ព័ត៌មានជាតិ
រដ្ឋមន្ត្រីសុខាភិបាល ចង់បង្កើនបុគ្គលិកពេទ្យកុមារជាតិឱ្យបាន ៤ ពាន់នាក់ និងគ្រែពេទ្យជិត ២ ពាន់គ្រែ
លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល មានបំណងចង់បង្កើនបុគ្គលិកមន្ទីរពេទ្យកុមារជាតិ ឱ្យបាន ៤ ពាន់នាក់ និងគ្រែពេទ្យសម្រាប់កុមារសម្រាកព្យាបាលជំងឺឱ្យបានជិត ២ ពាន់គ្រែ ទៅថ្ងៃអនាគត។
ថ្លែងក្នុងសន្និបាតបូកសរុបការងារឆ្នាំ ២០២៤ និងលើកទិសដៅឆ្នាំ ២០២៥ របស់មន្ទីរពេទ្យកុមារជាតិ កាលពីពេលថ្មីៗ នេះ លោករដ្ឋមន្ត្រី បានបន្តថា «តាមខ្ញុំប្រមើលមើលទៅទំហំ និងទីតាំងដីនៅមន្ទីរពេទ្យកុមារជាតិនេះ ត្រូវមានគ្រែអ្នកជំងឺប្រមាណពី ១ ៩០០ ឬ ២ ០០០ គ្រែ ខណៈឆ្នាំ ២០២៥ មាន ៤៥០ គ្រែ និងមានបុគ្គលិក ៤ ០០០ នាក់ ទើបក្លាយជាមន្ទីរពេទ្យថ្នាក់ជាតិបាន»។
លោករដ្ឋមន្ត្រី បានបន្តទៀតថា ការបង្កើនចំនួនគ្រែ និងបុគ្គលិកនេះ ដោយសារភារកិច្ចរបស់មន្ទីរពេទ្យនេះ មិនត្រឹមតែព្យាបាលជំងឺកុមារប៉ុណ្ណោះទេ តែត្រូវទុកកម្លាំងមួយចំនួនសម្រាប់បណ្តុះបណ្តាលបន្តដល់គ្រូពេទ្យផ្សេងៗ ទៀត ដែលមកពីតាមបណ្តាខេត្តផ្សេងៗ ផងដែរ។
លោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានឱ្យដឹងថា នៅក្នុងឆ្នាំ ២០២៤ មន្ទីរពេទ្យកុមារជាតិ មានបុគ្គលិកសរុបចំនួន ៧៨០ នាក់ ក្នុងនោះ បុគ្គលិកស្រីមាន ៤៥១ នាក់ ស្មើ ៥៧% ប្រុសមាន ៣២៩ នាក់ ស្មើ ៤៣% មន្ត្រីរាជការចំនួនសរុប ៤៥៦ នាក់ ប្រុស ២២៥ នាក់ ស្រី ២៣១ នាក់ បុគ្គលិកជាប់កិច្ចសន្យា ប្រើប្រាស់ថវិការដ្ឋ) ចំនួន ៥៨ នាក់ ប្រុស ១៩ នាក់ ស្រី ៣៩ នាក់ បុគ្គលិកជាប់កិច្ចសន្យា ប្រើប្រាស់ថវិកាមន្ទីរពេទ្យចំនួន ២៦៤ នាក់ ប្រុស ៨៤ នាក់ ស្រី ១៨០ នាក់ មន្ត្រីចូលនិវត្តន៍ក្នុងឆ្នាំ ២០២៤ មាន ៩ នាក់ ប្រុស ៦ នាក់ ស្រី ៣ នាក់ មន្ត្រីស្រី ១ នាក់ សុំលាឈប់ពីការងារ និងទំនេរគ្មានបៀវត្ស ចំនួន ៥ នាក់ ប្រុស ១ នាក់ ស្រី ៤ នាក់។
លោកវេជ្ជបណ្ឌិត បានប្ដេជ្ញាថា ដើម្បីចូលរួមឆ្លើយតបទៅនឹងការប្តេជ្ញាចិត្តរបស់រាជរដ្ឋាភិបាល និងក្រសួងសុខាភិបាលក្នុងការលើកកម្ពស់គុណភាពលើវិស័យសុខាភិបាល រួមជាមួយនឹងការគាំទ្រមិនចេះនឿយហត់ពីសំណាក់ថ្នាក់ដឹកនាំក្រសួងសុខាភិបាល ថ្នាក់ដឹកនាំ ព្រមទាំងបុគ្គលិកមន្ទីរពេទ្យកុមារជាតិទាំងអស់ សូមធ្វើការប្តេជ្ញាចិត្តយ៉ាងក្លៀវក្លាក្នុងការចូលរួមលើកកម្ពស់សេវារបស់ មន្ទីរពេទ្យកុមារជាតិ ទាំងបរិមាណ និង គុណភាព ដោយផ្តោតជាពិសេសទៅលើ ក្រមសីលធម៌វិជ្ជាជីវៈ ដើម្បីពង្រឹងសេវាមន្ទីរពេទ្យកុមារជាតិឱ្យឈានទៅដល់កម្រិតបទដ្ឋានមួយដែលផ្តល់នូវទំនុកចិត្តខ្ពស់ពីប្រជាពលរដ្ឋ។
លោកវេជ្ជបណ្ឌិត បានអះអាងទៀតថា តាមរយៈអង្គសន្និបាតឆ្នាំនេះ នឹងជជែកពិភាក្សាគ្នាក្នុងការស្វែងរកចំណុចល្អៗ ដើម្បីដាក់ចូលទៅក្នុងផែនការសកម្មភាពឆ្នាំ ២០២៥ ឈានឆ្ពោះទៅកែរកការកែលម្អនូវចំណុចខ្វះខាតបាន កើតឡើងនៅក្នុងឆ្នាំ ២០២៤ ប្រកបដោយក្តីសង្ឃឹមយ៉ាងមុតមាំថា ឆ្នាំ ២០២៥ ខាងមុខ ពិតជាទទួលបាននូវកំណើនអតិថិជនថែមទៀត ដោយប្រើប្រាស់សេវាមន្ទីរពេទ្យកុមារជាតិបានកាន់តែច្រើនថែមទៀត៕
អត្ថបទ ៖ សំអឿន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ