ជីវិតកម្សាន្ដ

CL ចែករំលែកវីដេអូ 2NE1 ចំពេលមាន Park Bom កំពុងមានបញ្ហាមិនចេះចប់

បានផុស

១ year មុន

នៅ

ថ្ងៃពុធ ២៦ កុម្ភៈ ២០២៥

ដោយ

កាលពីថ្ងៃទី២៥ ខែកុម្ភៈ CL បានបង្ហោះវីដេអូទៅក្នុង Instagram Story ផ្ទាល់ខ្លួន ដែលបង្ហាញពីសមាជិកទាំងបួននៃក្រុម 2NE1 ដូចជា CL, Minzy, Dara និង Park Bom អង្គុយជាមួយគ្នាក្នុងយន្តហោះ ញញឹម និងគ្រវីដៃដាក់កាមេរ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ការបង្ហោះមួយនេះទទួលបានការចាប់អារម្មណ៍យ៉ាងខ្លាំង ខណៈដែលរូបថត និងវីដេអូមុនៗពីដំណើរកម្សាន្តនៅអាស៊ីរបស់ក្រុម 2NE1 ដែលចែករំលែកដោយ CL និង Dara តែងតែមិនរាប់បញ្ចូល Park Bomទៅជាមួយ។ ប៉ុន្តែ Park Bom បានក្លាយជាចំណុចកណ្តាលនៃភាពចម្រូងចម្រាសជាច្រើនក្នុងអំឡុងពេល 2NE1 Asia Tour រួមទាំងការរិះគន់ជុំវិញ ពាក្យចចាមអារ៉ាមដែលបង្កើតដោយខ្លួនឯង និងការសំដែងលើឆាកមិនសមរម្យ។ អ្នកគាំទ្រមួយចំនួនថែមទាំងបានចេញសេចក្តីថ្លែងការណ៍អំពាវនាវឲ្យដកនាងចេញពីសកម្មភាពរបស់ក្រុមថែមទៀតផង។

លើសពីនេះ មានពាក្យចចាមអារ៉ាមទាក់ទងនឹងតារាសម្ដែង Lee Min Ho ដែល Park Bom បានហៅម្តងហើយម្តងទៀតថា ជាស្វាមីរបស់នាងនៅលើបណ្ដាញសង្គម។ ប៉ុន្តែ ភ្នាក់ងាររបស់តារាប្រុស បានបដិសេធរាល់ទំនាក់ទំនងផ្ទាល់ខ្លួនរវាងអ្នកទាំងពីរ ដែលនាំឲ្យមានការភ័ន្តច្រឡំ និងប្រតិកម្មតបវិញ។ ទោះបីជាបែបនេះក៏ដោយ សមាជិកក្រុម 2NE1 បានបន្តលើកឡើងគាត់នៅលើគណនីជំនួសរបស់នាង ដែលជំរុញឲ្យមានការរំពឹងទុកបន្ថែមទៀត។

មិនតែប៉ុណ្ណោះ កាលពីថ្ងៃទី ១៩ ខែកុម្ភៈ Park Bom បានរំសាយភាពចម្រូងចម្រាសដោយបង្ហោះថា សួស្តីអ្នកទាំងអស់គ្នា ខ្ញុំបានប្រឹងប្រែងធ្វើការ ហើយអ្វីគ្រប់យ៉ាងដែលខ្ញុំសរសេរគឺជាការពិត។ ក្រុម 2NE1 ធ្វើបានល្អ សូមអរគុណចំពោះការគាំទ្ររបស់អ្នក។ មួយថ្ងៃក្រោយមក នាងបានដកពាក្យអះអាងពីមុនវិញ ដោយបង្ហោះថា ខ្ញុំពិតជាឯកាមែន។ Lee Min Ho សុំឲ្យខ្ញុំបង្ហោះរឿងនោះ ប៉ុន្តែខ្ញុំនៅលីវ។ ភ្លាមៗ ប្រកាសនេះត្រូវបានលុបនៅពេលក្រោយ។

ដោយសារស្ថានភាពដែលកំពុងបន្ត ការសម្រេចចិត្តរបស់ CL ក្នុងការបង្ហោះវីដេអូរបស់ក្រុម 2NE1 រួមទាំង Park Bom ហាក់ដូចជាកាយវិការចេតនាដើម្បីបញ្ជាក់ឡើងវិញនូវចំណងមិត្តភាពរបស់ពួកគេជាក្រុម។ ពេលនេះអ្នកគាំទ្រកំពុងស្មានថា តើនាងនឹងដោះស្រាយរឿងចម្រូងចម្រាស ឬធ្វើឲ្យការសម្តែងរបស់នាងប្រសើរឡើង ក្នុងអំឡុងពេលការប្រគំតន្ត្រី encore នៅទីក្រុងសេអ៊ូល នៅថ្ងៃទី ១២ និង ១៣ ខែមេសា នៅ Olympic Park KSPO Dome ។

ទោះបីជាមានភាពចម្រូងចម្រាសក៏ដោយ ដំណើរប្រគំតន្ត្រីជួបជុំគ្នារបស់ 2NE1 បានដំណើរការដោយជោគជ័យនៅទូទាំងទ្វីបអាស៊ី ដែលជាការត្រលប់មកវិញដ៏សំខាន់សម្រាប់ក្រុម K-pop ដ៏ល្បីល្បាញ៕