ប្រទេសចិន រកឃើញមនុស្សដែលមានប្រភេទឈាមដ៏កម្រហៅថា «ឈាមពេជ្រ»

យោងតាមការចេញផ្សាយរបស់សារព័ត៌មាន VN Express នៅថ្ងៃទី ០៣ ខែតុលា វេជ្ជបណ្ឌិតក្នុងខេត្ត Guangdong ប្រទេសចិន បានរកឃើញមនុស្សដែលមានប្រភេទឈាមដ៏កម្រមួយហៅថា «ឈាមពេជ្រ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភេទឈាមដ៏កម្រនេះហៅថា Jk(a-b-) និងត្រូវបានគេដាក់រហ័សនាមថាជា «ឈាមពេជ្រ»។ ប្រភេទឈាមនេះជារបស់ប្រព័ន្ធក្រុមឈាម Kidd ហើយបណ្តាលមកពីការផ្លាស់ប្តូរហ្សែននៅលើក្រូម៉ូសូម ១៨ ។ ការផ្លាស់ប្តូរមានន័យថាមនុស្សដែលមានប្រភេទឈាមនេះមិនមានសញ្ញាសម្គាល់ធម្មតាចំនួនបី ដែលត្រូវបានគេស្គាល់ថាជាអង់ទីហ្សែន (Jkᵃ, Jkᵇ និង Jk3) នៅលើផ្ទៃនៃកោសិកាឈាមក្រហមរបស់ពួកគេ។ ដោយសារតែបែបនេះ ឈាមពេជ្រគឺកម្រមានណាស់ ដោយមានតែប្រហែល ០.០០២% ទៅ ០.០២% នៃប្រជាជននៅក្នុងប្រទេសចិនប៉ុណ្ណោះដែលមានវា។

គ្រូពេទ្យជាធម្មតារកឃើញមនុស្សតែ ១ នាក់គទ់ដែលមានប្រភេទឈាមនេះក្នុងចំណោមអ្នកបរិច្ចាគឈាម ៤ ពាន់នាក់។ វាកម្រជាងឈាម Rh-negative (មានរហ័សនាមថាជាឈាមខ្លាឃ្មុំផេនដា) ប្រហែល ១០០ ដង ដែលត្រូវបានគេចាត់ទុកថាកម្រណាស់ទៅហើយ។

គួរបញ្ជាក់ថា នេះ​ជា​លើក​ទី​មួយ​ហើយ​ដែល​ឈាម​ប្រភេទ​នេះ​ត្រូវ​បាន​គេ​រក​ឃើញ​ក្នុង​ខេត្តGuangdong។ របកគំហើញនៃប្រភេទឈាមដ៏កម្របែបនេះគឺមានសារៈសំខាន់ខ្លាំងណាស់ ព្រោះវាអាចជួយគ្រូពេទ្យរៀបចំសម្រាប់ការសង្គ្រោះបន្ទាន់ផ្នែកវេជ្ជសាស្រ្តនាពេលអនាគត សម្រាប់អ្នកជំងឺដែលមានប្រភេទឈាមដ៏កម្រនេះ៕

អត្ថបទ៖ ប៊ុន សុភាព