វប្បធម៌ ជំនឿ
ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ
នរវិទ្យាជឿថា ច្រមុះគឺជាផ្នែកមួយដែលតំណាងឱ្យ “កំណប់ទ្រព្យ” ខណៈនរណាដែលមានទម្រង់ច្រមុះពិសេស ៣ ដូចខាងក្រោម គេជឿថាជាមនុស្សពេញប្រៀបដោយសំណាង និងរស់នៅប្រកបដោយសុភមង្គល។
១. ច្រមុះចៀម
ចាស់ពីដើមជឿថា អ្នកណាដែលមានទម្រង់ច្រមុះបែបនេះ នឹងជោគជ័យនៅពេលពួកគេពេញវ័យ ហើយពេលចាប់អាជីពនានា នោះនឹងរីកចម្រើន ព្រមទាំងងាយសម្រេចបាននូវបំណងប្រាថ្នារបស់ខ្លួន។
មិនថាបុរសឬស្ត្រី បើមានលក្ខណៈច្រមុះចៀម ច្រើនតែជាមនុស្សមានមហិច្ឆតាខ្លាំងក្នុងការងារ និងជីវិត។ ដោយសារលក្ខណៈសម្បត្តិល្អពីកំណើត និងការប្រឹងប្រែងធ្វើការ នៅពេលដែលពួកគេឈានចូលវ័យកណ្តាល ផ្លូវសំណាងរបស់ពួកគេមានភាពងាយស្រួលឈានទៅរកសេចក្ដីរុងរឿង។ មិនតែប៉ុណ្ណោះ ជីវិតគ្រួសារនឹងភព្វប្រសព្វតែសុភមង្គល។
២. ច្រមុះក្តាន់
មនុស្ស ដែលមានទ្រង់ទ្រាយច្រមុះនេះ ជាទូទៅជាបុគ្គលមានការគិតគូរល្អិតល្អន់ ប្រយ័ត្នប្រយែង និងបុរាណបន្តិច។ ក្រៅពីនោះ ពួកគេចេះអធ្យាស្រ័យ និងចេះយោគយល់គ្នា ដូច្នេះហើយទើបពួកគេត្រូវបានមនុស្សជាច្រើនស្រឡាញ់ចូលចិត្ត។
មនុស្សភាគច្រើនដែលជាម្ចាស់ច្រមុះក្តាន់ តែងមានវាសនាកើតក្នុងគ្រួសារអ្នកមាន តាំងពីកុមារភាពមករស់នៅយ៉ាងប្រណីត។ ថ្វីត្បិតតែកើតមកមានទ្រព្យសម្បត្តិ និងរស់ស្រណុកសុខស្រួលក៏ដោយ ក៏មនុស្សទាំងនេះមិនរអ៊ូរទាំទេ ប្រសិនធ្វើការលំបាកៗ និងតែងតែឱ្យតម្លៃជីវិត។ ពួកគេច្រើនតែជាមនុស្សមានភាពចាស់ទុំ ហើយជីវិតពោរពេញដោយរីកចម្រើន និងរស់នៅដោយសប្បាយរីករាយមិនថាវ័យប៉ុនណានោះទេ។
៣. ច្រមុះសេះ
យោងទៅតាមនរវិទ្យា ច្រមុះរបស់សេះ ឬ Unicorn ត្រូវបានចាត់ទុកជាមនុស្សពិសេសជាងគេ ព្រោះទម្រង់នេះជានិមិត្តរូបនាំមកនូវទ្រព្យសម្បត្តិ និងលុយកាក់ដល់ម្ចាស់។
បុគ្កលរូបណាដែលមានច្រមុះពិសេសនេះ ធម្មតាជាប្រភេទមនុស្សដែលមានចក្ខុវិស័យល្អ និងជំនាញខាងសេដ្ឋកិច្ច។ មិនថាប្រុសឬស្រីទេ បើនរណាមានសំណាងបានច្រមុះ Unicorn ទៅថ្ងៃអនាគតគឺងាយនឹងល្បីណាស់ មិនថាពួកគេធ្វើអ្វីទេ ពួកគេនឹងទទួលបានជោគជ័យយ៉ាងត្រចះត្រចង់។ ក្នុងដំណាក់កាលណាមួយក្នុងជីវិត អាជីពរបស់ពួកគេនឹងធ្លាក់ចុះខ្លាំង ប៉ុន្តែពួកគេនឹងឆាប់ទទួលបានទ្រព្យសម្បត្តិត្រឡប់មកវិញយ៉ាងច្រើន។
ជាការពិត ការរៀបរាប់ខាងលើ ជាសំណេរដោយ នរវិទ្យា ខណៈទម្រង់ច្រមុះរបស់មនុស្សម្នាក់ៗកើតចេញពីឪពុកម្ដាយរួចហើយ យើងមិនអាចកំណត់ថាស្អាត ឬអាក្រក់បានទេ។ ចំណែកមាន ឬក្រ ត្រូវកំណត់ដោយខ្លួនឯងដែរ មិនមែនពឹងតែលើជោគវាសនាខ្ទង់ច្រមុះល្អហើយ មិនប្រឹងប្រែងទេ បើមិនខំប្រឹង គ្មានអ្នកណាអាចដឹកនាំជីវិតឱ្យប្រសើរបានឡើយ៕
អត្ថបទ៖ សន្យា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore