ព័ត៌មានអន្ដរជាតិ
ចិន បង្កើនចំណាយយោធាឡើងដល់ជាង ២៤៥ពាន់លានដុល្លារ
ប្រទេសចិន បានប្រកាសដំឡើងការចំណាយលើវិស័យការពារជាតិរបស់ខ្លួនចំនួន ៧,២% សម្រាប់ឆ្នាំ២០២៥ ដោយថវិកាការពារជាតិត្រូវបានកំណត់ប្រហែល ១,៧៨ទ្រីលានយ័ន (ប្រហែល ២៤៥,៦៥ពាន់លានដុល្លារ)។
ការបង្កើនចំណាយយោធានេះ មានចំនួនលើសពីគោលដៅកំណើនសេដ្ឋកិច្ចរបស់ចិន ដែលកំណត់ត្រឹមប្រហែល ៥% ប៉ុណ្ណោះ។ ការកើនឡើងជាបន្តបន្ទាប់នៃការចំណាយលើវិស័យការពារជាតិ ឆ្លុះបញ្ចាំងពីការប្តេជ្ញាចិត្តរបស់មហាយក្សអាស៊ីនៅក្នុងការធ្វើទំនើបកម្មកងកម្លាំងយោធារបស់ខ្លួន។
មូលនិធិនេះ ត្រូវបានបម្រុងទុកដើម្បីបង្កើនសមត្ថភាពក្នុងវិស័យដូចជា មីស៊ីល នាវាកងទ័ព នាវាមុជទឹក និងបច្ចេកវិទ្យាឈ្លបការណ៍ ហើយវាក៏ជាផ្នែកមួយនៃគោលបំណងរបស់ចិនដើម្បីសម្រេចបាននូវទំនើបកម្មយោធាដ៏ទូលំទូលាយនៅឆ្នាំ២០៣៥។
គួរបញ្ជាក់ថា ជាទូទៅ ចិនបានប្រកាសដំឡើងថវិកាការពារជាតិប្រចាំឆ្នាំប្រហែល ៧% ចាប់តាំងពីឆ្នាំ២០១៦មកម៉្លេះ។ បន្ទាប់ពីសហរដ្ឋអាមេរិក គឺចិននេះឯងដែលបានចំណាយថវិកាការពារជាតិខ្ពស់ជាងគេបំផុតនៅលើពិភពលោក។
យ៉ាងណា ខណៈសេដ្ឋកិច្ចចិនកំពុងដាំក្បាលចុះ មានការចោទជាសំណួរអំពីថាតើការកើនឡើងនៃការចំណាយយោធាអាចមាននិរន្តរភាពដែរឬក៏យ៉ាងណា ជាពិសេសចំពេលតម្រូវការអាទិភាពនៅក្នុងស្រុកជាច្រើន ដូចជា ការជំរុញការប្រើប្រាស់ទំនិញ ការធានារ៉ាប់រងសង្គម និងការវិនិយោគផ្នែកវិទ្យាសាស្ត្រ និងបច្ចេកវិទ្យា ជាដើម៕
ដោយ៖ ឈាង
-
ព័ត៌មានជាតិ៣ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានអន្ដរជាតិ៤ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៣ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៥ ម៉ោង agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៥ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៤ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ