សេចក្ដីជូនដំណឹង

ក្រុមហ៊ុន ជីស៊ី អូរឫស្សី ឯ.ក សូមបដិសេធរាល់ការផ្សាយព័ត៌មានមិនពិតនានា

បានផុស

៣ years មុន

នៅ

ថ្ងៃចន្ទ ១៩ មិថុនា ២០២៣

ដោយ

ផ្សារជីស៊ី អូរឫស្សី សូមជូនដំណឹងសាជាថ្មីដល់សាធារណជនជាថ្មីម្តងទៀត អោយបានជ្រាបថា ផ្សារយើងខ្ញុំនឹងធ្វើការបុកគ្រឺះការដ្ឋានសាងសង់នៅថ្ងៃទី ៣០ ខែមិថុនា ឆ្នាំ២០២៣ខាងមុខនេះពិតប្រាកដ។

កាលពីថ្ងៃទី ២៨ ខែឩសភាឆ្នាំ២០២៣ កន្លងទៅថ្មីៗនេះ មេធាវីតំណាងអោយផ្សារ ជីស៊ី អូរឫស្សី បានចេញសេចក្តីបំភ្លីនិងប្រកាសព័ត៌មានម្តងហើយអំពីការផ្សាយ ព័ត៌មានមិនពិតមួយចំនួនដែល ធ្វើអោយប៉ះពាល់ដល់កិត្តិយសក្រុមហ៊ុន។ យើងខ្ញុំក៏សូមបំភ្លឺម្តងទៀតនៅថ្ងៃទី១៩ខែមិថុនាឆ្នាំ២០២៣នេះ។ ចំពោះពេលវេលានៃការប្រគល់តូបផ្សារ គឺធ្វើតាមរយៈ«កិច្ចសន្យាទិញ-លក់ អចលនវត្ថុ រវាង ក្រុមហ៊ុន ជីស៊ី អូរឫស្សី ឯ.ក(អ្នកលក់ ឬ អ្នកអភិវឌ្ឍអចលនវត្ថុ) និង អ្នកទិញ» ស្ថិតនៅប្រការ ៥.១៖ ការសាងសង់គម្រោង ត្រូវបញ្ចប់រួចរាល់ត្រឹមថ្ងៃទី៣០ ខែមិថុនា ឆ្នាំ២០២៤ (ហៅថា “កាលបរិច្ឆេទបញ្ចប់ការសាងសង់”)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាមាន បញ្ញតិ្តនេះក៏ដោយ អ្នកលក់ត្រូវមានរយៈពេលអនុគ្រោះ ចំនួន៦ (ប្រាំមួយ)ខែ ប្រតិទិន គិតចាប់ពីកាលបរិច្ឆេទបញ្ចប់ការសាងសង់ (ហៅថា“រយៈពេលអនុគ្រោះ” ) សម្រាប់ ការយឺតយ៉ាវក្នុងការបញ្ចប់ការសាងសង់អចលនវត្ថុ។ ដូច្នេះយើងខ្ញុំសូមបដិសេធចំពោះការផ្សព្វផ្សាយព័ត៌មានមិនពិត ខុសពីកិច្ចិសន្យាទិញលក់។ យើងខ្ញុំក៏ស្វាគមន៍ចំពោះការជួបដោយផ្ទាល់ពីសំណាក់អតិថិជនដោយអស់លោកអ្នកភ្ជាប់ជាមួយកិច្ចសន្យាទិញ-លក់មកជាមួយមកកាន់ការិយាល័យយើងខ្ញុំ។

យើងខ្ញុំរីករាយក្នុងការជួបអតិថិជនទាំងអស់ប្រសិនបើលោកអ្នកមានសំនួរនានាពីគម្រោងយើងខ្ញុំឬការបកស្រាយនានាអំពីកិច្ចសន្យាទិញ-លក់។យើងខ្ញុំនឹងបំពេញតួនាទីក្នុង ការបញ្ចប់ការសាងសង់ផ្សារជីស៊ី អូរឫស្សីដែលមានចែងនៅក្នុងកិច្ចសន្យា។

ជាថ្មីម្តងទៀត ផ្សារជីស៊ី អូរឫស្សីនឹងបុកគ្រឺះការដ្ឋានសាងសង់នៅថ្ងៃទី ៣០ ខែមិថុនា ឆ្នាំ២០២៣ ខាងមុខនេះ ខណៈពេលដែលក្រុមការងារកំពុងមមាញឹកក្នុងការរៀបចំកម្មវិធី។ ចំណែកកាលពីពេលថ្មីៗនេះ យើងខ្ញុំក៏បានរៀបចំកម្មវិធីបើកបំភ្លឺភ្លើងLight On Ceremony នៅល្ងាចថ្ងៃទី២៣ ខែឧសភាឆ្នាំ២០២៣។ អាស្រ័យដូចបានជម្រាបជូនខាងលើ សូមអស់លោកអ្នកអញ្ជើញមកកាន់ការិយាល័យ យើងខ្ញុំ ដើម្បីប្រឹក្សាយោបល់នានា៕

សូមអរគុណ !