ព័ត៌មានអន្ដរជាតិ
អ៊ីរ៉ង់ប្រាប់ BRICS ថា ជនស៊ីវិលជាង ៦ ០០០នាក់ស្លាប់និងរបួសក្នុងការវាយប្រហាររបស់អាមេរិក-អ៊ីស្រាអែល
រដ្ឋមន្ត្រីការបរទេសអ៊ីរ៉ង់ Abbas Araghchi បានប្រើប្រាស់កិច្ចប្រជុំកំពូល BRICS នៅក្នុងប្រទេសប្រេស៊ីល ដើម្បីចោទប្រកាន់សហរដ្ឋអាមេរិក និងអ៊ីស្រាអែលថាបានបណ្តាលឲ្យជនស៊ីវិលអ៊ីរ៉ង់ជាង ៦ ០០០នាក់ស្លាប់ ឬរងរបួស នៅក្នុងការវាយប្រហារតាមអាកាសនាពេលថ្មីៗ ដោយចាត់ទុកសកម្មភាពនេះថាជាការបំពានច្បាប់អន្តរជាតិ។
ថ្លែងនៅឯកិច្ចប្រជុំ Brics កាលពីថ្ងៃអាទិត្យទី៦ខែកក្កដា លោក Araghchi បានពណ៌នាអំពីការវាយប្រហារថាជា«ការវាយប្រហារដ៏សាហាវ» ចំពោះផ្នែកការទូត ដែលបង្កជាវិបត្តិមនុស្សធម៌ដ៏ធំ ដោយបានបំផ្លាញផ្ទះសម្បែង កន្លែងនុយក្លេអ៊ែរ និងហេដ្ឋារចនាសម្ព័ន្ធសំខាន់ៗ។ លោកបានទទូចថា ការវាយប្រហារបានរំលោភលើសន្ធិសញ្ញាមិនរីកសាយភាយនុយក្លេអ៊ែរ និងសេចក្ដីសម្រេចលេខ២២៣១ របស់ក្រុមប្រឹក្សាសន្តិសុខអង្គការសហប្រជាជាតិ ដោយបន្ថែមថា អ៊ីរ៉ង់នឹងមិននៅស្ងៀមឡើយ។
លោក Araghci បានសង្កត់ធ្ងន់ថា ទាំងអ៊ីស្រាអែល និងអាមេរិកមិនមានមូលដ្ឋានផ្លូវច្បាប់ ដើម្បីវាយប្រហារកម្មវិធីនុយក្លេអ៊ែរស៊ីវិល ដោយគ្រាន់តែការសង្ស័យនៃការផលិតអាវុធនោះទេ។
ក្រុមមេដឹកនាំ BRICS បានបង្ហាញពីការគាំទ្រចំពោះអ៊ីរ៉ង់ ដោយចេញសេចក្ដីថ្លែងការណ៍រួមមួយថា «ពួកយើងថ្កោលទោសការវាយប្រហារដោយយោធា ប្រឆាំងនឹងសាធារណរដ្ឋអ៊ីស្លាមអ៊ីរ៉ង់ចាប់តាំងពីថ្ងៃទី១៣ខែមិថុនាឆ្នាំ២០២៥។ ពួកយើងបង្ហាញការព្រួយបារម្ភយ៉ាងខ្លាំង ចំពោះការវាយប្រហារដោយចេតនាលើហេដ្ឋារចនាសម្ព័ន្ធស៊ីវិល និងកន្លែងនុយក្លេអ៊ែរដោយសន្តិវិធី»។
បន្ថែមពីនេះ ប្លុកទាំង១១ប្រទេសនេះ បានបន្ថែមថា ការវាយប្រហារនេះគឺជាការរំលោភច្បាប់អន្តរជាតិ៕
ដោយ៖ ឈាង
-
សន្តិសុខសង្គម៧ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៣ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៤ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ២ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន
-
ព័ត៌មានអន្ដរជាតិ៦ ថ្ងៃ agoមកពីថៃវិញ សង្ឃ២២អង្គ ត្រូវប៉ូលិសស្រីលង្កា ឃាត់ខ្លួន ជាមួយគ្រឿងញៀនជាង ១០០គីឡូក្រាម