក់មកហើយ។
បន្ទាប់មកទៀត!
ទោះបីអ្នកស្ថិតនៅក្នុងក្រុមហ៊ុនដែលអាចធ្វើការពីផ្ទះមកបាន ប៉ុន្តែគួរគិតឲ្យហើយដែរអំពីហានិភ័យខ្ពស់ ក្នុងការបាត់បង់ការងារបានគ្រប់ពេល ដោយសារជម្រៅធ្លាក់លង់មិនឈប់នៃភាគហ៊ុន និងសេដ្ឋកិច្ចសាកល៖
១ ក្រុមហ៊ុនមិនមានចំណូលល្អស្រាប់
ប្រសិនមានលុយតិច គេអាចឆ្លៀតពេលនេះកាត់អ្នកចោលបាន ដោយមិនចាំបាច់មានហេតុផលអ្វីក្រៅតែពីពាក្យថា សេដ្ឋកិច្ចដួល។ ប្រសិនអ្នកជាបុគ្គលិកមិនសំខាន់ឬសំខាន់ដែរ តែមិនសូវមានលទ្ធផលការងារច្បាស់លាស់ អ្នកនឹងប្រឈម ក្នុងរវាងបីខែទៅមុខ។
២ អ្នកមិនមានជំនាញច្បាស់
ការងារជំនួសដៃជើង ដែលងាយរកមនុស្សមកបាន ជាទូទៅហៅថា មិនមែនអាជីពប៉ុន្តែជាការងារ។ ប្រភេទមួយនេះ ងាយរកមនុស្សជំនួសដែលតម្លៃថោកជាង ឧស្សាហ៍ជាង និងរហ័សជាងអ្នកក្នុងទីផ្សារដែលកំពុងជន់ទៅដោយកម្លាំងពលកម្ម។
៣ អ្នកមិនសូវយកចិត្តទុកដាក់
ប្រសិនអ្នកធ្វើការត្រួតលើសពីរដងនៃមុនពេលមានវិបត្តិ ទំនងថា អ្នកគ្រប់គ្រងពិបាកសម្រេចចិត្តបំផុតក្នុងការដកអ្នកចេញ។ ប៉ុន្តែប្រសិនអ្នកឆ្លៀតពេលអាសន្ន ធ្វើការឡេះឡោះ ឆ្លៀតពេលធ្វើការពីផ្ទះហើយមិនកើតជាលទ្ធផលច្បាស់លាស់ ការបាត់បង់ការងារលើកនេះទំនងជាបាត់យូរតែម្តង រហូតដល់អ្នកនឹងត្រូវបង្ខំចិត្ត ធ្វើការងាររកប្រាក់តាមវិធីផ្សេងៗទៀតដែលមិនធ្លាប់គិតទុកមកពីមុន។
៤ ក្រុមហ៊ុនជាច្រើននឹងបិទទ្វារលើសពីអ្វីដែលអ្នកដឹង
យោងតាមការវិភាគរបស់ IMF ក្រុមហ៊ុនជាង២លានទៀតនឹងត្រូវបង្ខំបិទទ្វារ ហើយក្នុងចំណោមអ្នកដែលងាយរងគ្រោះបំផុតដោយការបាត់បង់ការងារ គឺកម្មករ និយោជិក ណា ដែលមិនមានជំនាញរឹងមាំ ពឹងលើការងារប្រើថានានុក្រម ចំណែកអ្នកដែលនៅរឹងមាំបានគឺប្រភេទ អ្នកជំនាញដែលអាចធ្វើការដោយសេរី មិនមានម៉ោងពេលនិងទីតាំង៕
ប្រែសម្រួល៖ ស្រស់
ចុចអាន៖មនុស្សពូកែជាច្រើន ដែលមិនអាចដឹកនាំក្រុមបាន ព្រោះហេតុផលទំាងនេះ…
-
សន្តិសុខសង្គម២ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៥ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៦ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៥ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា