Connect with us

វប្បធម៌ ជំនឿ

គណៈកម្មការ វត្តថ្មី ទទួលយកការរិះគន់ នឹងកែកុដិ ទៅតាមរចនាបទវត្តអារាមខ្មែរវិញ

បានផុស

នៅ

ព្រះចៅអធិការ អាចារ្យ គណៈកម្មការ វត្តគិរីសាលវ័ន ហៅវត្តថ្មី ទទួលយកនូវការខ្វះចន្លោះ និងទទួលយកការរិះគន់ពីសំណាក់គ្រប់មជ្ឈដ្ឋាននានា នឹងកែសម្រួលកុដិនេះ ទៅតាមរចនាបទវត្តអារាមខ្មែរវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីរាយការណ៍ នៅថ្ងៃទី៥ ខែមីនា ឆ្នាំ២០២៤ នេះ របស់ ព្រះគ្រូទីបមុនីវង្សា ណែម ឡាទី តំណាងព្រះធម្មានុលក្ខណ៍ សេង  ម៉េងលក្ខ័ណ ព្រះប្រធានលេខាធិការដ្ឋានសាលាគណខេត្តកំពង់ចាម បានឱ្យដឹងថា តំណាងសាលាគណខេត្តកំពង់ចាម ព្រះមន្ត្រីសង្ឃសាលាអនុគណស្រុកកំពង់សៀម ប្រធានមន្ទីរធម្មការ និងសាសនាខេត្ត ប្រធានមន្ទីវប្បធម៌ និងវិចិត្រសិល្បៈ អភិបាលស្រុកកំពង់សៀម អាជ្ញាធរមូលដ្ឋានពាក់ព័ន្ធ និងព្រះចៅអធិការ អាចារ្យ គណៈកម្មការវត្តគិរីសាលវ័ន បានចូលរួមកិច្ចប្រជុំ ដោយទទួលបានលទ្ធផល៖

១. ព្រះចៅអធិការ អាចារ្យ គណៈកម្មការវត្តថ្មី ទទួលយកនូវការខ្វះចន្លោះ និងទទួលយកការរិះគន់ពីសំណាក់គ្រប់មជ្ឈដ្ឋាននានា នឹងកែសម្រួលកុដិនេះ ទៅតាមរចនាបទវត្តអារាមខ្មែរវិញ។

២. គណៈគ្រប់គ្រងវត្ត នឹងចេញសេចក្ដីប្រកាសព័ត៌មានមួយ ដើម្បីសុំការអធ្យាស្រ័យ និងយោគយល់ពីសំណាក់ ព្រះសង្ឃ និងញាតិញោមពុទ្ធបរិស័ទទីជិតឆ្ងាយ ទាំងក្នុង និងក្រៅប្រទេស។

កិច្ចប្រជុំមានការចូលរួមពី ព្រះសិរីវេទី យី ស៊ាងហៃ ព្រះសមុហ៍គណខេត្តកំពង់ចាម និងព្រះធម្មានុលក្ខណ៍ សេង ម៉េងលក្ខ័ណ ព្រះលេខាធិការគណខេត្តកំពង់ចាម តំណាងព្រះសីលសំវរ ប៊ត តាំងឆេង ព្រះនាគមុនីមេគណខេត្តកំពង់ចាម រួមជាមួយព្រះសទ្ធម្មញាណ គង់ វិច្ឆិកា ព្រះគ្រូអនុគណស្រុកកំពង់សៀម និងសហការី បានសហការជាមួយ លោកប្រធាន មន្ទីរធម្មការ និងសាសនា លោកប្រធាន មន្ទីរវប្បធម៌ និងវិចិត្រសិល្បៈ ខេត្តកំពង់ចាម លោកអភិបាលស្រុកកំពង់សៀម និងអាជ្ញាធរមូលដ្ឋានពាក់ព័ន្ធ បាននិមន្តចុះប្រជុំសម្របសម្រួលបញ្ហាការសាងសង់មហាកុដិ ក្នុងវត្តគិរីមហាសាលវ័ន (វត្តថ្មី) ស្ថិតក្នុងឃុំទ្រាន ស្រុកកំពង់សៀម ខេត្តកំពង់ចាម។

គួររម្លឹកថា កិច្ចប្រជុំនេះ រៀបចំបន្ទាប់ ក្រោយពីផ្ទុះការរិះគន់បណ្តាញសង្គមរឿងកុដិវីឡានៅក្នុងស្រុកកំពង់សៀម នៅក្នុងវត្តគិរីសាលវ័ន ហៅវត្តថ្មីនេះ ស្ថិតក្នុងភូមិទ្រាន ឃុំទ្រាន ស្រុកកំពង់សៀម ខេត្តកំពង់ចាម។ កុដិដែលមានរចនាបថដូចវីឡាសម័យថ្មីនេះ ក្រោមការដឹកនាំសាងសង់ ពីព្រះគ្រូ ប៊ន ស្រឿន ជាព្រះចៅអធិការ វត្តគិរីសាលវ័ននេះ ដោយប្រេីប្រាស់រយៈពេលកសាងជាង ៦ ឆ្នាំ ដែលកសាងក្នុងអំឡុងឆ្នាំ២០១៨ មក និងទេីបធ្វេីពិធីបុណ្យឆ្លងសមិទ្ធដាក់ឱ្យប្រេីប្រាស់ នៅថ្ងៃទី១ ខែមីនា ឆ្នាំ២០២៤ នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម