ក្រុមហ៊ុន GC Realty ចុះកិច្ចព្រមព្រៀងជាដៃគូលក់ Master Agency ជាមួយគម្រោង L Tower Loft Condo ដើម្បីជំរុញការលក់

ក្រុមហ៊ុនអចលនទ្រព្យ GC Realty បានចុះហត្ថលេខាលើកិច្ចព្រមព្រៀងជាដៃគូលក់ Master Agency ជាមួយគម្រោង L Tower Loft Condo កាលពីថ្ងៃទី៩ ខែកក្កដា ឆ្នាំ២០២២។ គោលបំណងនៃការចុះកិច្ចព្រមព្រៀងដៃគូរវាងក្រុមហ៊ុនទាំងពីរនេះ គឺដើម្បីជំរុញការលក់ និងធ្វើទីផ្សារដល់គម្រោងខុនដូ អិល ថៅវើ (L Tower Loft Condo) ឲ្យកាន់តែមានសក្តានុពល និងផ្ដល់ទំនុកចិត្តដល់អតិថិជនកាន់តែខ្លាំងក្លាថែមទៀត។

នៅក្នុងពិធីចុះហត្ថលេខានេះ ធ្វើឡើងក្រោមវត្តមានរបស់លោក កាំង នីន នាយក និងដៃគូអាជីវកម្មក្រុមហ៊ុន GC Realty  និងលោកស្រី ហេង មួយលាង នាយិកាប្រតិបត្តិក្រុមហ៊ុន L Village Co.Ltd។

លោកស្រី ហេង មួយលាង នាយិកាប្រតិបត្តិក្រុមហ៊ុន L Village Co.Ltd ថ្លែងថា គម្រោងខុនដូ L Tower Loft Condo ជាគម្រោងថ្មី ទាន់សម័យ ដែលមាន ២ជាន់ក្នុង ១យូនីត សាកសមបំផុតសម្រាប់ការរស់នៅតាមបែបសម័យបច្ចុប្បន្ន។ ទន្ទឹមនឹងនេះ សំណង់នៃគម្រោងនេះ មានគុណភាពល្អ តម្លៃសមរម្យ ហើយស្ថិតនៅទីតាំងមានសក្តានុពលខ្ពស់ ស្របតាមតម្រូវការអតិថិជនគ្រប់រូប។ ដូច្នេះ លោកស្រី ពិតជាមានក្ដីរីករាយក្នុងការសហការជាមួយក្រុមហ៊ុន ជីស៊ី រៀលធី។

ជាមួយគ្នានេះដែរ លោក កាង នីន នាយកក្រុមហ៊ុន ជីស៊ី រៀលធី លើកឡើងថា ក្រុមហ៊ុន ជីស៊ី រៀលធី គឺជាក្រុមហ៊ុនមួយឈានមុខគេនៅក្នុងវិស័យអចលនទ្រព្យ ហើយមានបទពិសោធជាច្រើនឆ្នាំក្នុងការប្រឹក្សាយោបល់លើផ្នែកទិញលក់អចលនទ្រព្យគ្រប់ប្រភេទ។

លោក បន្តថា ក្រុមហ៊ុនមានភ្នាក់ងារលក់ជាច្រើននាក់ សុទ្ធតែមានបទពិសោធ និងមានជំនាញវិជ្ជាជីវៈដែលអាចជួយប្រឹក្សាដល់អតិថិជនក្នុងការជ្រើសរើសគម្រោងអចលនទ្រព្យទៅតាមតម្រូវការ ជាពិសេស ជួយសម្រួលដល់ការទិញលក់សម្រាប់ម្ចាស់គម្រោង និងអតិថិជន ដើម្បីផ្ដល់ភាពងាយស្រួលដល់ភាគីទាំងសងខាង។ ជាងនេះទៅទៀត ក្រុមហ៊ុន ជីស៊ី រៀលធី មានអ្នកជំនាញផ្នែកទីផ្សារ ជួយជំរុញការផ្សព្វផ្សាយដល់អតិថិជន មានប្រសិទ្ធភាពខ្ពស់ និងឆាប់រហ័សផងដែរ៕ 

អត្ថបទ ៖ ធឿន វ៉ាន់សុង