ព័ត៌មានអន្ដរជាតិ
សេវាកម្មម៉ាស្សាថោកនៅថៃ កំពុងរងការវាយប្រហារអំពីកង្វះអនាម័យនិងប្រភពឆ្លងរោគ
សេវាកម្មម៉ាស្សារបស់ប្រទេសថៃ ដែលគេតែងតែល្បីសម្រាប់ការទាក់ទាញទេសចរនោះ កំពុងរងការវាយប្រហារ បន្ទាប់ពីការស្លាប់ជនបរទេសជាបន្តបន្ទាប់ ក្រោយការទទួលសេវាកម្មម៉ាស្សាដែលមានតម្លៃថោកនេះនៅតាមតំបន់ទេសចរណ៍ល្បីៗ។
សារព័ត៌មាន Thai Examiner បានរាយការណ៍ថា វេជ្ជបណ្ឌិតអាមេរិកម្នាក់បានចេញការព្រមានយ៉ាងខ្លាំងដល់អ្នកដំណើរ បន្ទាប់ពីឧប្បត្តិហេតុគួរឱ្យភ្ញាក់ផ្អើលមួយដែលអ្នកទេសចរម្នាក់បានឆ្លងមេរោគស្បែកយ៉ាងធ្ងន់ធ្ងរបន្ទាប់ពីទទួលបានការម៉ាស្សាបែបថៃក្នុងតម្លៃទាប។
ការចេញការព្រមាននេះ កើតឡើងក្រោយបុរសជនជាតិអូស្រ្តាលីម្នាក់វ័យ ៤៣ឆ្នាំ បានដេកស្លាប់ក្នុងបន្ទប់ម៉ាស្សាដែលខ្លួនបានចំណាយប្រាក់ជាង១២ដុល្លារ សម្រាប់ការម៉ាស្សារយៈពេល១ម៉ោង កាលពីដើមសប្តាហ៍នេះ។
ការដកស្រង់ផ្សាយបន្តរបស់សារព័ត៌មាន វៀតណាម VN Express បានឲ្យដឹងថា ការម៉ាស្សាដែលមានតំលៃថោកនៅក្នុងប្រទេសថៃកំពុងបង្កភាពចម្រូងចម្រាស ខណៈដែលចំនួនអ្នកទេសចរកំពុងកើនឡើងរាយការណ៍ពីបញ្ហាសុខភាព ដែលបង្កើនការព្រួយបារម្ភអំពីស្តង់ដារអនាម័យ និងសុវត្ថិភាពនៃសេវាកម្មទាំងនេះ។
ពេលនេះព័ត៌មាននៃការស្លាប់ និងហានិភ័យសុខភាពដោយសារការឆ្លងរោគពីការទទួលសេវាកម្មម៉ាស្សាកំពុងផ្សព្វផ្សាយយ៉ាងទូលំទូលាយតាមបណ្តាញសង្គម។ សារព័ត៌មានវៀតណាម ផ្សាយថា វេជ្ជបណ្ឌិត Joe Whittington គ្រូពេទ្យបន្ទប់សង្គ្រោះបន្ទាន់បានឆ្លើយតបទៅនឹងវីដេអូ TikTok ដ៏ពេញនិយមមួយដែលត្រូវបានបង្ហោះដោយស្ត្រីម្នាក់។
វីដេអូនោះ បង្ហាញពីជើងរបស់មិត្តប្រុសរបស់នាងមានស្នាមក្រហម ខ្ទុះពេញខ្លួន បន្ទាប់ពីម៉ាស្សា ៥ដុល្លារដែលធ្វើឡើងដោយស្ត្រីចំណាស់ម្នាក់នៅទីតាំងហាងម៉ាស្សានៅផ្លូវតូចក្នុងប្រទេសថៃ។ តាមការផ្សព្វផ្សាយនោះ ដំបូង បទពិសោធន៍ហាក់ដូចជាគ្មានគ្រោះថ្នាក់អ្វីឡើយ។ ទោះបីជាយ៉ាងណាក៏ដោយ នៅព្រឹកបន្ទាប់ បុរសនោះបានក្រោកពីដំណេក ឃើញជើងរបស់គាត់រលាក និងគ្របដណ្តប់ដោយដំបៅឈឺចាប់។ ការផុសវីដេអូនោះបានទាក់ទាញអ្នកចូលមើលជាង៣៦ម៉ឺនដងពេលចេញផ្សាយនៅថ្ងៃទី១២ខែកក្កដានេះ។
នៅដើមសប្តាហ៍នេះ បុរសជនជាតិអូស្ត្រាលីអាយុ ៤៣ឆ្នាំម្នាក់ត្រូវបានគេប្រទះឃើញដេកស្លាប់នៅក្នុងហាងម៉ាស្សាមួយកន្លែងនៅលើកោះសាមុយស្ថិតនៅភាគខាងត្បូងប្រទេសថៃ ក្រោយទទួលសេវាកម្មម៉ាស្សា។ ការស្លាប់របស់បុរសនោះ ត្រូវបានសារព័ត៌មានថៃរាយការណ៍ថា បានកើតឡើងក្រោយពីការដេកលង់លក់ក្នុងបន្ទប់ម៉ាស្សា ហើយ បុគ្គលិកម៉ាស្សា បានដឹងពីការដេកស្រមុកប៉ុន្មានដងនៅម៉ោង៤ទៀបភ្លឺ ហើយ នៅពេលព្រឹកក៏ប្រទះឃើញបាត់បង់ជីវិត។
ជនជាតិអូស្ត្រាលីដែលទទួលសេវាកម្មម៉ាស្សាបាត់បង់ជីវិតនោះ ត្រូវបានគេរាងការណ៍ថា ឈ្មោះ Christopher បានទៅលេងប្រទេសថៃជាមួយភរិយា ប៉ុន្តែបានដើរតែម្នាក់ឯងពីកន្លែងស្នាក់នៅក្បែរនោះ ទៅកាន់ហាងម៉ាស្សា។
ការទទួលសេវាកម្មម៉ាស្សារួចបាត់បង់ជីវិតនោះក៏ធ្លាប់កើតមានលើបុរសជនជាតិសិង្ហបុរីអាយុ ៥២ឆ្នាំម្នាក់កាលពីចុងឆ្នាំ២០២៤ ដែលបានទៅកម្សាន្តនៅក្នុងតំបន់ទេសចរណ៍ដ៏ពេញនិយមរបស់ប្រទេសថៃនៅខេត្តភូកេត ភាគខាងត្បូងថៃដែរ។
តាមសេចក្តីរាយការណ៍ របស់ Bangkok Post ដោយស្រង់សម្តីប៉ូលិសក្នុងតំបន់ កាលពីពេលនោះ បុរសនោះបានម៉ាស្សាខ្លួនដោយប្រើប្រេងរយៈពេល ៤៥នាទី ប៉ុន្តែបានថប់ដកដង្ហើមភ្លាមៗក្នុងអំឡុងពេលម៉ាស្សា៕
រ៉ាន់ រើយ
វិវាទនៅរោងចក្រ ឡឺក្រោន ស៊ូ ត្រូវបានដោះស្រាយបញ្ចប់ដោយគ្រប់ភាគីសប្បាយចិត្ត និងស្រុះស្រួលគ្នា
សេវាកម្មម៉ាស្សាថោកនៅថៃ កំពុងរងការវាយប្រហារអំពីកង្វះអនាម័យនិងប្រភពឆ្លងរោគ
លោកឃួង ស្រេង ៖ ការបម្រើសេវាសាធារណៈជូនពលរដ្ឋ លោកមិនចង់ឭថា ធ្វើឯកសារ ខុសនេះខុសនោះធ្វើមិនចេះត្រូវ
វិទ្យាស្ថានគរុកោសល្យបាត់ដំបង ចុះ MoU ជាមួយវិទ្យាល័យចំនួន ៣ ពង្រឹងសមត្ថភាពគ្រូបង្រៀន
ទឹកជំនន់ធ្ងន់ធ្ងរកំពុងវាយប្រហារខេត្តភាគខាងជើងប្រទេសថៃ
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
ក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ
ទីបំផុតដឹងមូលហេតុធ្លាក់យន្តហោះ Air india ដែលសម្លាប់មនុស្ស ២៦០នាក់ហើយ
នាយករដ្ឋមន្រ្តី ណែនាំឱ្យទូងស្គរ ទះប៉ោត ដើម្បីអបអរទីតាំងចំនួន៣របស់កម្ពុជាត្រូវបានចុះបញ្ជីបេតិកភណ្ឌពិភពលោក
គម្រោងផ្លូវបេតុងប្រវែង ១៥០០ម៉ែត្រ សមិទ្ធផលប្រវត្តិសាស្ត្រថ្មីលេីដីកោះរងាវតាមដងទន្លេមេគង្គលើក្នុងខេត្តក្រចេះ
-
ព័ត៌មានអន្ដរជាតិ១១ ម៉ោង agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ២ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ៣ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ២ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច៣ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
-
ព័ត៌មានអន្ដរជាតិ១៣ ម៉ោង agoក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ