ព័ត៌មានអន្ដរជាតិ

ព្រឹទ្ធសភាដែលភាគច្រើនចេញពីយោធាថៃ នឹងប្តឹងទម្លាក់នាយករដ្ឋមន្ត្រី ផែថងថាន

បានផុស

១ year មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

គណៈកម្មាធិការក្រមសីលធម៌នយោបាយព្រឹទ្ធសភា ដែលជាស្ថាប័នកំពូលហើយបច្ចុប្បន្នគ្រប់គ្រងដោយអំណាចយោធាស្រាប់នោះ បានប្រកាសនៅថ្ងៃព្រហស្បតិ៍ថា ពួកគេនឹងដាក់ពាក្យបណ្តឹងទៅកាន់តុលាការអភិរក្ស និងគណៈកម្មាធិការជាតិប្រឆាំងអំពើពុករលួយ ដើម្បីដកលោកស្រី នាយករដ្ឋមន្ត្រី ផែថងថាន ស៊ីណាវ៉ាត្រ (Paetongtarn Shinawatra) ចេញពីអំណាច។

លោកស្រី ផែថងថាន ស៊ីណាវ៉ាត្រ ពេលដឹកនាំប្រតិភូនៅមើលខេត្តជាប់ព្រំដែន។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានដាក់ញត្តិប្តឹងនេះដោយចោទថា លោកស្រីបានប្រព្រឹត្តខុសលើជម្លោះព្រំដែនកម្ពុជា-ថៃ ជាពិសេសការសន្ទនាតាមទូរស័ព្ទជាមួយសម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា។ ក្នុងការសន្ទនាជាង១៧នាទីនោះ លោកស្រីនាយករដ្ឋមន្ត្រី ផែថងថាន និង ប្រមុខព្រឹទ្ធសភាកម្ពុជា បានជជែកគ្នាជុំវិញការបើកច្រកព្រំដែនប្រទេសទាំងពីរឡើងវិញ។

ដោយនៅក្នុងកាសន្ទនានោះ សម្តេច ហ៊ុន សែន បានប្រាប់ទៅលោកស្រី ផែថងថាន ស៊ីណាវ៉ាត្រ ឲ្យភាគីថៃជាអ្នកបើកមុន ព្រោះភាគីថៃជាអ្នកបិទមុន ហើយភាគីកម្ពុជាចាំតែអនុវត្តតាមប៉ុណ្ណោះ។ នៅក្នុងសារនោះទៀតសោត លោកស្រី ផែថងថាន សុំអង្វរសម្តេចតេជោ ឲ្យបើកម៉ោងដំណាលគ្នាដូចសព្វដង ប៉ុន្តែសម្តេចតេជោ បានសង្កតធ្ងន់ឲ្យភាគីថៃជាអ្នកអនុវត្តមុន ព្រោះថៃជាអ្នកបិទជាឯកតោភាគី ដោយមិនបានជួនដំណឹងដល់កម្ពុជាជាមុនឡើយ៕