កីឡា

ក្លិប Como ផ្ដល់លក្ខខណ្ឌពិសេសដល់ Alli ដើម្បីស្តារអាជីពឡើងវិញ

បានផុស

១ year មុន

នៅ

ថ្ងៃចន្ទ ២០ មករា ២០២៥

ដោយ

កីឡាករបាល់ទាត់អង់គ្លេស Dele Alli ដែលមិនមានក្រុមណាចាប់តាំងពីកិច្ចសន្យារបស់គាត់ជាមួយ Everton បានបញ្ចប់ក្នុងខែមិថុនា បានចុះហត្ថលេខាជាមួយក្លិប Como នៅលីគកំពូលរបស់អុីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតកីឡាករជម្រើសជាតិអង់គ្លេសវ័យ២៨ឆ្នាំបានហ្វឹកហាត់ជាមួយក្លិប Lombardy ជាច្រើនសប្តាហ៍នៅពេលគ្មានក្លិបលេង ប៉ុន្តែឥឡូវនេះរូបគេទទួលបានកិច្ចសន្យារយៈពេល១៨ខែបន្តរហូតដល់ខែមិថុនា ឆ្នាំ២០២៦ ជាមូយក្លិបថ្មី។

ក្លិប Como បានប្រកាសនៅក្នុងសេចក្តីប្រកាសថា ៖«ក្លិបបានទទួលស្គាល់ទេពកោសល្យពិសេសរបស់គាត់ ហើយរីករាយក្នុងការបញ្ចូលគាត់ទៅក្នុងក្រុម។ អាទិភាពគឺផ្តល់ឲ្យ Dele នូវបរិយាកាសគាំទ្រ ដើម្បីឲ្យរូបគេសម្របខ្លួនបន្តិចម្តងៗ។ ក្លិបមិនរំពឹងទទួលបានលទ្ធផផល្អភ្លាមៗពីគាត់ឡើយ។ ក្លិបជឿជាក់ថា គាត់អាចរួមចំណែកយ៉ាងសំខាន់ទាំងក្នុង និងក្រៅទីលាន។ ជាអ្នកណែនាំដល់កីឡាករវ័យក្មេងដែលមានទេពកោសល្យក្នុងក្រុម»។

Alli បានជាប់ឈ្មោះជាកីឡាករវ័យក្មេងល្អនៅក្របខណ្ឌ Premier League ចំនួន២លើក។ គិតពីឆ្នាំ២០១៥ ដល់២០២១ រូបគេបានស៊ុតបញ្ចូលទីបាន៦៧គ្រាប់ក្នុងការបង្ហាញខ្លួន២៦៩លើកនៅគ្រប់ការប្រកួតទាំងអស់។ យ៉ាងណាមិញ អាជីពរបស់គាត់បានជួបការលំបាកតាំងពីចាកចេញពី Spurs។ Alli បានចូលរួមជាមួយ Everton ប៉ុន្តែបានបង្ហាញខ្លួនតែ១៣ប្រកួតប៉ុណ្ណោះមុនពេលត្រូវបានខ្ចីទៅឱ្យក្រុម Besiktas នៅប្រទេសតួកគីក្នុងខែសីហាឆ្នាំ២០២២៕