ព័ត៌មានជាតិ
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
នាយករដ្ឋមន្ត្រីកម្ពុជាបានគូសបញ្ជាក់ថា តាមរយៈគម្រោងស្ថាបនាផ្លូវជាតិលេខ ៦០បេ នឹងភ្ជាប់និស្ស័យគ្នាសម្រាប់ពលរដ្ឋក្នុងខេត្តក្រចេះនិងខេត្តកំពង់ធំ ខណៈដែលគម្រោងស្ថាបនាផ្លូវជាតិលេខ ៦០បេ គ្រោងនឹងបើកការដ្ឋានសាងសង់ក្នុងពេលឆាប់ៗ។
ថ្លែងនៅក្នុងពិធីសម្ពោធផ្លូវជាតិលេខ ៧១សេ នៅព្រឹកនេះ សម្តេចធិបតី ហ៊ុន ម៉ាណែត បានលើកពីគម្រោងស្ថាបនាផ្លូវជាតិលេខ ៦០បេ ដែលគ្រោងនឹងបើកការដ្ឋានសាងសង់ ក្រោយគម្រោងស្ថាបនាស្ពានឆ្លងទន្លេខេត្តក្រចេះបញ្ចប់នៅឆ្នាំ ២០២៥។
សម្តេចបានគូសបញ្ជាក់ថា តាមរយៈផ្លូវជាតិលេខ ៦០បេ នឹងជួយសម្រួលកាត់បន្ថយចម្ងាយផ្លូវធ្វើដំណើរ ក៏ដូចជាភ្ជាប់និស្ស័យរវាងពលរដ្ឋខេត្តក្រចេះ និងខេត្តកំពង់ធំ ហើយក៏នឹងជួយរុញកំណើនការអភិវឌ្ឍសេដ្ឋកិច្ច និងលើកកម្ពស់ជីវភាពរស់នៅរបស់ពលរដ្ឋក្នុងមូលដ្ឋានឲ្យកាន់តែល្អប្រសើរថែមទៀត។
«ពីមុនតាមខេត្តមួយចំនួនហាក់នៅឆ្ងាយដាច់ស្រយាល តែឥឡូវមិនឆ្ងាយដាច់ស្រយាលដូចមុនទៀតទេ។ ការអភិវឌ្ឍហេដ្ឋារចនាសម្ព័ន្ធផ្លូវថ្នល់យ៉ាងប្រទាក់ក្រឡាគ្នា បានតភ្ជាប់ពីខេត្តមួយទៅខេត្តគ្រប់ដណ្តប់ទូទាំងប្រទេស ដែលផ្តល់លទ្ធភាពដល់ពលរដ្ឋអាចធ្វើដំណើរបានងាយស្រួល និងចម្ងាយពេលវេលាតិចជាងមុន»។ នេះបើតាមប្រមុខរដ្ឋាភិបាល។
តាមរយៈគម្រោងស្ថាបនាផ្លូវជាតិលេខ ៦០បេ មិនត្រឹមតែភ្ជាប់និស្ស័យរវាងពលរដ្ឋនៅខេត្តក្រចេះ និងកំពង់ធំ ក៏តភ្ជាប់សេដ្ឋកិច្ចនិងការធ្វើដំណើររវាងខេត្តនៅភាគឦសានមានស្ទឹងត្រែង មណ្ឌលគិរី រតនគិរី រួមទាំងខេត្តព្រះវិហារផងដែរ។
ជាមួយគ្នានេះ សម្តេចបានណែនាំឲ្យក្រសួងសាធារណការ និងដឹកជញ្ជូន ត្រូវខិតខំបើកការចរចាជាមួយដៃគូអភិវឌ្ឍ ដើម្បីឈានទៅបើកការដ្ឋានសាងសង់ផ្លូវជាតិលេខ ៦០ បេ ដែលសម្តេចបានអះអាងថា បានដាក់ក្នុងផែនការគម្រោងវិនិយោគពីឆ្នាំ ២០២៦-២០២៧៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ