Connect with us

សេដ្ឋកិច្ច

កម្ពុជាអាចនឹងសម្រេចជា ប្រទេសមានប្រាក់ចំណូលមធ្យមកម្រិតខ្ពស់ នៅឆ្នាំ២០៣០ តាម UN

បានផុស

នៅ

មន្ត្រីជាន់ខ្ពស់ក្រសួងផែនការបានអះអាងថា ប្រទេសកម្ពុជាអាចនឹងឈានទៅសម្រេចបានជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ តាមទិសដៅដែលកំណត់ដោយអង្គការសហប្រជាជាតិ UN។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសបើកសិក្ខាសាលាស្ដីពី ការផ្សព្វផ្សាយ និងដាក់ឱ្យប្រើប្រាស់ជាផ្លូវការ សន្ទស្សន៍ថ្លៃលំនៅដ្ឋាន នៅព្រឹកថ្ងៃទី០៦ ខែមិថុនានេះ លោក ស្រី ហង់ លីណា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក វិទ្យាស្ថានជាតិស្ថិតិនៃក្រសួងផែនការ បានមានប្រសាសន៍ថា រាជរដ្ឋាភិបាលកម្ពុជាបានចុះហត្ថលេខានៅឆ្នាំ២០១៥ ទទួលយកគោលដៅអភិវឌ្ឍន៍ប្រកបដោយចិរភាពរបស់អង្គការសហប្រជាជាតិ ដែលនៅក្នុងគោលដៅនេះនឹងអភិវឌ្ឍន៍ប្រទេសឱ្យមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រាក់ចំណូលខ្ពស់នៅឆ្នាំ២០៥០។

លោកស្រីបានបន្តថា កម្ពុជានឹងអាចសម្រេចបានតាមផែនការរបស់អង្គការសហប្រជាជាតិពិតប្រាកដ ដោយសារតែតាមរយៈការធ្វើជំរឿនសេដ្ឋកិច្ចឆ្នាំ២០២២កន្លងទៅបង្ហាញថា ជីវភាពរស់នៅរបស់ប្រជាពលរដ្ឋមានការរីកចម្រើនជាបន្តបន្ទាប់ ហើយតាមការព្យាករណ៍នៅឆ្នាំ២០២៥ ដល់២០៣០ ផលិតផលសរុប (ផ.ស.ស) របស់ប្រជាពលរដ្ឋនឹងកើនដល់ប្រមាណ ២ ៤០០ ដុល្លារអាមេរិកក្នុង១ឆ្នាំ។

លោកស្រីបានពន្យល់ថា ប្រទេសដែលមានប្រាក់ចំណូលទាបតម្រូវឱ្យផលិតផលសរុប (ផ.ស.ស) របស់ប្រជាពលរដ្ឋត្រូវមានប្រាក់ចំណូលក្រោម ១ ០០០ ដុល្លារក្នុង១ឆ្នាំ ប្រទេសមានប្រាក់ចំណូលមធ្យមកម្រិតទាបត្រូវមានប្រាក់ចំណូលជាង ១ពាន់ដុល្លារក្នុង១ឆ្នាំ និងប្រទេសដែលមានប្រាក់ចំណូលមធ្យមកម្រិតខ្ពស់ ប្រជាពលរដ្ឋត្រូវមានប្រាក់ចំណូលប្រមាណ ជាង២ពាន់ដុល្លារ។

លោកស្រីបានបន្ថែមថា តាមគោលដៅរបស់អង្គការសហប្រជាជាតិ ក៏តម្រូវឱ្យប្រទេសកម្ពុជាធ្វើយ៉ាងណាបញ្ចប់ភាពក្រីក្រី បញ្ចប់គម្លាតយេនឌ័រ តម្រូវឱ្យកុមារចូលរៀនឱ្យបានគ្រប់ៗគ្នា និងបរិស្ថានឱ្យបានស្អាតល្អដូចប្រទេសគេនៅឆ្នាំ២០៣០។

លោក ស្រី ហង់ លីណា បានបញ្ជាក់ថា ដូចនេះវិទ្យាស្ថានស្ថិតិត្រូវការទិន្នន័យជាច្រើនទៀតសម្រាប់ធ្វើជាសូចនាករសម្រាប់វ៉ាស់វែងគោលដៅរបស់រាជរដ្ឋាភិបាល តើអនុវត្តបានដល់ណាហើយ ព្រោះគោលដៅឆ្នាំ២០៣០របស់អង្គការសហប្រជាជាតិមានរហូតដល់ទៅ ១៨០សូចនាករ ខណៈគោលដៅសហវត្សឆ្នាំ២០១៥ មានសូចនាករត្រឹមតែ ៤៨ប៉ុណ្ណោះ។

លោកស្រីបានបន្ថែមទៀតថា៖ “តម្រូវការស្ថិតិកាន់តែមានច្រើនឡើងៗ និងស្មុគ្រស្មាញកាន់តែខ្លាំងឡើងនៅពេលដែលស្ថានភាពសេដ្ឋកិច្ចកម្ពុជាកាន់តែវិវត្តន៍ និងធ្វើសមាហរណ៍កម្មទៅក្នុងសេដ្ឋកិច្ចតំបន់ និងសេដ្ឋកិច្ចពិភពលោក។ អីចឹងវិទ្យាស្ថានស្ថិតិត្រូវការចាំបាច់ណាស់ទាំងការគាំទ្រថវិកា និងជំនាញបច្ចេកទេស បើទោះបីជាបច្ចុប្បន្ននេះយើងប្រើប្រាស់ថវិកាជាតិក៏ដោយ ក៏ត្រូវការអ្នកជំនាញបច្ចេកទេសជួយរៀបចំស្ថិតិសម្រាប់ធ្វើការវ៉ាស់វែងគោលដៅឆ្នាំ២០៣០ខាងមុខ។

លោកស្រីបានបន្ថែមថា សន្ទស្សន៍ថ្លៃលំនៅដ្ឋានដែលផ្សព្វផ្សាយ និងដាក់ឱ្យប្រើប្រាស់ដោយធនាគារជាតិ នៃកម្ពុជានាពេលនេះ មានសារៈសំខាន់ណាស់ក្នុងការវ៉ាស់វែងសេដ្ឋកិច្ចកម្ពុជា ពិសេសពាក់ព័ន្ធនឹងគោលដៅប្រកបចិរភាពឆ្នាំ២០៣០ ដែលនិយាយពីការអភិវឌ្ឍន៍សេដ្ឋកិច្ច ដែលពិនិត្យមើលតាំងពីលំនៅដ្ឋាន ជីវភាពរស់នៅរបស់ប្រជាជនដោយក្នុងគោលដៅបានកំណត់ហើយថា នៅឆ្នាំ២០៣០ធ្វើម៉េចអភិវឌ្ឍន៍ប្រទេសដោយមិនទុកនរណាម្នាក់ចោលទេ ទោះបីជាអ្នកនោះជាជនពិការ គថ្លង់ ជនជាតិភាគតិចក៏ដោយ។

លោកស្ រីហង់ លីណា បានបញ្ជាក់ទៀតថាបច្ចុប្បន្ននេះ នៅវិទ្យាស្ថានជាតិស្ថិតិ នៃក្រសួងផែនការ មានផលិតផលស្ថិតិជាច្រើនដែលបានផលិតសម្រាប់បំពេញតម្រូវការប្រើប្រាស់ក្នុងរាជរដ្ឋាភិបាល សហគមន៍អ្នកប្រើប្រាស់ ដូចជា៖ ជំរឿនប្រជាជនឆ្នាំ២០១៩ ជំរឿនសេដ្ឋកិច្ចឆ្នាំ២០២២ ដែលបច្ចុប្បន្នកំពុងបញ្ចូលទិន្នន័យ ជំរឿនកសិកម្ម អង្កេត សេដ្ឋកិច្ចសង្គមកិច្ចឆ្នាំ២០២១ អង្កេតប្រជាសាស្ត្រឆ្នា២០២២ អង្កេតកសិកម្មឆ្នាំ២០២២. និងការចងក្រងទិន្នន័យព្រឹត្តបត្តិ ប្រចាំខែ ប្រចាំត្រីមាស និងប្រចាំឆ្នាំ ដូចជា សន្ទស្សន៍ថ្លៃ អ្នកប្រើប្រាស់ សន្ទស្សន៍ថ្លៃអ្នកផលិត ព្រឹត្តបត្តិគណនេយ្យជាតិថ្នាក់ជាតិ និងថ្នាក់ក្រោមជាតិ ព្រឹត្តបត្តិសន្ទ ស្សន៍ថ្នាក់ខេត្ត ដែលផ្សព្វផ្សាយក្នុងពេលខាងមុខឆាប់ៗ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម