តាំងរូបសត្វ ៥ ប្រភេទក្នុងផ្ទះឬការិយាល័យ អាចជួយការពារសំណាងអាក្រក់បាន

រូបចម្លាក់នានាដែលត្រូវយកមកលម្អគេហដ្ឋានឬការិយាល័យ មានជាប់ទាក់ទងគ្នាយ៉ាងជិតស្និទ្ធជាមួយហុងស៊ុយ។ ជាពិសេសជនជាតិចិន មានជំនឿមុតជ្រៅនឹងរូបសត្វផ្សេងៗដែលពួកគេយកមកតាំង ដោយពួកគេជឿថា តាំងរូបសត្វមានហុងស៊ុយល្អអាចជួយការពារអ្នកផ្ទះ ផ្ដល់សុខសប្បាយ និងបណ្ដេញភាពអវិជ្ជមានទាំងឡាយទាំងពួងបានយ៉ាងប្រាកដ។

តើអ្នកគួរតាំងរូបសត្វអ្វី ទើបមានហុងស៊ុយ?

១. រូបនាគ៖ ជាសត្វហុងស៊ុយបំផុតក្នុងជំនឿជនជាតិចិន ព្រោះគេជឿថា វាអាចជួយបណ្តេញភាពចង្រៃនិងសំណាងអាក្រក់ឱ្យទៅឆ្ងាយ និងនាំមកវិញនូវសំណាងល្អ ព្រមទាំងតាំងដើម្បីបង្កើនឥទ្ធិពលនិងកំចាត់សត្រូវជុំវិញខ្លួន។

២. រូបកង្កែបមាស៖ ភាគច្រើនគេប្រើតាំងក្នុងការិយាល័យ ព្រោះវាអាចជួយស្រូបយកមាសប្រាក់ពីខាងក្រៅចូលដល់មុខជំនួញ។ បើដាក់តាំងក្នុងគេហដ្ឋាន វាជួយនាំទ្រព្យសម្បត្តិ ចូលផ្ទះមិនឈប់។

៣. រូបអណ្តើក៖ សត្វអណ្តើកជានិមិត្តរូបនៃភាពយូរអង្វែង និងភាពសុខដុម។ វាជួយបណ្តេញវិញ្ញាណអាសោចនិងថាមពលអាក្រក់ កុំឱ្យមកយាយីអ្នកផ្ទះ។

៤. រូបតោ៖ តោជាស្តេចសត្វមួយក្នុងចំណោមសត្វទាំងអស់។ គេនិយមតាំងរូបតោមួយគូនៅមុខផ្ទះឬក្រុមហ៊ុន ដោយសារគេជឿថា វាពោរពេញទៅដោយភាពក្លាហាន មានឥទ្ធិពលនិងកម្លាំងខ្លាំង អាចបណ្តេញភាពអពមង្គលចេញបាន ព្រមទាំងនាំភាពរុងរឿងមកជំនួសវិញ។

៥. រូបសេះ៖ វាតំណាងឱ្យសុខមាលភាពនិងភាពជោគជ័យ។ ដាក់តាំងរូបចម្លាក់សេះ៦ឬសេះ៨ដែលកំពុងតែរត់ នៅលើតុធ្វើការឬគេហដ្ឋាន មានន័យថា អ្នកកំពុងស្រូបយកឥទ្ធិពលវិជ្ជមានឱ្យ​មកការពារសុខភាព និងជួយដល់អាជីពឱ្យរីកចម្រើន៕

ប្រែសម្រួល៖ សន្យា

ប្រភព៖ Feng Shui

ចុចអាន៖ គំនូរ ​៦ ​ប្រភេទ គួរមាន​តាំងលម្អ​ក្នុងផ្ទះដើម្បីបង្កើនសិរីសួស្ដីដល់គ្រួសារ

ចុចអាន៖ ៤ កន្លែងនេះ បើហ៊ានតែតាំងកញ្ចក់ដូចនាំឧបទ្រពចង្រៃចូលផ្ទះ